Jer. 13:18 - BUKO SIPUNENAN

¹⁸ Kua le' katubut rimata samba ka tubut inan rimata: “Puuddet le' kakudduat simakope repe', aipoi kirit pulatsananmui atugorosotnan barania ka ute'mui!”

Jer. 13:18 Iomraidhean Croise

2Rim. 24:12

Iageti Rimata Joyakhin einia masiailiake rimata Babel sambatda inania, tatogania, sautet saladdunia samba leu sipugagalai ka uma purimataatnia. Lepa tangsiakenangan si Joyakhin. Aipuaili nene, kateteret sikabalu ngarura burunia puparentaat Nebukatnezar.

2Rim. 24:15

Abbitnangan leu si Joyakhin ka kudduat katuribbaiat ka Babel, kisedda leu et inania, tainanalep rimata, sipugagalai ka uma purimataatnia samba siabeu tiboi tubu ka laggai nenda abbitnangan leu sia sibailiu ribbaiakenen ka Babel.

2Taw. 33:12

Kabagat pangoringannia nenda, bauakenangan patuatnia katubut Tuhan Taikamanuania, manindou itiddou paromanNia.

2Taw. 33:19

Kabagat buko Pungunguan Pagalaiat tai Nabi atusuratakean leu panindogat Manasye, alegiat Taikamanua ka panindogatnia nenda samba leu pagalaiat sangamberi jonia kepei ibauake patuatnia. Kabagat buko nenda leu atusurat sangamberi kudduat pasibuluijiat sabulungan tularat Asyera sigalainia samba leu sangamberi bulungan panindogietnia.

2Taw. 33:23

Tapoi si Amon, ta kele ukkuinia, si Manasye, taaibauake patuatnia samba ta atoilinia katubut Tuhan; tapoi amakope le jonia, bele peile jot ukkuinia.

2Mos. 10:3

Lepa si Mose samba si Aron mei masiailiake si Parao samba masikua katubunia, “Tuhan, Taikamanuanda tai Ibrani, masikua: “Pigamoian le ta numareddet katubukKu? Obaakean paamianKu, bule raei rapanindou katubukKu.

2Mos. 39:28

sorot ute sigalai sibara ka komak simaalit, leppei sirumbang simalainge sibara ka komak simaalit baga, sokkoi sitete sibara ka komak simaalit banangnia siputre,

Pangt. 27:24

Kalulut pukaioat bibilet ta matotom. Bulatnia leu pa kirit purimataat mariuriu ka sangamberi reddenan?

Jes. 3:20

pulaingean ute, letcu rere sitikai, akkik tenga, kudduat pusinginan samba jimat;

Jes. 3:26

Sangamberi matatbaliu Sion mukatci le geti samba mureureu baga, samba laggai nenda ibailiu le geti kele sinanalep sibulutut sipukukuddu ka polak.

Jes. 47:1

Gorosotake samba kudduake kam ka uddut abu, ale toga okko, okkot Babel! Kudduake kam ka polak sita kudduat purimataat, ale okkot Kasdim! Kalulut taan rakukua ekeu minca simalainge tubu samba simaumun.

Jer. 22:24

Kululut Aku sipuririmanua, kise te' ngangan Tuhan, kenenen bai si Konya togat Joyakim, rimata Jehuda, iate kele sipsip Meterai kakabei sikattoetKu, tapoi Kububurau le' ekeu!

Jer. 22:26

Kuriribbbaiake le ekeu samba inam situ'tuake matam ka laggai bagei, ta' kalaggai pututukat matam; sedda te' numamatei kam.

Jer. 29:2

Aipuaili nenda lepat aibela si rimata Jekhonya pasamba inan rimata, sipugagalai ka kudduat purimataan, sautet Jehuda samba Jerusalem, siagaimugalai samba siagai laba abelangan ka Jerusalem.

Jer. 36:16

Lepa araarep sangamberi tiboiet nenda, iageti tugegerangan samba patiborangan ka pasasambatda: “Bui tatapaagai le' simaruei sangamberi tiboiet nene; katubut rimata!”

Sou. 1:6

Puaabeu laggai Jerusalem kele pumumuan siburuan le. Sangamberi siuteakenia aibailiuan sitaioi tubu kele simatsuara simakope laje. Taanai gegetda ka saggak sikukru sia.

Sou. 1:9

Katusitsinannia makope koinong tapoi ta ipuletsei aponia sipuaaili geti katubunia. Bulat makope le karagatatnia, tapoi berisara sipusuibinia. Oto tiddounangan katet baga sibara kai Tuhan, kalulut kamanangan sangamberi saggaknia.

Sou. 2:10

Sia sikebbukat laggai mukuddu mumengmeng ka polak; rakarapake le abu ka utera, samba raleppeiake le komak goni toggaiat reureubaga. Taiokko leu masilukkukake ute pat aili ka polak.

Sou. 5:16

Taan anai pubebeunanmai, matei le kai kalulut jo.

Jehz. 16:12

Kuake le subang ka asaknu samba subang ka talingam samba kirit ute pulatsanan ka utenu.

Jehz. 21:26

kise te tiboiet Tuhan Taikamanua: Areuake sorot utenu samba ribbaiake kirit purimataatnu! Taanai simariuriu puririmanua kele purimanua kineneiget. Simarepe buita tubuakngake, simabuak buita turepeake.

Jehz. 24:17

Sitangeu le nupuhoihoi, bui' nubaraake sougeri kamateiat; bolitake sorot ute samba pakei tarangainu, bui' nutabbo matam samba bui' nukom roti pureureugat baga.”

Jehz. 24:23

utenu sibarasorot samba rerem masipakei tarangai; samba ta musosou ekeu ele musougeri. Tapoi mabubu le ekeu kabagat ukumannu, samba muhoihoi le kam ka pasasambamui.

Jehz. 44:18

Bui tarapakei le sorot ute simaalit baga samba sokkit simaalit baga, tapoi bui rapakei akkik tenga sibaraake attinang.

Dan. 5:20

Tapoi kateteret aimabuak samba aimakela paatuatnia, pat puparaboatnangan kabagat buak patuat, oto tutukluake le nia ka kudduat purimataatnia samba pulatsanan tuala katubunia.

Jon. 3:6

Kele aisege katuareman nene ka rimatadra tai Niniwe, tugorosotnangan ka kudduat purimataatnia. Bukanangan leppei purimataatnia samba leppeiakenangan goni, iageti kuddunia ka abu.

Mat. 18:4

Oto kasei sipaepe tubuna kele toga nene, nia te siabeu ka Purimataat Sorga.

Jak. 4:10

Paepe kam tubumui ka matat Tuhan, buakngakenangan kam geti.

1Ptr. 5:6

Oto paepe kam tubumui ka tei kabei Taikamanua simaron, bule ibuakngake kam ka teterenia.