Jer. 17:11 - BUKO SIPUNENAN

¹¹ Kele gou'gou' leleu sikepkemi ta'kepkemiennia, kisedda sirimanua sigaigai pukayoat ka sitaimaroipo, kailet talaga rurania geti pepe le' sangamberinia, samba ka kalepakat rurania maagainangan sirimanua simakela paatuat le' nia.

Jer. 17:11 Iomraidhean Croise

Job 20:21

Ke mukomnia, tata'akenangan sangamberinia, iate lulunia ta imatotom pukayoatnia.

PSALMEN 49:13

Tamomoi iomake tubunia sirimanua ka bagat pulatsanannia, makere le nia kele tarimeu mateiakenen.

PSALMEN 55:23

Segeake le karat bagam katubut Tuhan, iageti pasikelinangan ekeu! Ta iobaake ipageugeu sirimanua simatopit.

Pangt. 13:11

Pukayoat simaruei tusilo maruei le geti ibelekinia, tapoi kasei siruruake pukaioat pagoiso-goiso, ibailiu le makayo.

Pangt. 15:27

Kasei masigaba puuktungan ka enungan sitaimaeru, masipakatai purimanuaiat ka lalepnia le aigalai.

Pangt. 21:6

Pukayoat sinese ka enungan sitaimaroipo maruei itata samba siabbit sirimanua ka kamateiat.

Pangt. 23:5

Kalulut, sangapeipeikat mata le itata pukayoatnu nenda, kele sibara kappo le nia samba tuburutnangan ka manua kele uma manyang.

Pangt. 28:16

Sara sipuute sitaanai puaagai kolou maron paoreijatnia, tapoi sirimanua sipulagaki baga uktuk sikatai, masipaburu rurania.

Pangt. 28:20

Sirimanua sioi tukatonemi masise maigi panukanan, tapoi sirimanua sioba maruei makaio, ta bebelania ka ukuman.

Pangt. 28:22

Sirimanua simakiu baga maruei ikukru pukaioat, samba ta iagai, iorak le nia geti pugebakat.

Pangt. 28:8

Sirimanua siruruake pukaioatnia kabagat pasiaala uktuk ka bulagat sikatai, iruruake nenda uktukda sirimanua simanuntu baga ka sangamberi sirimanua sitaioi tubu.

Jer. 22:13

Pa'an te nia sipasigagalai uman purimataatnia siripokat ka sitaimaroipo samba pukudduanan simalainge siripokat pubuangan paatuat, sipasikakau rapugalai saaleinia sita'upah;

Jer. 22:17

Tapoi matam samba paatuatnu sarat masibesiake ka pasikukukru uktuk le', ka pasimamateiake sirimanua sita'sele, ka pasiraraurau samba ka pasioorei!

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Ams. 3:10

“Ta raagai mugalai puroipoat,” kise te' ngangan Tuhan, “sia te' sipasitatabbui pugegeat samba paoreat ka purimataatnia.”

Mik. 2:9

Tainanalep katalagat paamianku tuituiakemuian sia ka lalep simanuntu bagadra, samba rauraumuian sia teret buruburu'. Bujai kukau katubut tatogadra.

Mik. 7:3

Sangamberidda maagai masigalai jo. Saute samba tai sipasiukum masitiddou bulagat simalolit sikebbukat laggai masigalaiake siobat bagania kisedda te rapukere baga simakere.

Zep. 1:9

Kuukum le sangamberi sirimanua sipususuru kele sirimanua sitaiagai Aku, samba sirimanua sipananangkou sioba pamatei bule rasut ake lalep tuandra bibilet siraurau.

Zakh. 5:4

Si Tuhan Sipulugege masikua, pateleijat nenda tuorakngake le geti ka lalepdra senen sipananangkou samba ka lalepdra senen sirimanua sipususuppa ta sibulatnia. Sangamberi lalep nenda riuriu le iorak pateleijat nenda teret katai.”

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

Mat. 23:13

“Paan te ka kam siagaisurat samba tai Parise, sipatataju! Nulekkereake le kam matatbaliu Purimataat Sorga. Ta poi tuguguru kam ka bagania, keramuian sabagei sioba tuguru. [

Luk. 12:20

Tapoi kuanangan Taikamanua ka matania, ‘Ekeu taiagai paatuat! Soibo nene leu et tuala ketsatnu ka tubum. Kaseian le masibabakkati sangamberi sinareknu?’

1Tim. 6:9

Tapoi sia sibesiake kayo bele ka pasisiboat samba sesere samba sene ngamata pubotbonan si ta galai samba sikatai, siloulouake sirimanua ka pukataikat samba pulangokat.

Tit. 1:11

Sia nene buita tupetpetnake ngungunda, kalulut arapakataian lalep sirimanua gegelaiakera sitaipasese, masigaba uktuk simalolit.

2Ptr. 2:14

Matada sun paelenan samba ta sesege bagada mujo. Ragalai paalakat baga ka simagulai paatuat. Paatuatda araubuian mualau baga. Sirimanua teleiet le sia!

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.