Jer. 18:11 - BUKO SIPUNENAN

¹¹ Kalulut nenda, kua le katubudra tai Jahuda samba katubut sipulalaggai ka Jerusalem: Kasene le ngangan Tuhan: Bulatnia te', Aku nene aikupatatarek pugejaatbaga katubumui samba masiisiake pinaatu katubumui. Kauan senemui masibauake puparaboananmui sikatai, samba paerukam pubaraboananmui samba galaitubumui!

Jer. 18:11 Iomraidhean Croise

1Mos. 11:7

Simaerunia tugororot le Sita samba masipakatai ngangandra bule pasasambagatra taan paagai sia.”

1Rim. 22:23

Kuanangan minca si Mikha, “Kauan, nenda te sipuaaili! Aigalaian si Tuhan tai nabim paboko katubum kalulut aiteuakean si Tuhan bule isaksakngake pugejaat baga katubum!”

2Rim. 17:13

Aikoiniakean pakoiniet samba tai nabiNia ka paamian Israel samba ka tai Jehuda masikua patonekat nene “Ariake kam mugalai sikatai samba reddet kam sangamberi parenta samba surukat siakeKu ka taikebbukatmui samba ka tubumui sisegeakenenKu ka tai nabi sapaguguletKu.”

2Rim. 22:13

“Kenan parereake enungan kaku kai Tuhan samba leu ka siberikabaga Jehuda pagalaiat bagat buko nene. Magolu si Tuhan katubutta kalulut ta aragalaiake taikebbukatta surukat sitususurat ka bagania.”

2Rim. 5:5

Kuanangannia Rimata, “Kauan, kenannan kai rimata Israel. Aile kugalai surat katubunia.” Lepa geti einia si Naaman, ambitnangan telu pulu ribu bulagat perak, enem ngaribu bulagat mas samba pulu leppei simalainge.

Jes. 5:5

Oto kineneiget, Kupaagainia katubumui apa lepa geti Kugagalaiake ka monen anggurKu nenda: Kutadde le geti kekrenia simarui, bailiu mone nenda pakatainangannia tarimeu simasabbak, samba bukkatakenangan iripnia, bailiu mone nenda paperakinangannia.

Jes. 57:1

Masubu le sirimanua simaroipo, samba berisara sirimanua sipuleleknia; matei le sangamberi sirimanua simatopit, samba berisara sirimanua sipuletseinia; bulatnia, kalulut amakakrangan pukakatai, mateirangan leu sirimanua simatopit

Jer. 11:11

Kalulut nenda kasenen le ngangan Tuhan: Bulatnia te', Kubabaraake le' katubutda pugejaat baga sitaioi tuta'ta'ake, samba ke'bai mugerei sia katubukKu, ta' Kuaarepi geti sia.

Jer. 11:19

Tapoi siboiki aku kelean le' togat biribiri simaum tuambit bule ituja'ja, ta'kuagai, babaraakenenda pukekeret baga sikatai katubukku: “Konan le' ta'mateiakekam loina nene pasamba sangamberi buania! Konan le' tatata'akekamnia barania ka laggaira sipuririmanua, bailiu oninia ta'an rarerepdep minca sirimanua!”

Jer. 18:18

Kuarangan: “Konan le' tagalaikam pukerekatbaga katubut Jeremia, aipoi imam ta'sasapru gelaiakenennia, sirimanua simasiku paatuat ta'sasapru nganturatnia samba nabi ta'sasapru tiboiet. Konan le' tabo'bo'kamnia pasamba ngangania samba bui tulelekngake senen sukuania!”

Jer. 19:15

“Kasene le' ngangan Tuhan Sebaot Taikamanuan Israel: Bulatnia te' Kubabaraake te' ka laggai nene samba kasenen laggai pabebebakenennia sangamberi pugejaatbaga sikuaKu iorak le geti sia, aipoi makela' le paatuatda samba ta'araarepi sangamberi tiboietKu.”

Jer. 19:3

Kua le': Arepmake ngangan Tuhan, ale tai rimata Jehuda samba sipulaggai ka Jerusalem! Kasene le' ngangan Tuhan Sebaot, Taikamanuan Israel: Bulatnia te' Kubabaraake le' geti pugejaatbaga ka kudduat nene, bailiu talingan sirimanua sipasiaarepnia mungepngep!

Jer. 25:2

Tiboiet nenda aisegeakean nabi Jeremia ka sangamberi muntogat Jehuda samba kasangamberi sipulalaggai ka Jerusalem, kuanangan:

Jer. 25:5

Kuarangan: Bauakekam paatuatmui senesenemui ka paraboatmui sikatai samba ka galaitubumui sikatai; Iageti mariuriunangan nupukuddukan ka polak siaket Tuhan kakam samba kataikebbukatmui, barania siburu' teret buru'buru.

Jer. 26:13

Kalulut nenda, paerukam paraboatmui samba galaitubumui, samba arepikam ngangan Tuhan Taikamanuamui, bailiu oleinanganbagania si Tuhan pagalaiat pugejaatbaga akenenNia katubumui.

