Jer. 16:4 - BUKO SIPUNENAN

⁴ Matei le' geti sia kalulut sangamberi besi sibaraake kamamatei; sia geti ta'tusosoibi samba ta' turarateiake; ibailiu le' geti sia pasiramo ka mone'; sapru le' geti sia kalulut lanjau samba pulajeat; tubutda simamatei geti ibailiu le' komen sangamberi uma' ka tei manua samba sangamberi tarimeu ka polak.

Jer. 16:4 Iomraidhean Croise

2Rim. 9:10

Komnangan te geti si Izebel jo'jo ka mone kakupkumen laggai Jizreel samba ta'anai sirateiakenia.” Iageti bela nabi nenda, lepa tuituinia.

PSALMEN 78:64

sangamberi imamra matei kalulut lanjau, samba sangamberi tailumangra ta amoi arapusou.

PSALMEN 83:10

Galaiake le katubutda kele Midian, kele Sisera, kele Jabin kabebet bagat oinan Kison,

Jes. 18:6

Sangamberi nenda tukaddiuake le geti kabagat sangarurukat ibailiu komen paumauma' simasabbak ka leleu, samba komen tarimeu ka bakkat loina. Kateteret gogoi simalegeu pukuddunangan uma' simasabbak sedda samba sanengamata uma' ka gogoi simaleppet.

Jes. 5:25

Kalulut nenda pugolunangan si Tuhan ka paamianNia, totoiakenangan kabeiNia katubutda samba bobonangan sia; pugeretnangan sangamberi leleu, samba tubutda simamatei kele siribaiat sirimanua katalagat enungan. Kenanen muaili sangamberinia nene, goluNia ta ibebeleki samba kabeiNia aipeile tutototoi.

Jer. 19:7

Kuariake geti sangamberi pinaatutda tai Jehuda samba Jerusalem ka kudduat nene samba Kuparappo le' sia kalulut lanjau kamatat saggakda samba kalulut kabei sangamberi sirimanua sioba masiala enganda. Kuobaake le' geti tubutda simatei ikomnia sangamberi uma' ka tei manua samba sangamberi tarimeu ka polak.

Jer. 21:6

Kupaboboki le' sikudduiji laggai nene, sirimanuania samba leu tarimeu; matei le' geti kalulut besi' sipamamatei simakope.

Jer. 25:33

Iageti ka gogoi nenda tubut sirimanua simamatei, simateiakenen Tuhan murapi le' barania ka tu'tut polak teret ka tu'tut polak. Sia geti ta'tusosoibi, ta leuet geti turururuake samba ta' turarateiake; ibailiu geti sia pasiramo polak ka mone.

Jer. 34:17

Aipoi kise le tiboiet Tuhan: Ta'anuarepi kam Aku, bule senen sirimanua masikau kabelaiat kapasasambania samba ka sasarainania, Iageti bulania, Aku masiake katubumui kabelaiat, kise te ngangan Tuhan, addeat tukau ka lanjau, besi simasappo samba pulajeat. Kubabailiuake le kam kalotoakenen simakope ka sangamberi purimataat ka polak.

Jer. 34:20

Kukakau le' sia kakabei saggakda samba kakabeira sirimanua sibesiake masiale enganda, pat tubutra simamatei bailiu komen sangamberi uma' ka tei manua samba sangamberi tarimeu ka polak.

Jer. 36:30

Lulut nenda kasenen le' ngangan Tuhan pagalaiat si Joyakim, rimata Jehuda: Ta'babara geti muntogatnia sikukuddu ka kudduat purimataat David, samba tubunia simamatei turiribbaiake le' geti, bailiu oloinangannia sulu kateteret sinago' samba leppet kateteret sinoibo.

Jer. 44:12

Oto ke' tai Jahudi sipulelegei raoba mei ka Misir mukuddu sedda, mamatei le sia sangamberitra. Sangamberi sabeu samba tai goiso mamatei le sia ka Misir kabagat pasaggangan ele kalulut pulajeat. Maloto le sirimanua masiitco sia samba rapaloloi le sia. Oninra rabailiake pateleiat.

Jer. 44:27

Kubebesiake le' bule nupangorik kam samba ta' masipuangkaki baga kam, teret numatei kam sangamberimui, kapasaggangan ele kalulut pulajeat.

Jer. 7:33

tubu siamatei bangsa nene ibailiu komen sangamberi uma katei manua samba sangamberi tarimeu ka polak samba taanai sigeugeunia.

Jer. 9:22

sangamberi tubut sirimanua simamatei tenan le' murappi kele pasiramo polak ka mone, kele legei sigetaiat gandum ka teiteira sangamberi sirimanua sipasimomonei ta'an sipasiruruake.”

Sou. 4:9

Mangorik samba matei le sia simamoile kalulut bulat taanai komenda; simamatei ka pasaggangan mautuk pei le simamatei kalulut laje.

Jehz. 24:21

Kua ka muntogat Israel: Kise te tiboiet Tuhan Taikamanua: Bulatnia te Kupalolit le geti kudduat sipunenanKu, puaabeu karoakenennu, nanam ka matam samba ketcatnu; samba tatogam taimanteu samba tainanalep sikaddiuakenennu matei le sia ka lanjau.

Jehz. 5:12

Matei le geti sepertelu katalagmui kalulut besi' simasappo samba matei kalulut laje katalagamui; sepertelu matei le geti ka lanjaura sikuddu kabebemui; samba sepertelu minca Kusaragaiake le geti ka sangamberi matat rusa samba Kuoppat le geti lanjau kateiteira.

Zep. 1:17

Kuanangan si Tuhan, “Kubabaraake' te geti maigi gejat baga kasangamberi sirimaua ka polak, bule' ibailiu patuptupakenendra kele' sirimanua simapeset. Aipoi amajongan sia ka tubukKu. Kineneiget mapilinangan geti logaura kele' oinan, samba mabute'nangan akkula'ra ka uddut polak.”

5Mos. 28:22

Ukumakenangan kam si Tuhan iake oringen simasappo, palubbe-lubbe samba roket. Iaake te legeu samba rusa sipasikakataiake buat siuremanmui. Sangamberi pugejaat baga nene mariuriu le iorak kam teret numasubu kam.

5Mos. 28:26

Ke matei bai kam, tubumui simamatei ibailiu le komen uma' samba tarimeu simasabbak, samba ta anai siusiake tarimeu nenda.