Jer. 15:6 - BUKO SIPUNENAN

⁶ Ekeu le' amasikeraake Aku, kise le ngangan Tuhan, ameian ekeu nukaddiuake Aku. Iageti Kutotoiake' le' kabaiKu samba masimateiake ekeu; amagelangan Aku masiopmake golu.

Jer. 15:6 Iomraidhean Croise

Jes. 1:4

Matei le laggai sijo, muntogat simasun puseleat, reddenen sirimanua sikatai, tatoga sikatai paraboat! Arakaddiuakean si Tuhan, masipaloloi Sipunenan, Taikamanuan Israel, samba rakateiteiakeNia.

Jes. 28:13

Oto raarepi le geti tiboiet Tuhan kele kisene: “Buita nene buita nenda, buita kisene buita kisedda, tuppai nene tuppai nenda!” bule katetetret rapuenung bele sia sipugagaila, mumauju, tulaba samba tutangsiake.

Jes. 31:3

Kalulut tai Misir sirmanua le sia, ta taikamanua, samba sangamberi kuro'ra iate tarimeu simasaggo, ta ketsat sibara gege. Ke itotoiake kabeiNia si Tuhan, tugirisitnangan sipasirorom samba bele ropakenennia, samba sangamberitda masuburangan simakere.

Jer. 1:16

Kubebeleake le geti ukumKu ka sia, kalulut sangamberi jotda, aipoi arakaddiuakean Aku, ka pasilalabora buluaken katubut taikamanau bagei samba manindou ka sigalai kabeinia.

Jer. 13:14

Lepa Kupalulukluk le' geti sia senenda, pat katai, saukkui pasamba tatogania, kise te' ngangan Tuhan. Kususubuake le' geti sia ka tatat katet baga, tatat nunutut baga samba taiappeakenen.”

Jer. 2:13

Kalulut ruangaminca aragalai jo' paamianKu: rakateiteiake le' Aku, bubuakat oinan purimanuaiat, bule ragaigai le' uggungan rubeiatda saratda, iate uggungan sipukpuk sitaioi masiruruake oinan.

Jer. 2:17

Ta' leu pa' ekeu le' amasigalai nene katubum, kalulut kakaddiuakenu, Tuhan Taikamanuam kateteret Ipalulu ekeu ka enungan.

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jer. 20:9

Tapoi ke'bai mupaatuatku: “Ta'kuoba masirepdepNia samba ta'kuoba masitiboake tiboiet minca ka oniNia, “Iageti kabagat paatuatku ai sara kelean le' obengan sipujujulu, tuluplup ka sangamberi tolatku; masasaggo le' aku masiopmakenia, tapoi taanai ronku.

Jer. 44:22

Ta'an aiopmake si Tuhan masiitco puparaboananmui sikatai samba kasitsinakenen sigalaiakenenmui; kalulut nenda laggaimui leu ibailiu le karagatat, kalotoakenen samba telei ta'anai sikudduijinia, kele simatotoila kineneiget.

Jer. 6:11

Tapoi sun le' oloi golut Tuhan katubukku, akubesiakean masiopake, bui ta'tusiliake le' katubutda tatoga ka enungan, samba ka parurukatda tailainge. Bulatnia, taimanteu samba leu tainanalep geti tulaba le, saukkui samba leu simabaja.

Jer. 6:12

Sangamberi lalepdra tukau le' geti kasabagei, kisedda leu sangamberi mone samba sangamberi tainanalepda. – Bulatnia, Kutotoiake le' kabeuKu masisaggangi sikudduiji laggai nene, kise te' ngangan Tuhan.

Jer. 6:19

Arepake, ale polak! Bulatnia, ka bangsa nene te' Kubabaraake geti pugejaat baga, lulut sangamberi siisiakenenda, aipoi ta'arapuletsei sangamberi tiboietKu samba masikeraake panganturatKu.

Jer. 7:16

Tapoi ekeu, ba' paninindou addeat bangsa nene, ba' sesegeake pasogaiat samba panindougat ka sia, aipoi ta' Kuarepi ekeu.

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Jer. 8:5

Angoian le' rapaitsa bangsa nene, mupitsa le' simariuriu? Tuaddai le' ka patajuat, rakeraake le' toili minca.

Jer. 8:9

Sangamberi sirimanua siagai paatuat ibailiu geti maaila, tuge'ge' samba tulaba' le geti. Bulatnia te', arakeraakean tiboiet Tuhan, oto pusikuat paatuat kele kipa pa' ai katubutda?

Jehz. 14:9

Ke iobaake tubunia nabi ka pasisiboat kabagat masikua sara tiboiet, Aku, Tuhan sipasisisibo nabi nenda, oto Kutotoiake le geti kabeiKu masisagganginia samba masisubuakenia katalagat paamianKu Israel.

Jehz. 25:7

kalulut nenda, bulatnia, Kutotoiake le kabeiKu masisaggangi ekeu samba masisegeake ekeu ibailiu rauraugetda suku bangsa, rasappruake ekeu katalagat bangsa samba masisubuake ekeu ka laggai; Kusubuake le ekeu. Kalulu kisedda againungan te getinia Aku te Tuhan.”

Jehz. 35:3

samba kua katubunia: Kise te tiboiet Tuhan Taikamanua: Ibailiu le geti Aku saggaknu, ale leleu Seir samba Kutotoiake te kabeiKu masisaggangi ekeu samba masibailiuake ekeu masubu samba leu simatangeu.

Hos. 11:7

samba rabebesiake le addeat masikaddiuake aku. Iate tupaoreiji sia geti, tapoi ta'anai siujaake sia kenanen musosoga sia manindou paroman.”

Hos. 13:14

Bangsa nene geti ta'kuaarauake sia kageget kamateiat, ale kamateiat, karapakean besinu! Galaiakean galaiakenennu masipasabu nenda! Ta'an kupunununtuki baga minca bangsa nene.

Hos. 4:16

Kam ale tai Israel, bulat simakela paatuat! Kipa ioi Kujago kam kele biribiri ka simatangeu?

Zep. 1:4

Kuukum ake tai Jerusalem samba sangalio Jehuda. Sipulelegei katukelat masipanindogi sabulungan Baal kutataake kakudduat nenda. Imam-imam sipasikeli sabulungan Baal bulat tairepdeprangan sia sirimanua.

Zakh. 7:11

Tapoi paamianKu makela le paatuatda samba bulat ta'an raoba masiarepake, seksekrangan talingandra bule tarapasiarep.