Jer. 26:3

Kepei raoba masiarepi, samba senenra raoba masikaddiuake paraboatra sikatai, bailiu oleinanganbagaKu masigalaiake pugejaatbaga nenda katubutra kalulut sangamberi galaitubutda sikatai.

Jer. 3:1

NgangaNia: “Ke' sara sirimanua masisaraake sinanalepnia, lepa sinanalep nenda tuitui katubunia samba bailiu sinanalepda sirimanua sabagei, totoili leu pa' simanteu siboiki ka sinanalep nenda? Ta' pa laggai nenda ama lolitnan? Amujongan ekeu ka umunnakenennu simigi, samba nuoba toili ka tubuKu? kise te' ngangan Tuhan.

Jer. 3:22

Toiliake kam, ale tatoga sipasikakaddiuake si Tuhan! Kuaaleake geti ekeu ka pasikakaddiuakenu si Tuhan.” Koi te' kai, amoian kai katubuM, aipoi Ekeu le' Tuhan, Taikamanuamai.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 36:3

Ke' bai raarep tai Jehuda pagalaiat sangamberi pugejaatbaga kaunenKu katubutra, iageti senenda masibauake paatuat ka galaitubutda sikatai nenda, bailiu Kuappeake le' pusesele samba pujojotda.”

Jer. 36:7

Baleu panindougatda sege ka matat Tuhan samba senenda masibauake paatuatnia ka galai tubu sikatai nenda, aipoi bulat abeu le' golu' samba oloi golu' siisiakenen Tuhan katubut bangsa nene.”

Jer. 4:1

“Ke' nuoba taoili, ale Israel, kise te ngangan Tuhan, toiliake' le' ekeu katubukKu; samba ke' nuoba nuareuake sabulungannu ka sitsitnakenen, ta'an leu mututitui ekeu kamataKu!

Jer. 4:14

Palina le' paatuatnu ka pukakatai, ale Jerusalem, bule tupaarau ekeu! Pigangan le' ujunia ikuddu ka paatuatnu sangamberi isiat sikatai ka bagat paatuatnu?

Jer. 4:23

Kuitco le' ka polak, tapoi apagaluan samba taanai berisara sibabara, samba kuitco ka manua, tanai toronia.

Jer. 4:6

Akkatnake toggaiat ka ipo Sion! Olaake mujaujau, bui nupumengmeng kam! Aipoi Kubarake le' paoret sibara ka bare' samba kakakatai sabeu.

Jer. 51:11

Palauru kam silogui, tarekngake kam sangamberi korabbi! Aisuruakean te si Tuhan puroron tubutda tai rimata Media, aipoi pinaatuNia ka Babel iate masipakatai Babel: nenda te pasisisiliakena si Tuhan, pasisisiliakena kalulut uma sipunenanNia!

Jer. 7:3

Kasene le' tiboiet Tuhan sebaot, Taikamanuan Israel: Paeru le' paraboatmui samba galai tubumui, oto Kuoba le' mukuddu pasamba kam ka kudduat nene.

Jehz. 13:22

Kalulut anusaggoiji poi kam patuatda sirimanua simatopit kabagat patajuat. Beringan Aku taanai kupareureugi bagania, tapoi bailoknia nukelaake le kam patuatda sirimanua sikatai, bailiu taibauakenangan patuatnia ka paraboatnia sikatai nenda, samba nuobaake le kam rapurimanua.

Jehz. 18:23

Kuoba pa kamateiat sirimanua sikatai? Kise te tiboiet Tuhan Taikamanua. Ta pa pasibaugat patuatnia le Kuoba bule ipurimanua?

Jon. 3:8

Sirimanua samba tarimeu bui tamasipakei komang goni. Sibailiu toggaiat olei baga sangamberi sirimanua bui' tamanindou bulat sibulatnia ka Taikamanua. Sangamberi bui tarapaeru paraboat sikatai samba galai tubu simasun jo.

Mik. 2:3

Ia geti kuangan si Tuhan, “Kuusiake' le pasisiobat ka tubumui bule bui ioi nubela kam. Kateteret taimaungtuk taan mueenung kam kabagat buak paatuat.

Zakh. 1:3

Tapoi kineneiget kukuania ka tubumui: Toiliake kam ka tubuKu, iageti Aku leu toili ka tubumui.

Pugap. 26:20

Tapoi kupoiliat le, boiki ka tai Jahudi sikuddu ka Damaskus, lepa ka Jerusalem samba ka sangalio Judea, samba leu ka sabangsa bagei, bule rabauake paatuatda samba ratoili ka Taikamanua, samba muparaboat siripot katubabau paatuat.

Jak. 4:13

Arep kam, kam sipasikukua, “Gogoi nene ele mancep mei kai ka laggai anu, kuddu kai sedda pasaki samba masigaba bulagat.”

Jak. 5:1

Arep kam, kam simakayo, pusou kam samba pugeri kam ka pagalaiat pugejaat baga sipuaaili ka tubumui!