Jer. 19:5 - BUKO SIPUNENAN

⁵ Ararioake patinambu-tinambu pasibuluat kai Baal addeat masilabo' tatogatda sibailiu buluakenen silabo katubut Baal, sara galaiakenen sitaiparentaakenenKu ele sitaikukuanenKu samba taanai muontou ka paatuatKu.

Jer. 19:5 Iomraidhean Croise

2Rim. 17:17

Panguruatakerangan tatogatda sibailiu buluakenen ka sabulungan. Pakeirangan tai kerei samba paguguletakerangan tubutda ragalaiake sikatai ka matat Tuhan, bailiu pugolunanngan si Tuhan katubutda.

2Rim. 21:6

Panguruatakenangan togania sibailiu buluakenen. Si Manasye leu et masigalaiake galajet pukekerei, putatawa, jagot tubu, samba masitiddou enungan ka ketsat sirimanua simamatei. Maigi aigalaiake jo ka matat Tuhan bailiu bara goluNia si Tuhan.

2Taw. 28:3

samba leu masilabo kumanyang ka Susut Hinom. Beringan leu tatogania aipanguruatake ka sabulungan sibailiu buluakenen ka sabulungan, siripot katukelat sikatai sirimanua sikeklet Tuhan ka laggai Kanaan kateteret araguruki laggai nenda tai Israel.

Jer. 32:35

Rarioake le' sangamberi tinambu pasibuluat addeat ka Baal ka Peleu Ben-Hinom, addeat masipanguruatnake tatogatra taimanteu samba tainanalep katubut Molokh sibailiu buluakenen kabagat obengan. Kenanen bai ta' Akukoiniakenia katubutra samba kenanen bai nenda ta'anai muontou ka paatuatKu, iate pagalaiat kasitsitnakenen nene, bailiu tugirisitnangan Jehuda kabagat jo.

Jehz. 16:36

Kise te tiboiet Tuhan Taikamanua: Kalulut anuparubei poi paeletnu samba keikeietnu tunga'ngaake kabagat puoloman tubum ka sirimanua sioba ekeu, ka sabulungannu sikatai samba kalulut logaura tatogam sipanguruatakenennu katubutda,

Jehz. 20:26

Obaakekungan sia ramalolit ka panguruatda, kabagat mupanguruat sibailiu buluakenen kabagat obengan sangamberi sipututu'tu mata siboiki ka suruket, bule Kugalai ratuge'ge, samba agairangan getinia, Aku te Tuhan.

Jehz. 38:10

Kasene le' tiboiet Tuhan Taikamanua: Ka gogoi nenda bara ka paatuatnu samba galainungan pinatu sikatai.

Dan. 2:29

Kateteret ai tuanku ka pereman, bara pupaatuanan tuanku pagalaiat aponia sipuaaili ka gogoi sibabara. Taikamanua sipatoila sangamberi keleat nenda aipaagaian katubut tuanku sipuaaili geti ka gogoi sibabara.

3Mos. 18:21

Bui' nukau kam sara tatogamui bule itupanguruatake katubut Molokh, bule bui nupasabau kam pusisipunenan onin Taikamanuamui; Aku te Tuhan.

4Mos. 22:41

Mansep simanseman si Balak masiabbit si Bileam manatra tinambut Bamot Baal. Sibara sedda momoi iitco sangarubeiat sibara ka bangsa Israel.

5Mos. 12:31

Ka teteret nupanindogi kam Tuhan Taikamanuamui, bui nuului kam bangsa-bangsa nenda kele rapanindogi taikamanuandra, aipoi enungan rapanindou ka sia ragagalaiake le galajet sikatai simalaga bagat Tuhan. Beri tatogadra ralalaboake sia ka uddut kudduat pasibuluat sibailiu buluakenen ka taikamanuandra.