Jer. 15:3 - BUKO SIPUNENAN

³ Kubabaraake le' geti epat ukuman ka sia, Kise le' ngangan Tuhan: lanjau iate pamatei, sangamberi jo'jo iate masipagirit, sangamberi uma' katei manua samba sangamberi tarimeu ka polak iate masikom samba masisapruake.

Jer. 15:3 Iomraidhean Croise

PSALMEN 68:23

Aikuangan si Tuhan: “Kuala le geti sia baratda ka Basan, Kuaala le geti sibara ka koat simakeru,

Jes. 18:6

Sangamberi nenda tukaddiuake le geti kabagat sangarurukat ibailiu komen paumauma' simasabbak ka leleu, samba komen tarimeu ka bakkat loina. Kateteret gogoi simalegeu pukuddunangan uma' simasabbak sedda samba sanengamata uma' ka gogoi simaleppet.

Jer. 12:9

LaggaiKu aibailiuan kele uma' kaKu sangamberi uma' simasakbak masipurutnia. Kauan, rurake le' sangamberi tarimeu ka su'su, ambit le' addeat masisapruakenia!

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 14:16

Samba bangsa kudduatda rapamoiliat nenda tuparibbai le' geti sia ka sangamberi enungan Jerusalem, kalulut pulajeat samba pasaggangan, samba ta'anai sirimanua sirateiake sia: sia saratda le', tainanalepda, tatogatda taimanteu samba tainanalep. Kise te' Kupiliake pukakataira ka tubutda.”

Jer. 16:4

Matei le' geti sia kalulut sangamberi besi sibaraake kamamatei; sia geti ta'tusosoibi samba ta' turarateiake; ibailiu le' geti sia pasiramo ka mone'; sapru le' geti sia kalulut lanjau samba pulajeat; tubutda simamatei geti ibailiu le' komen sangamberi uma' ka tei manua samba sangamberi tarimeu ka polak.

Jer. 7:33

tubu siamatei bangsa nene ibailiu komen sangamberi uma katei manua samba sangamberi tarimeu ka polak samba taanai sigeugeunia.

Sou. 3:11

Kukrunangan aku pat tusoipkungan ka enungan, lepa pabiritnangan aku samba kaddiuakenangan aku.

Jehz. 14:21

Bulatnia, kise te tiboiet Tuhan Taikamanua: sisaliu sangamberinia nenda, ke Kubaraake ka epat ukumanKu simakope sane nenda, iate lanjau, pulajeat, tarimeu simasabbak samba besi' simasappoka ka Jerusalem bule Kusappruake katubunia sirimanua samba tarimeu!

Jehz. 33:27

Kua kise katubutda: Kise te tiboiet Tuhan Taikamanua. Kalulut Aku sipuririmanua, sangamberi sirimanua sikuddu ka simararagat matei le geti sia ka lanjau, samba sangamberi sirimanua sikuddu ka polak simalio Kubailiuake le sibailiu komen tarimeu simalia samba sangamberi sirimanua sikuddu kabagat ngaliu samba kudduat simaron iorak le sia geti besi' simasappo.

3Mos. 26:16

Kuukum te geti kam. Kuake le geti katugegekat katubumui, oringen samba roket sitaiooi tualeake, pat matamui bailiu mapeset samba pangorikamuia ka purimanuaiatmui. Mangurep le geti ekeu tapoi tanukokom buania, aipoi sangamberi saggakmui momoi te geti masikalaake kam samba masisapruake apa siurepmui.

3Mos. 26:22

Kubabaraake le geti tarimeu simasakbak ka talagamui. Taimeu nenda imateiake le geti tatogamui samba ipakomi le tarimeumui samba legeina le kam goiso samba sangamberi enungan ka kupkumen laggaimui ibailiu le matangeu.

3Mos. 26:25

Kubabaraake le geti pasaggangan ka talagamui addeat masiukum kam kalulut anupasabauan poi kam palelenganKu pasamba kam. Samba ke' paruru kam ka laggaimui addeat masigaba sakkerat, Kubabaraake le geti besi' sitaiooi tualeake, pat obaakemuian tubumui ka saggakmui.

Ams. 5:19

Kele sara sirimanua situituiake tubunia ka singa, sara beruang masiailiakenia samba kele aisege ka lalep, tukkeakenangan kabeinia ka rupi, pilanangannia sangamuneng ulou.

5Mos. 28:26

Ke matei bai kam, tubumui simamatei ibailiu le komen uma' samba tarimeu simasabbak, samba ta anai siusiake tarimeu nenda.

5Mos. 32:24

Mateirangan leu et kalulut roket samba pulalaje, samba kalulut besi' kalotoakenen. Kuobaake ipasabbangi sia tarimeu simasabbak, samba itautau sia ulou simalaga son.

Pamoil. 6:8

Lelek akulelekngake nia, itcokungan sara kuro simakamung, samba sikuddu ka uddutnia oninia Kamateiat, samba taikabaga masitut nia. Samba atukauan gege ka tubuda masimateiake saparepat polak nene ka lanjau, ka pulajeat, ka oringen samba ka tarimeu simasakbak ka polak.