Jer. 16:11 - BUKO SIPUNENAN

¹¹ Iageti kuanungan katubutda: Kalulut taikebbuakatmui arakaddiuakean Aku, kise le' ngangan Tuhan samba kalulut aratutnan taikamanua bagei, addeat mupagugulet samba panindou katubunia. Rakaddiake le' Aku samba ta'an araukkake surukatKu.

Jer. 16:11 Iomraidhean Croise

1Rim. 9:9

Lepa alegirangan sirimanua geti, ‘Kalulut arakaddiuake Tuhan, Taikamanuanda, sipalulu taikebbukatda bela ka Misir. Arapanindogi taikamanua bagei. Nenda te lulunia si Tuhan masiake pugejaat baga nene ka sia.’ ”

2Taw. 7:22

Iageti alegirangannia geti sirimanua, ‘Kalulut arakaddiuakean si Tuhan, Taikamanuanda, sipasiambit taikebbukatda rabela ka laggai Misir. Rabuluiji samba mupalelengan ramariuriu ka taikamanua bagei. Iate lulunia aibaraake si Tuhan gejat baga ka katubutda.’ ”

Jer. 13:22

Samba ke'bai nuparere' kapatuatnu, “Angoi sangamberinia nene iorak aku?” Kalulut iginia puseleatnu le' iageti tungangaake le' buttet komaknu samba tuelet le' ekeu!

Jer. 2:8

Tai imam ta'an aparere' sia minca: Kaipangan si Tuhan? Sangamberi sirimanua sigalaiake' surukat ta'an araagai Aku, samba sia sipasijajago muparaboat sikatai ka tubuKu. Kaonin Baal le' rapanibo tai nabi, ratut le' sita'anaipaluluat.”

Jer. 22:9

Raalegi geti sirimanua: Kalulut arakalipogingan poi palelengan Tuhan, Taikamanuanda, samba amanindouan sia ka taikamanua bagei samba musuru' katubunia.”

Jer. 44:3

Aipuaili nenda kalulut jotra silaggaijinia, pat bara goluKu. Rapangurutnake le buluakenen samba manindou le sia ka sabulungan taiaagaietra, kam ele taikebbukatmui.

Jer. 8:2

samba tusaragaiake le' ka ipot matat sulu, ka ipot laggo samba ka ipot sangamberi saladdut manua pununtukiet bagatda siburu, pagugulenienda, tunenda, rereketda' samba panindougietda. Sangamberinia nenda geti ta'turururuake samba ta'turarateiake; ibailiu le sia pasiramo mone.

Jer. 9:14

tapoi aratutake le' pukelakat paatuatda samba masitut tai Baal kele sigelaiakenen taikebbukatda katubutda.

Sou. 5:7

Taikebbukatmai sijo le, kineneiget taan anai sia; tapoi buita mangorik le kai, kalulut sangamberi jotda.

Jehz. 11:21

Pagalaiat sia, simaron patuat ka sabulungan kasitsitakenen samba ka sangamberi galajet sikatai, Kuorakake le galai tubutda ka utera, kise te tiboiet Tuhan Taikamanua.”

Ams. 2:4

Kasene le ngangan Tuhan: “Kalulut telu ele epat pukakatai sigalai Jehuda, taan Kutitiktik geti minca siteuakenenKu: Aipoi kalulut ta'arasilo surukat Tuhan, samba ta'araukkaake sangamberi siteuakenenNia, tapoi ipepeake le sia taikamanua sipatajunia, tunenda taikebbukatnia.

Malk. 3:7

Kele taikebbukatmui siburu, sangamberimui masipasabau surukatKu samba ta mariuriu topitmui. Toiliake kam katubukKu, iageti toili leu Aku ka tubumui. Tapoi parere' peile kam, “Aponia bulat galaiakenenmai bule kutoili kai ka tubum?”

1Ptr. 4:3

Aipoi amaigingan tetere anupakei kam ka silelepa masigalaiake obaket bagada sipuarat sabulungan. Anugalaiakean kam sene ngamata sitaimateu, pubotbonan, pupupuineng, pukokom, pulolo samba pasipaninindogi buluat keraet surukat.

Pas. 2:11

Lepa galairangan tai Israel aponia sikatai ka matat Tuhan samba manindou katubut Baal.