Jer. 2:2 - BUKO SIPUNENAN

² “Kenan masipaagai ka sipulalaggai ka Jerusalem samba kua: Kise le tiboiet Tuhan: Kurepdep le' nuntut bagam kateteret mabau pei le tubum, kapunununtut bagam kateteret ai bailiu ekeu siputatalimou, kipa nutut Aku kasimatangeu, ka laggai sita'anai siuremannia.

Jer. 2:2 Iomraidhean Croise

PSALMEN 129:1

Urai pabalougat. Asegean bagatda masiokkip aku barania ka bautubuku – eddangannia israel masikua kisedda –.

2Mos. 14:31

Kele araitconia tai Israel sigalai Tuhan ka gegeNia simaron masikalaake tai Misir, makiseinangan kabagatda bailiu matonemnangan bagatda katubut Tuhan samba katubut Mose, paguguletNia nenda.

2Mos. 16:8

Kuanangan minca si Mose, “Iake te si Tuhan komenmui akkula kateteret kasoibokat, samba roti katetere simansep pat maektekmuian, kalulut aiarepman si Tuhan ngunyu'mui katubuNia. Kalulut ke mungunyu' kam katubumai, katubut Tuhan le anupungunyu' kam.”

Pangt. 1:20

Arepmake kam! Musoga le sikut patuat ka enungan, mugerei le nia ka simauja!

Ur.Sab. 3:11

Belaake kam, ale taiokko Sion, itco kam Rimata Salomoo pubebeunan sikau inania katubunia ka gogoi putalimougatnia, ka gogoi puangkakat bagania.

Ur.Sab. 3:6

Aponia nenda siooi sibara ka simatangeu, kele kujuk simakeppu? Singinnia kele mur samba kumanyang, samba singin senengamata bada' sibara ka sipasisasakiake.

Jes. 58:1

Sogaake kam simaron, ba kekeraake kam! abeuake kam ngangamui kele pipiau, paagai kam ka paamianKu puseleatda samba jotda samuntogat Jakob.

Jer. 11:6

Kuanangan si Tuhan katubukku: “Sogaake le sangamberi nganga nene ka sangamberi laggai ka Jehuda, samba ka sangamberi enungan ka Jerusalem pasamba masikua: Arepake le' nganga palelengan nene samba galaiake le' nenda!

Jer. 19:2

lepa geti ei kam ka Peleu Ben-Hinom ka ipot Matat baliu Gugurukat Karagatat katca! Sogaake le' sedda sangamberi tiboiet segeakenKu geti katubum!

Jer. 2:1

Oi tiboiet Tuhan katubuku, ngangania:

Jer. 2:6

Samba ta'an aparere' sia minca: Kaipangan si Tuhan, sipalulu sita bela ka laggai Misir; samba masipaneinei sita ka simatangeu, ka polak simagarak samba sitaimagaktuk, ka polak simakope garak samba magepgep, ka polak taisasabauget sirimanua samba taikukudduijiet sirimanua?

Jer. 3:4

Ta'pa simaruei le' anusogai Aku: Ukkuiku! Ekeu le' aleiku ka sule'ku!

Jer. 7:2

Purio le' ka matat baliu gugurukat uman Tuhan, gereiake sedda tiboiet nene samba kua: Arepake tiboiet Tuhan, ale sangamberi tai Jehuda situguguru' ka sangamberi matat baliu gugurukat nene addeat murekkuk manindou kai Tuhan!

Jehz. 16:22

Kabagat sangamberi sigalaiakenennu sikatai samba puoloman tubum nenda taan nurerepdep minca kateteret mabau peile tubum, kateteret sibulutut peile ekeu sialei nupangoingoi rerem kabagat logaunu.

Jehz. 16:60

Tapoi Kurepdep le palelenganKu pasamba ekeu kateteret mabau peile tubum samba Kuronake le kekeu palelengan sitaimasususu.

Jehz. 16:8

Iageti sabaua Aku sedda samba itcokungan ekeu, bulatnia, aiailingan ekeu ka pubotbonan tubu. Apoakekungan komakKu katubum samba tabbokungan kailaakenennu. Kabagat suppa baraakekungan palelengan katubum, kisedda te tiboiet Tuhan Taikamanua, samba kabagat nenda ekeu bailiu bakkatKu.

