Jer. 17:16 - BUKO SIPUNENAN

¹⁶ Tapoi ta'akubesiake katubuM bule Nubaraake pugejaat baga, ta'akukiddi gogoi pasisiboat! Ekeu le' sigainia aponia sibebela ka biboku, sangamberinia matoila' le' ka mataM.

Jer. 17:16 Iomraidhean Croise

Jer. 12:3

Ale Tuhan, Nuagai le' aku, Nuitco le' aku, samba Nusibo le' kipa paatuatku ka tubuM. Girit le' sia rabela kele sabiribiri ja'jaket, samba kokoiake le' sia ka gogoi pasija'jakat. –

Jer. 13:17

Ke' ta'nuoba masiarepinia musou le' geti aku kakudduat simalipput kalulut pubuangan paatuatnu, mugorok samba mubaibai le' geti elukku, kalulut mungkuat biribiri Tuhan tuambit sibailiu lulupakenen.

Jer. 15:15

Nuagaian le'; ale Tuhan, repdep le' samba lelekake' le' aku, galai le' lumun ka sangamberi sirimanua sikukru aku. Ba' obaake raala aku, kalulut ombagaM, agai le' kipa ioi kubairat paloloi kalulut Ekeu!

Jer. 18:20

Isisiliake leu pa' puerukat pasamba pukakatai? Tapoi aragaigaian guluggu le' addeat kaku! Repdep le', amurioan aku ka mataM, samba amanibongan aku masiropmake sia, bule goluNu tuareuake ka sia.

Jer. 20:7

Anupusumingan aku, ale Tuhan, samba akuobaakean tubukku tupusumi; Ekeu pei le makope ron kaku samba anukalaakean aku. Aibailiuan le' aku ga'gatiet kasanganantat gogoi, sangamberi sirimanua masigegei aku.

Jer. 20:9

Tapoi ke'bai mupaatuatku: “Ta'kuoba masirepdepNia samba ta'kuoba masitiboake tiboiet minca ka oniNia, “Iageti kabagat paatuatku ai sara kelean le' obengan sipujujulu, tuluplup ka sangamberi tolatku; masasaggo le' aku masiopmakenia, tapoi taanai ronku.

Jer. 9:1

Ke'bai masun oinan ka ute'ku, samba mataku ibaili gugurunga elu, Iageti sinago samba sinoibo kusoibi le' saokkot bangsaku simateiakenen!

Ams. 5:10

Malagabagatda katubut sirimanua sipateteka ka matatbaliu gugurukat, samba masitsit sia katubut sipaninibo simaroipo.

Pugap. 20:20

Ta anai akupakele sangamberi sibailiu katuerukatmui; sangamberinia le kusegeake ka kam, ele ka parurukat siberikabaga ele ka senen lalep.

Pugap. 20:27

Aipoi ta akupakele masisegeake sangamberi kiddiet bagat Taikamanua ka matamui.

2Kor. 1:12

Aipoi sikau kai maangka baga nene le: bagai bagamai masimunengake, puririmanuamai ka polak nene, sara pei ka bagat pasambaatmai ka kam simasuru samba ka linat paatuat sibara ka Taikamanua le akugalaiake kai nia, ta sikut paatuat sirimanua ka ron panguruat Taikamanua le.

2Kor. 2:17

Aipoi kai ta makere kele maigi sirimanua sabagei sigaba puuktungan ka tiboiet Taikamanua. Tapoi kalulut sikoiniakenen Taikamanua le kai, oto ka linat paatuat le kutiboake kai nia ka matat Taikamanua ka bagat Kristus.

Jak. 1:19

Repdep kam sasaraina kilibet bagaku! Senen sirimanua kau maruei masiarep, tapoi bui maruei manibo samba bui maruei mugolu.

Jak. 3:1

Ale sasarainangku, bui maigi ka talagamui sibesiake bailiu guru; nuagai poi kam, sita sibailiu guru maoru te ukuman siloketta.