Jer. 17:2 - BUKO SIPUNENAN

² sibailiu repdemen ka sia! Sangamberi kudduat pasibuluatda samba sangamberi arigit buluatda kerenangan ai ka bebet loina simalibbut ka uddut leleu simabuak,

Jer. 17:2 Iomraidhean Croise

2Taw. 24:18

Oto taipanindourangan siberikabaga ka Uman Tuhan Taikamanuan taikebbukatda, tapoi rabuluiji le sabulungan samba tularat Asyera sabulungan sinanalep. Jo sigalaira nenda masibaraake golut Taikamanua ka tai Jehuda samba Jerusalem.

2Taw. 33:19

Kabagat buko Pungunguan Pagalaiat tai Nabi atusuratakean leu panindogat Manasye, alegiat Taikamanua ka panindogatnia nenda samba leu pagalaiat sangamberi jonia kepei ibauake patuatnia. Kabagat buko nenda leu atusurat sangamberi kudduat pasibuluijiat sabulungan tularat Asyera sigalainia samba leu sangamberi bulungan panindogietnia.

2Taw. 33:3

Kudduat pasibuluat sabulungan sipakatai Hizkia, ukkuinia, galainangannia minca. Galainangan kudduat pasibuluat panindogat ka sabulungan samba galainangan tularat Asyera bulungan sinanalep. Si Manasye leu et masipanindogi panyanyat.

PSALMEN 78:58

besikirangan patuatNia pasamba leleu pasibuluatda, ragalai imatutu baga pasamba sangamberi tularat sabulunganda.

2Mos. 34:13

Oto, bui te nugalaiake kisedda, tapoi bukkatnake le sangamberi kudduat pasibuluatda, ragatanake sangamberi arigit buluatda samba tadde kam sangamberi arigit Asyera sabulungan sinanalep, buluijietda.

Jes. 1:29

Bulatnia te, nusilo te kam puailaat kalulut sangamberi loina sabeu suruketmui obaket bagamui; samba maailamuian kalulut sangamberi monen bulungan sipilimui.

Jes. 17:8

taan imamatai ka sangamberi kudduat pasibuluat sigalai kabeira, samba taan raitco ka sigalai kabeira, iate sangamberi arigit bulungan samba pasilabokat kumanyang.

Jer. 2:20

Aipoi kateteret siburu pei le' anubakbakngakean bairanennu, anutakkiakean sesere pangampram, samba masikua: Ta'akuoba minca tupaguguletnake Aku. Mandean leu ka senen uddut leleu sipununuinuiat samba ka senen tei loina simalibbut nuperep samba muolop tubu.

Jer. 3:23

Bulatnia, sangamberi tinambu pasibuluat iate patajuat le' iate pugaugaupat ka uddut leleu nenda! Bulatnia te', sarat kai Tuhan Taikamanuanta le ai puaraugat Israel!

Jer. 3:6

Tiboiet Tuhan katubuku kateteret puparentaat rimata Josia: “Anuitcoan leu aponia sigalaiakenen Israel, sinanalep sitaimatopit nenda, kipa ioi itusakai ka senen uddut leleu simabuak samba iei ka senen tei loina simalibbut muoloptubu.

Jer. 7:18

Sangamberi tatoga masiruruake loina paneu, sangamberi saukkui masiobekake obengan, samba tainanalep masigaluake tepung addeat masigalai komen panguruatakenen kai rimata sinanalep oniakenen rimatat manua, samba sirimanua masipanguruatake buluakenen siuruakenen ka taikamanua begei addeat masipubesiki paatuatKu.

Jehz. 20:28

Kalulut kalepat Akuambit sia ka laggai kabagat suppa Akupalelekngan Kukaunia katubutda. Raitco le ka senen leleu simabuak samba ka senen buttet loina simaigi ran samba panguruatakerangan sedda buluakenenda sija'ja samba ambitrangan panguruatda sibesikiake patuat, samba leu rasinginake sedda panguruatda simasingin samba panguruatakerangan sedda buluakenenda sipiliakenen.

5Mos. 12:2

Ke anugurukingan kam kupkumen laggai nenda, buita nupakatai kam sangamberi kudduat pasibuluatdra ka uddut leleu simabuak, ka patinambu-tinambu samba ka tei loina simalibbut buttet, kudduat bangsa sikukuddu sedda rapanindogi taikamanuandra.

Pas. 3:7

Majorangan paamian Israel ka tubut Tuhan, Taikamanuandra. KalipogiranganNia bailiu buluijirangan sabulungan Baal samba Asyera.