Jer. 18:8 - BUKO SIPUNENAN

⁸ Tapoi ke'bai bangsa katubut kasei pa' Kukua kise aibauakean paatuatnia ka katainia, iageti oleinanganbagaKu, kalulut Aku pugejaatbaga sipinaatuaKu nenda katubutda.

Jer. 18:8 Iomraidhean Croise

2Taw. 12:6

Rimata samba sia saute sabagei masiseseake jo sigalaira, kuarangan, “Sigalaiakenen Tuhan nenda sineseat le.”

PSALMEN 106:45

Repdepnangan palelenganNia ka sia samba mukate baga siripot riuriu katet bagaNia siabeu.

PSALMEN 135:14

Aipoi si Tuhan masikau geti puroipoat ka paamianNia, samba ipikateki baga sapaguguletNia.

PSALMEN 90:13

Toilingan, ale Tuhan – pigangan le burunia? – samba pununtuki baga sapaguguletNu!

2Mos. 32:12

Ke numateiake sia, kuarangan te geti tai Misir, anuambit tai Israel bela ka laggai Misir bule numateiake sia ka leleu samba nusubukaake. Ta kisedda, oi Tuhan, silingan le pinaatum samba bui nubaraake pugejaat bagatda.

2Mos. 32:14

Iageti silinangan pinaatuNia si Tuhan samba taan airiuriuake isubuake tai Israel.

Jer. 12:16

Samba ke'bai bulat sibulatnia ragelai enungan puririmanuan paamianKu bailiu pusupparangan ka oningKu, ‘Kai Tuhan sipuririmanua,’ kele siboiki ragelaiake paamianKu musuppa kai Baal, Iageti sia leu turioake ka talagat paamianKu.

Jer. 15:6

Ekeu le' amasikeraake Aku, kise le ngangan Tuhan, ameian ekeu nukaddiuake Aku. Iageti Kutotoiake' le' kabaiKu samba masimateiake ekeu; amagelangan Aku masiopmake golu.

Jer. 26:13

Kalulut nenda, paerukam paraboatmui samba galaitubumui, samba arepikam ngangan Tuhan Taikamanuamui, bailiu oleinanganbagania si Tuhan pagalaiat pugejaatbaga akenenNia katubumui.

Jer. 26:19

Aimateiake leu pa' nia si Hizkia, rimata Jehuda, pasamba tai Jehuda? Ta'pa' maloto le' geti nia kai Tuhan, pat tiddounangan pukatekat Tuhan, bule ioleibagania si Tuhan pagalaiat pugejaatbaga akenenNia ka sia? Samba sita, taoba pa' masibaraake pugejaatbaga bulat sabeu katubutta saratta?”

Jer. 26:3

Kepei raoba masiarepi, samba senenra raoba masikaddiuake paraboatra sikatai, bailiu oleinanganbagaKu masigalaiake pugejaatbaga nenda katubutra kalulut sangamberi galaitubutda sikatai.

Jer. 36:3

Ke' bai raarep tai Jehuda pagalaiat sangamberi pugejaatbaga kaunenKu katubutra, iageti senenda masibauake paatuat ka galaitubutda sikatai nenda, bailiu Kuappeake le' pusesele samba pujojotda.”

Jer. 42:10

Ke' mukuddu kam simariuriu ka laggai nene, iageti Kupaeeru le' samba ta' Kupabubukkat kam, Kugalai le' geti kam mutu'tu samba ta' tububuraukam; aipoi aioleian bagakKu akubaraake pugejaatbaga katubumui.

Jehz. 18:21

Tapoi ke sirimanua sikatai nenda ibauake patuatnia ka sangamberi jo sigalaiakenennia samba iukkaake sangamberi siteuakenenKu samba leu igalaiake puroipoat samba pubulanan, bulat murimanua le nia, ta mamateinia.

Jehz. 33:11

Kua katubutda: Kalulut Aku sipuririmanua, kise te tiboiet Tuhan Taikamanua, ta ioba bagakKu ka kamateiatda sirimanua sikatai, tapoi Kuoba le ibauake patuatnia sirimanua sikatai bule ipurimanua. Bauake kam patuatmui, bauake kam patuatmui ka purimanuaiatmui sikatai nenda! Angoian le numamatei kam, ale muntogat Israel?

Jehz. 33:12

Ekeu togat sirimanua, kua ka saaleinu sabangsam: Pubulanan sirimanua simatopit ta iarauakenia, kateteret ibele ka pinasabau samba pukakatai sirimanua sikatai ta sibaraake katusoksongannia, kateteret ibauake patuatnia ka pukakatainia; samba sirimanua simatopit tamomoi ipurimanua kabagat pubulananannia, kateteret igalaiake jo.

Jehz. 33:13

Ke manibo Aku ka sirimanua simatopit: Bulat muririmanua te ekeu! tapoi ikaroake le pubulanannia samba igalaiake le patajuat, sangamberi pubulanan sigalainia ta tuaddeake, samba buita mateinia kabagat patajuatnia sigalaiakenennia.

Jehz. 33:14

Ke manibo Aku ka sirimanua sikatai: Bulat matei le ekeu! tapoi bauakenangan patuatnia ka jonia samba galaiakenangan puroipoat samba pubulanan,

Hos. 11:8

Kuanangan si Tuhan, “Ale kam tai Israel, ta'momoi le kuobaake ekeu ele kukaddiuake ekeu. Momoi pa kusubuake ekeu kele si Adma, ele kugalaiake kele si Zeboim? Ta'iaili patuatku kugalaiake kele pagalaiat nenda, kalulut nuntut bagakku katubum makope beunan.

Ams. 5:15

Pulagakibaga sikatai, pununtukibaga simaeru; samba rioakekam katuroipoat ka matbaliu gugurukat. Baleu ipunununtukibaga si Tuhan, Taikamanua Sebaot muntogat Josep sipulelegei.

Jon. 4:2

Iageti panindounangan, “Oi Tuhan, akukuangan tebai siboiki aipeile aku ka laggai kabaraiatku, aipoi bulat nugagalai le kele nene. Iate paluluatnia akutuitui masialiake Spanyol? Kuagaipoi Ekeu le Taikamanua Sipulu nuntut baga samba sipulu katet baga, simaom baga samba simaleppe baga samba simatarek masisaili galaiakenen pasiukuman.

5Mos. 32:36

Iaarauake te geti sapaamianNia samba ipununtuki baga sapaguguletNia, ke' iitco ta'an amoi katubudra samba taan anai ron tubudra.

Pas. 2:18

Ke ikau si Tuhan sara saute katubutda bangsa Israel, mariuriu iropmake saute nenda si Tuhan. Samba burut ipurimanua saute nenda, sarat ibelaake le sia ka saggakdra. Manuntu bagania katubutda ke iarep rapangorik kalulut raokkip samba rapaoreiji sia.