Jer. 15:9 - BUKO SIPUNENAN

⁹ Iageti mangorik le' sinanalep sipususuruket pitungaminca engania soak, ka sia sulu abelan le' kenanen matago pei le', ibailiu le' imaila samba tupakaila. Sia sipulelegei Kukau le' sia ka lanjau ka matatda tai saggakda, kise te' ngangan Tuhan.”

Jer. 15:9 Iomraidhean Croise

Jes. 47:9

Karua pagalaiat nenda iorak le ekeu kabagat sangapeipeikat mata, ka gogoi nenda leu. Katusubuat samba pulumangan simasun iora le ekeu geti, kenanen maigi tawam samba bulat maron kereinu.

Jer. 19:7

Kuariake geti sangamberi pinaatutda tai Jehuda samba Jerusalem ka kudduat nene samba Kuparappo le' sia kalulut lanjau kamatat saggakda samba kalulut kabei sangamberi sirimanua sioba masiala enganda. Kuobaake le' geti tubutda simatei ikomnia sangamberi uma' ka tei manua samba sangamberi tarimeu ka polak.

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 44:27

Kubebesiake le' bule nupangorik kam samba ta' masipuangkaki baga kam, teret numatei kam sangamberimui, kapasaggangan ele kalulut pulajeat.

Jer. 50:12

Tapoi ibailiu le geti ekeu taikauma bulat sita'paluluat ka talagat sangamberi taikauma. Laggaini ibailiu geti su'su simatangeu, bakkat loina, samba su'su simase'se.

Jer. 6:4

Patarek le' pasaggak masisaggangi nia; Konan taei kam masisaggangi ka sina'go!” Paan te' kasita, aipoi matat sulu atusonean, ailiggou ka soibokat amanantangan!

Jer. 7:19

PaatuaKu pa' sibulatnia arabesiki, kisedda te' ngangan Tuhan, ta' pa' patuatda le', bailiu maailarangan?

Sou. 1:1

Kineneiget Jerusalem bulat matangeu siboiki laggai nene magaugau. Siboiki abeunia katalagat sangamberi laggai, kineneiget ibailiu kele silumang. Siboiki laggai nene abeuakenen kineneiget ibailiu pagugulet.

Sou. 4:10

Bulat makope le pugejaat baga nenda siorak paamianku bailiu saina simaeru baga masigokgok togania addeat komenda.

Jehz. 5:12

Matei le geti sepertelu katalagmui kalulut besi' simasappo samba matei kalulut laje katalagamui; sepertelu matei le geti ka lanjaura sikuddu kabebemui; samba sepertelu minca Kusaragaiake le geti ka sangamberi matat rusa samba Kuoppat le geti lanjau kateiteira.

Jehz. 5:13

Kubelaake le geti golukKu katubutda, bailiu masanangnangan patuatKu simaoloi samba masegenangan bagakKu; samba agairangan getinia, Aku te Tuhan sipasikukua kabagat tu'tut bagakKu, kateteret Kubelaake golukKu katubutda.

1Sam. 2:5

Sirimanua simaengtek siboiki kalulut iginia komen, kineneiget aibailiuan sia sipugagalai siupaiji bule ibara komen. Sirimanua sipulalaje siburu, kineneiget sege bagatdra, aian komen simemetnia. Sinanalep sitaipususule, kineneiget aian umun tubu, aian pitu tatoga sinutuakenennia! Tapoi ina simigi tatoga, araobaakean ipangorik samba arakaddiuakeannia.