Jer. 13:19 - BUKO SIPUNENAN

¹⁹ Sangamberi laggai polak Negep atupatpatnakean matatbaliunia, samba berisara sirimanua sipasububuka. Sangamberi tai Jehuda atuambitnan sia ka pasiribbaiat, tuambit ka bagat pasiribbaiat sangamberitda.

Jer. 13:19 Iomraidhean Croise

2Rim. 25:21

Paoreijirangan sia sedda samba mateiakerangan leu sia. Kisedda te araabbit tai Jehuda ka kudduat katuribbaiatda.

1Taw. 9:1

Sangamberi tai Israel tusuratake siripot tiboitubu muntogatda senenda. Surat oninda nenda atusuratakean ka bagat buko Rimatatda Israel. Sibailiu ukuman ka sangamberi jotda, sarakyat Jehuda tuabbit ka kudduat katuribbaiat.

Job 12:14

Apa siragatnakenenNia ta momoi tugalai minca kasei sitangsiakenenNia ta momoi tubelaake minca.

Jer. 17:26

Momoi geti sirimanua sibara ka sangamberi laggai Jehuda, samba sibara kasangamberi kudduat ka bebet Jerusalem, sibara ka polak Benjamin, samba sibara ka Sangalio Tinambu, sibara ka paleleuleu samba sibara ka polak Negep, pasamba masiambit buluakenen laboket, buluakenen ja'jaket, buluakenen sitotoiakenen samba kemeyan, masiambit buluakenen pusurakat kabagat uman Tuhan.

Jer. 20:4

Aipoi kise le' ngangan Tuhan: Bulatnia te', Kugagalai le' ibailiu ekeu pukarananbagam samba ka sangamberi sasuruaknu; tubukat matei le sia kalulut lanjau saggaknia kamatam. Samba sangalio Jehuda geti Kukau le' ka kabei rimata Babel geti ka pasiribbaiat ka Babel samba bo'bo' matei le' sia pasamba lanjau.

Jer. 24:1

Itcoan, aipakoinonggan si Tuhan katubukku ruangara'ga buat sileu murio kamatat uman Tuhan. Ai puaili nenda lepat aiambit ka pasiribbaiat si Jekhonya togat Joyakim rimata Jehuda pasamba sikebbukat laggai Jehuda, simaagaimugalai samba siagai musipaddai laba' sibara ka Jerusalem si Nebukadnezar rimata Babilonia, samba leu ambitnangan sia ka Babel.

Jer. 28:4

Samba leu si Jokhoya togat Joyakim, rimata Jehuda, pasamba sangamberi sirimanua siribbaiakenen sibara ka Jehuda siambit ka Babel Kutoiliake le' ka kudduat nene, kise te' ngangan Tuhan! Bulatnia te', Kutatakkiake le' bairanen rimata Babel nenda!

Jer. 32:44

Sangamberi mone rasaki le' sirimanua pasamba perak, masigalai surat pasisasaki, masikau matereinia samba masisogai sipamoiliat ka kupkumen laggai Benjamin, kalegret Jerusalem, ka sangamberi laggai Jehuda, ka sangamberi laggai paleleuleleu, ka sangamberi laggai ka kupkumen Tinambu samba ka sangamberi laggai ka polak Negep. Aipoi Kupaaeru le' puririmanuanda, kise te' ngangan Tuhan.

Jer. 33:13

Ka sangamberi laggai ka paleleuleleu, ka sangamberi laggai ka kupkumen Tinambu, ka sangamberi laggai ka Polak Negep, ka kupkumen Benjamin, kabebet Jerusalem samba ka sangamberi laggai Jehuda, biribiri tusasabau le' minca kakabei sirimanua sipasiaaddenia, kise te' ngangan Tuhan.”

Jer. 39:9

Lepa geti si Nebuzaradan, siuteake saladdu sipujajago, ambitnangan sia ka pasiribbaiat ka Babel, sangamberi taikauma sipulelegei ka laggai nenda, samba sirimanua situtuitui karubeiatda samba sangamberi legei sipugagalai pasamba kabei.

Jer. 52:27

Lepa pakoininangan Rimata Babel ramateiake sia ka Ribla, ka polak Hamat. Kise araambit tai Jehuda ka pasiribbaiat baradda ka polakra.

Jer. 52:28

Nene te igitra siambit Nebuzaradan ka pasiribbaiat: karura sikapitu, telu ribu rua pulu telu stai Jehuda;

Jer. 52:30

karuara sikarua pulu telu kateret Nebukadnezar, siambit Nebuzaradan, siuteake saladdu kapasiribbaiat, pitungotu epat pulu lima sia tai Jehuda; igitra sangamberitra epat ribu enemngotu sia

Sou. 1:3

Jehuda arakaddiuakeannia silaggaijinia kalulut pangoringan samba paoreat simasane. Kineneiget mukuddu le sia katalagat sangamberi lagai tapoi ta arasese pusanangan. Saggak masialou sia kateteret ai sia kabagat pangoringan.

Zakh. 7:7

Iate nenda sikuat Tuhan sisege'akenendra tai nabi ka teteret siburu ai pei le rakukudduji Jerusalem samba silaggaijinia taanai simagulai. Kateteret nenda sirimanua tasarat ka laggai sigoiso ka legret Jerusalem rapukuddu tapoi pat aili isit ka kaiaman samba ka senen leleu isit sikaleleu.

5Mos. 28:15

“Tapoi ke' ta mareddet kam kai Tuhan Taikamanuamui, samba ta mariuriu nugalaiake kam sangamberi parenta samba surukatNia siake'ku ka kam gogoi nene, bailiu oraknangan kam sangamberi pateleijat nene:

5Mos. 28:52

Saggangirangan senen laggai siaket Tuhan Taikamanuamui ka tubumui, bailiu sangamberi iripnia simabuak samba simaron karonietmui nenda mabukkatnangan.

Jos. 18:5

Polak nenda bui ta turubei ibailiu pitu ngarubeiat. Tai Jehuda kuddu sia ka laggai kupkumen ka isit ka kaiaman, samba suku Josep ka laggai kupkumen ka isit bare'.