Jehz. 23:19

Igalaiake simaigi peile puoloman tubunia samba irepdep kateteret sibau tubunia, kateteret aipuolop tubu ka Misir.

Jehz. 23:3

Muolop tubu le sia ka Misir, muolop tubu le sia kateteret sibau tubu sia; rapapetcuni le sedda tottotda samba raparapeiji le pusiokkonia.

Jehz. 23:8

Ta aikaddiuake puoloman tubu sigalaiakenennia barania peile ka Misir, kalulut kateteret sibau tubunia peile arapaperepakeannia, samba raparapeiji le pusiokkonia samba masibelaake puoloman tubutda katubunia.

Hos. 11:1

Kunangan si Tuhan, “Barania kasigoiso peile Israel akupununtukingannia baga, kusogai togakku nenda, bela ka laggai Misir.

Hos. 2:15

Sangamberi monen anggurnia toiliakekungannia minca ka tubunia, samba guluggu pugejaat baga bailiuakekungannia matat baliu pasingenaan putoneman baga. Sedda te isilo Aku kele kateteret mabau peile tubunia, kateteret simaruei peile aibela ka Misir.

Hos. 2:17

Ta'an kuoobaake ikua minca onin Baal, bailiu kalipogitdrangan oni nenda.

Hos. 2:7

Kukrunangan geti sangamberi simanuntu bagania, tapoi ta iaaili sia. Gabanangan sia, tapoi ta isese sia. Iageti kuanangan, “Totoilingan le aku ka simanteuku siboiki, siboiki puririmanuangku maeru bele pei kapuririmanuangku kineneiget!

Hos. 8:1

Kuanangan si Tuhan, “Nauake kam toggaiat kalotoakenen! Tai saggak masisaggangi laggaiku kele manyang itarakkup ibania! Paamianku masipasabau palelenganku katubudra, samba masisaggangi sangamberi sigelaiakenenku.

Hos. 9:10

Kuanangan si Tuhan, “Kateteret akusese tai Israel, mangka bagaku kele sirimanua sisese buat anggur ka simatangeu. Kateteret siboiki akuitco taikebbukatmui mangka bagaku kele sirimanua siitco bua siboiki buat sileu. Tapoi, kateteret araei kaleleu Peor, taddarangan masibuluiji baal, bailiu sia malolit kele taikamnua pununtukietdra baga nenda

Jon. 1:2

Kuanangan si Tuhan, “Kenan ka Niniwe ka laggai sabeu nenda, bule nuase'ake silaggaijinia, kalulut Akuagaian, aipoi silaggaijinia makope' kataira”

Mat. 11:15

Kasei sibara talinga kau iarepmake nia!

Luk. 12:13

Ai sara ka talagada sirimanua simigi masikua ka matat Jesus, “Guru, kua ka sarainangku irubeiake kaku bibilet sigalak sakalimeumai.”

5Mos. 2:7

Repdep kam kipa aipanukani kam Tuhan Taikamanuamui ka sangamberi galajetmui. Ipasikeli le kam ka burut pueppanganmui ka simatangeu simalio nene. Jagonangan kam ka bagat epat pulu ngarura burunia samba akenangan leu sangamberi simagulai ka kam.

5Mos. 33:3

Bulatnia, manuntu bagat Tuhan ka bangsaNia. Jagonangan sangamberi sirimanua sibailiu bakkatNia. Kauan tapurappo kam ka rereNia samba tareddet sangamberi parentaNia.

5Mos. 8:2

Repdem kam! Epat pulu ngarura burunia aiuteake kam si Tuhan Taikamanuamui ka pusilaijat simareunan sisaliu simatangeu. Puenunganan nenda pinaatut Tuhan masisibo kam, bule ioi iitco aponia sibabara ka patuatmui samba ai leu pa reddetmui ka sangamberi parentaNia.

Jak. 4:4

Kam sipaeelet! Ta nuagai kam, pasuruangan ka taikapolak nene, pasaggangan ka Taikamanua le? Oto kasei sibailiuake tubunia suruak taikapolak nene, aibailiuakean tubunia saggak Taikamanua.

Pamoil. 2:4

Tapoi kenanen kisedda ai taioobaket bagaku kekeu, ia te kakaddiuakenu nuntut bagam siboiki.