Jer. 2:17 - BUKO SIPUNENAN

¹⁷ Ta' leu pa' ekeu le' amasigalai nene katubum, kalulut kakaddiuakenu, Tuhan Taikamanuam kateteret Ipalulu ekeu ka enungan.

Jer. 2:17 Iomraidhean Croise

1Taw. 28:9

Lepa kuanangan si David katubut Salomo, “Togakku kau te Taikamanua sipanindogiet ukkuinu, nusilo sibailiu Taikamanuam. Buita nupaguguletake tubum katubuNia ka linat patuat samba ka teu baga. Aipoi iagai sangamberi pinaatu samba obaket bagatta. Ke nugabaNia, sesenunganNia geti, tapoi ke nukaddiuakeNia, tata'akenangan ekeu addeat teret buruburu.

2Taw. 15:2

bailiu einia masiailiake Rimata Asa, samba kuanangan, “Ale Rimata Asa, samba sipulaggai ka Jehuda samba Benjamin! Arepake kam! Si Tuhan malegre katubumui ke malegre kam katubuNia. Ke nutiddou kam enungan kai Tuhan, akenangannia. Tapoi ke ta nupuletsei kamNia, taipuletseinangan leu kam.

Job 34:27

Kalulut arakaddiuakeNia, samba ta arapuletcei berisara tiboietNia.

Job 4:8

Akulelekngakean, sirimanua sipamamangkru mone pukakatai, samba sikarapmake karamen pugejaat baga kele luikut ureman, silonangan kamateiat samba pugejaat baga!

PSALMEN 107:7

Ambitnangan sia masienungi enungan simaroipo, bailiu sege sia ka laggai pukudduanan sirimanua.

PSALMEN 136:16

Sarat Nia le sipalulu paamianNia mesienungi simatangeu! bulatnia teret buruburu le katet bagaNia.

PSALMEN 77:20

EnunganNu sienungi koat samba enunganNu sabeu sienungi uddut oinan simalio, tapoi sireretNu ta maitco.

Pangt. 15:10

Sirimanua sigalaiake sikatai tupaoreiji le nia, sirimanua sitaioba tuaseake matei le nia.

Jes. 1:4

Matei le laggai sijo, muntogat simasun puseleat, reddenen sirimanua sikatai, tatoga sikatai paraboat! Arakaddiuakean si Tuhan, masipaloloi Sipunenan, Taikamanuan Israel, samba rakateiteiakeNia.

Jes. 59:13

amukelaat patuatmai samba paboko katubut Tuhan, samba toili kapasitututmai Taikamanuamai, kuisiake le kai masiraurau samba patajuat, masisuruketake pabokoat kabagat patuat samba masitu'tuake kabagat titiboat.

Jer. 13:22

Samba ke'bai nuparere' kapatuatnu, “Angoi sangamberinia nene iorak aku?” Kalulut iginia puseleatnu le' iageti tungangaake le' buttet komaknu samba tuelet le' ekeu!

Jer. 19:4

Aipoi arakaddiuakean Aku, atukauan kudduat nene ka taikamanua siooiake samba atulaboan buluakenen sene' ka taikamanua siooiake sitaiaagaietda samba taikebbukatda samba tai rimata Jehuda. Aragalaian kudduat nene sun le' logau sirimanua sita'anai sele.

Jer. 2:13

Kalulut ruangaminca aragalai jo' paamianKu: rakateiteiake le' Aku, bubuakat oinan purimanuaiat, bule ragaigai le' uggungan rubeiatda saratda, iate uggungan sipukpuk sitaioi masiruruake oinan.

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jer. 4:18

Paraboatnu samba galai tubum aibaraakean sengamberinia nene katubum. Nenda te' nungan puririmanuam sikatai, bulat mapongit le, pat pununangan paatuatnu.”

Jer. 44:3

Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jer. 5:25

Puseleatnu masikekreake sangamberinia nene, samba jom masipetpetake simaeru ka tubum,

Jehz. 39:24

Kugalaiake le katubutda siripot pulololitda samba pinasabaura.

Hos. 13:9

Kususubuake te kam, ale bangsa Israel! samba kasei momoi masiropake ekeu?

Mik. 1:5

Aibara sangamberinia nenda kalulut jo samba paagggaratda tai Israel ka tubut Taikamanua. Kasei pa' amasigalai ramajo tai Israel? Ta pa Samaria inan laggainia? Kasei pa' amasigalai bule' rapanindogi Sabulungan tai Jehuda? Tapa Jerusalem?

4Mos. 32:23

Tapoi reddet kam, ke tanugalaiake kam palelenganmui, majomuian kai Tuhan samba ukumakenangan kam kalulut jomui.

5Mos. 32:10

Ailinangan sia ka pueppangan ka sara kudduat simatangeu simase'se. Lepa jagonangan sia samba leu et pasikelinangan sia samba puukunangan sia kele bakkatNia.

5Mos. 32:19

Kele aiitco si Tuhan pagalaiat nene, bara goluNia si Tuhan, samba taisilonangan tatogaNia.