Jer. 17:3 - BUKO SIPUNENAN

³ iate paleleuleleu ka simatangeu. – Pukayoatmui samba senenganta bibiletmui simakeppu saki Kukau le' geti ituraurau sibailiu ukuman ka jomui ka senen kupkumenmui

Jer. 17:3 Iomraidhean Croise

2Rim. 24:13

Sangamberi pugalai sibara ka mas sigalai Rimata Salomo pukayoat Uman Tuhan, pakatainangannia si Nebukadnezar. Lepa sangamberi bibilet simakeppu saki sikuddu ka Uman Tuhan samba uma purimataat abbitnangannia ka Babel. Aipuaili sangamberi nene, kele siripot sikuat Tuhan.

PSALMEN 78:58

besikirangan patuatNia pasamba leleu pasibuluatda, ragalai imatutu baga pasamba sangamberi tularat sabulunganda.

Jes. 27:9

Kalilut nenda kise te aitataake puseleat Jakob samba nene te buania ke iareuake jonia: galainangan geti senengamata bukku kudduat buluakenen kele bukku kapur sisilaakenen, bailiu sappru sangamberi arigit bulungan samba kumanyang.

Jer. 12:12

Amoian sipakatainia masigejengi sangamberi leleu simagarak ka simatangeu; aipoi lanjau Tuhan mugolu masikom barania katutut laggai sara ka tutut laggai bagei; ta'anai aban kasangamberi sipuririmanua.

Jer. 15:13

“Pukayoatnu samba sangamberi pubulagananu Kukau le' geti ituraurau sibailiu ukuman ka sangamberi jom ka sangamberi kupkumen laggainu.

Jer. 20:5

Samba leuet pukayoat laggai nene, sangamberi buat saggot tubutda, sangamberi bibilet simakeppu saki samba sangamberi pubulagananda tai rimata Jehuda Kukakau le' geti ka kabei saggaknia, sipasiraraurau, sipasirururuake samba masiambit sangamberinia nenda ka Babel.

Jer. 21:13

Bulatnia te' ibailiu le' geti aku saggaknu, ale laggai kauddut pengleu, leleu bukku ka su'su', kise le' ngangan Tuhan, ale kam sipasikukua: Kasei maeme togorosot katubumai samba kasei maeme tuguru ka kudduat pukunemanmai?

Jer. 26:18

“Si Mikha, tai Moresyet nenda, aipoiliatnan ka teteret Hizkia, rimata Jehuda. Aikuangan katubut sangamberi bangsa Jehuda: Kasene' le; ngangan Tuhan Sebaot: Sion tupapakru le' geti kele mone samba Jerusalem ibailiu le' parurukat siragatat samba leleu Uman Sipunenan ibailiu le' geti tinambu simaigi loina.

Sou. 1:10

Sangamberi pukayoatnia araraurauan tai saggaknia. Sarapei buita iitco le sia raguruki Uman Taikamanua, sara galaiakenen keraet Tuhan ka sirimanua sitaiaddeakenen paamianNia.

Jehz. 16:39

Kusegeake le ekeu ka kabeira. Bukkatakerangan leu kudduatnu simabuak samba pakatairangan sangamberi leleunu, bulututakerangan ekeu, parauraugirangan sangamberi pulaingeannu samba obaakerangan ekeu sibulutut.

Jehz. 23:46

Kalulut kise te tiboiet Tuhan Taikamanua: “Eddangan ratusuru sangamungkuat sirimanua masisaggangi sia samba obaake sia ibailiu kalotoakenen samba raurauget.

Jehz. 6:3

Kua: Ale sangamberi leleu Israel, arepake tiboiet Tuhan Taikamanua! Kise te tiboiet Tuhan Taikamanua ka sangamberi leleu samba tinambu, ka sangamberi sopak oinan samba su'su: Bulatnia te, Kubaraake le geti pasaggangan katalagamui samba Kusubuake le geti sangamberi kudduat pasibuluijiatmui.

3Mos. 26:30

Kupakakatai le geti sangamberi kudduat panindogatmui ka uddut tinambu, Kupabubukkat le sangamberi kudduat pasibuluat simalolitmui ka kuddut pasilabokat dupa samba masiribbaiake tubu simamateimui ka uddut buluijietmui simabubukkat nenda.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Zep. 1:13

Pukaioatdra turaurau samba lalepdra leu tupakatai. Ragagalai lalep tapoi tak rakukudduiji. Rabesiake' leu ragalai monen anggur, tapoi tak ralo anggurnia.”