Jer. 15:10 - BUKO SIPUNENAN

¹⁰ Paan te' kaku, ale inangku, situ'tu'ake mataku, sara sirimanua sibailiu paukelat, samba pagolukat ka sangamberi laggai. Aku ta' sirimanua sipasiutakake ele sirimanua sipuutak katubut kasei pa', tapoi sia sangamberitda masipaloloi aku.

Jer. 15:10 Iomraidhean Croise

1Rim. 21:20

Kele si Ahab masiitco si Elia, kuanangan, “Ale saggak, kalepakatnia aku leu nuaailiake!” Aleginangannia si Elia, “Bulatnia.” Kalulut anugalaiake sikatai ka muinet paatuat ka matat Tuhan,

1Rim. 22:8

Aleginangannia si Ahab, “Ai peile sara, si Mikha togat Jimla. Tapoi malaga bagakku katubunia, kalulut ta pei anai pamoilianannia simaeru addeatku sarat sitaimaeru le.” Aleginangan si Josafat, “Ta' leu, bui' nukua kisedda!”

PSALMEN 109:28

Eddangan rapasitelei, Ekeu geti masipanukani; ke tusuru sia, rasilo le geti puailaat, tapoi paguguletNu muangka baga le geti.

PSALMEN 15:5

Sipasibabaleake bulagat sitaoga masisilo ukktuk simalolit taioba isaggangi sirimania sitasele. Kasei sipasigagalaiake kise, tamakakarat bagania teret buruburu.

PSALMEN 69:4

Sulei tubuku kalulut pugegerei, pangoilokatku garak; mataku maraka kalulut masikaroni Taikamanuangku.

2Mos. 22:25

Ke nubaleake kam bulagat ka sara sirimanua simageba sibara ka talagat paamianKu, bui' nugalaiake kam kele sipasititiddou utak ele sibesiake tuppai utak.

Pangt. 26:2

Kele ituburut uma samba laggi-laggi, kisedda te pateleiat sitapaluluat ta iorak sia.

Jer. 15:20

Katubut bangsa nene Kubailiuake' le' geti ekeu, sibailiu kele irip laggai sibara tembaga; rasaggangi le geti ekeu, tapoi ta'momoi rakalaake ekeu, aipoi Kupaalei le' ekeu addeat masipaarau samba masibelaake ekeu, kise te' ngangan Tuhan.

3Mos. 25:36

Bui' nutiddou bulagat katubunia, kaule nukalotoake geti Taikamanuam, bule sasarainam tai Israel momoi ipurimanua katalagamui.

3Mos. 25:37

Bui' nutiddou bulagat ka bulagat sibaleakenennu katubunia, samba bui' nuala ukktuk ka komen sisakiakenennu katubunia.

Hab. 1:3

Angoi koi nuobaake aku masiitco maigi ngamataat jo? Sarapei ekeu momoi nuomake masiitco maigi puseleat? Kaipa-kaipa le ai paoreat samba pugegeat, palabakat samba paukkelat.

Mat. 24:9

Ia geti paorejirangan kam, mateiakerangan kam, pulagakirangan kam baga tai bangsa kalulut oningku.

Mat. 5:44

Tapoi aku masikua ka matamui: Pukateki kam baga saggakmui, samba tiddouake kam sia sipaoreji kam,

Luk. 2:34

Sukatnakenangan sia si Simeon, kuanangan ka matat Maria inania, “Toga nene aikauan nia Taikamanua sibailiu katubelekat samba katusuruatda simigi ka tai Israel. Bailiu nia patuaggaiat sibara ka Taikamanua, pajoggoloakenenda sirimanua simigi,

Luk. 6:22

Mauktuk kam ke rapulagaki kam baga sirimanua, samba rakekele kam samba rapaloloi kam samba rakua kam sikatai kalulut Togatsirimanua.

Pugap. 28:22

Tapoi koba kuarep kai sibara kekeu kipa paatuatnu; akuagaian poi kai pagalaiat arat nene, kaipa kaipa sarat rapajoggoloake.”