Jer. 15:4 - BUKO SIPUNENAN

⁴ Kasenen te' Kugalai sia ibailiu pulotokat kasangamberi purimataat ka polak, kalulut sangamberi aponia sigalaiakenen Manasye togat Hizkia, rimata Jehuda, ka Jerusalem.

Jer. 15:4 Iomraidhean Croise

2Rim. 21:1

Pulu rua ngarura beunannia si Manasye kateteret aibailiunia rimata Jehuda, samba puparentanangan ka Jerusalem rua pulu lima ngarura burunia. Onin inania iate Hefzibah.

2Rim. 21:15

Sangamberinia nenda Kugagalaiake katubutda sapaamianKu, kalulut majo sia katubukKu samba rabaraake goluKu barania peile arabela ka Misir taikebbukatda pat aili kineneiget.”

2Rim. 21:2

Si Manasye masigalaiake jo ka matat Tuhan, karena masitutake katukelat sikatai galaiakenenda tai bangsa sikeklet Tuhan sibara ka Kanaan kateteret araguruki laggai nenda tai Israel.

2Taw. 33:1

Pulu rua ngarura beunannia si Manasye kateteret aibailiunia rimata Jehuda, samba aipupaneinei ka Jerusalem lima pulu lima ngarura burunia.

2Taw. 33:2

Si Manasye masigalaiake jo ka matat Tuhan, kalulut aitutake katukelat sikatai galaiakenenda sikeklet Tuhan sibara ka Kanaan kateteret araguruki laggai nenda tai Israel.

Jer. 24:9

Kubabailiuake geti sia kalotoakenen ka sangamberi purimataat ka polak, ibailiu simalolit samba pasikat, ibailiu sailuket samba telei ka sangamberi kudduat kaipa Akupasaragai sia.

Jer. 29:18

Kukukukru le' geti sia pasamba lanjau, pulajeat samba besi sipamamatei samba Kugalai le ibailiu sia kalotoakenen sangamberi purimataat ka polak, ibailiu telei, katuge'gekat, gegeiet samba kalolinan katalagat sangamberi bangsa kai pa' Kupasabusia,

Jer. 34:17

Aipoi kise le tiboiet Tuhan: Ta'anuarepi kam Aku, bule senen sirimanua masikau kabelaiat kapasasambania samba ka sasarainania, Iageti bulania, Aku masiake katubumui kabelaiat, kise te ngangan Tuhan, addeat tukau ka lanjau, besi simasappo samba pulajeat. Kubabailiuake le kam kalotoakenen simakope ka sangamberi purimataat ka polak.

Jer. 9:16

Kukakau le geti sia katalagat sangamberi bangsa taiaagaietda ele taiaagaiet taikebbukatda, samba Kuobaake le' geti lanjau ikukru sia teret Kusubuake sia.”

Sou. 1:8

Jerusalem masipalolit tubunia, igalaiake jo simigi sikatai. Sangamberi siabeuakenia siburu, kineneiget rapaloloinia, kalulut masiitco pububulutunia; samba muhoihoi le nia, kalulut ailania.

Jehz. 18:19

Tapoi nukua le kam: Angoi ta atuorakngake toga masibairat puseleat ukkuinia? Kalulut toga nenda masigalaiake puroipoat samba pubulanan, masigalaiake sangamberi siteuakenenKu kabagat riuriu topit, oto bulat murimanua le nia.

Jehz. 23:46

Kalulut kise te tiboiet Tuhan Taikamanua: “Eddangan ratusuru sangamungkuat sirimanua masisaggangi sia samba obaake sia ibailiu kalotoakenen samba raurauget.

3Mos. 26:33

Kubabarake le geti pasaggangan ka kupkumen laggaimui samba masipasaragai kam ka kupkumen laggai sirimanua. Sangamberi monemui malilimai le geti, samba sangamberi laggaimui tuobaake le ibailiu siragatat.

5Mos. 28:25

Ke ta mareddet kam kai Tuhan Taikamanuamui, obaakenangan numakala kam si Tuhan ka tai saggakmui. Bela kam simakere nuei kam pasaggak, tapoi pusabumuian kalulut lotomui. Sangamberi bangsa ka polak muloto le geti sia raitco katai uktukmui.

5Mos. 28:64

Pasaragainangan kam geti si Tuhan ka talagat bangsa-bangsa ka sangalio polak. Sedda te nupanindogi kam taikamanua sigalai sibara ka loina samba ka bukku, taikamanua sitaiagaietmui samba leu sitaiagaietdra taikebbukatmui.