Jer. 13:16 - BUKO SIPUNENAN

¹⁶ Latsatake le' si Tuhan Taikamanuam, kepei Igalaiake gogoi pugepgeman, kepei tusoksok rerem ka uddut sangamberi leleu sisaluki soibo, kele airangengena, toro tapoi Ibailiu le' mainep samba silinangannia bailiu magepgep.

Jer. 13:16 Iomraidhean Croise

Job 3:5

Bailiuake le gogoi nenda simakope pusu' gepgep, maramun samba makamung, saluki le nia tinobut sakkeri le nia katorot matat sulu.

PSALMEN 107:10

Ai sirimanua sikuddu kabagat pugepgeman, tuluplup kabagat appra laba' sipasiorei.

PSALMEN 107:14

Ambitnangan sia bela sibara ka pugepgeman, samba bakbakakenangan sangamberi appratda.

PSALMEN 29:2

Kau kam kai Tuhan pulatsanan oniNia purekkuk kam kai Tuhan kabagat pulaingean sipunenan.

PSALMEN 44:19

Ta makela paatuatmai samba bakkoumai ta atusoip ka enunganNu,

2Mos. 10:21

Kuanangan si Tuhan katubut Mose, “Akkatake kabeinu kapata, bule ioi gepgep ilakkup laggai Misir.”

Pangt. 4:19

Enunganda sirimanua sikatai kele pugepgeman le, ta raagai aponia lulunia isosoksok reretda.

Sip. 11:8

kalulut nenda ke' mananta rurania sirimanua, eddangan ipuangka baga ka bagania, tapoi kau le irepdep geti gogoi simagepgep, kalulut maigi. Senen sangamberi siooi iate siboboi le

Jes. 5:30

Kateteret gogoi nenda kuneminangan sia sara nganga kele ipugok koat Ke rakinere ka polak, sibulatnia, ai gepgep simaokkip, samba pato ibailiu gepgep kalulut tanai rusa.

Jes. 59:10

Masilulu le kai rupi kele sirimanua simapeset, samba masilulu kelean le sita'mata; tuluinangan reremai kateteret sinago kele tetere kasoibokat, mukuddu ka gepgep kele sirimanua simamatei.

Jes. 59:9

Kalulut nenda mariuriu le imareunan puroipoat katubumai samba pubulanan ta sesege katubumai. Kungenaake le kai pato, tapoi sarat pugepgeman le, masingenaake toro, tapoi muenung le kai kabagat gepgep.

Jes. 60:2

Kalulut bulatnia te, gepgep masilakkup polak, samba pugepgeman masilakkup sangamberi laggai; tapoi patot Tuhan mutoro katubum, samba pulatsananNia matoila katubum.

Jes. 8:22

samba itcorangan geti ka polak, samba bulatnia te, sarat puokkiman samba pugepgeman, pureureugat baga sipasiokkip, samba turibaiake geti sia kabagat pugepgeman.

Jer. 14:19

Anukeraakean pa' Jehuda? Amasitsinan pa' Ekau ka Sion? Angoi Nulippat kai makope ron, pat taibaranangan katualeat ka kai? Kukaroni le' kai aban, tapoi ta'amoi sara simaeru; masikaroni tetere katualeat, tapoi ai sarat polotokat le!

Jer. 2:6

Samba ta'an aparere' sia minca: Kaipangan si Tuhan, sipalulu sita bela ka laggai Misir; samba masipaneinei sita ka simatangeu, ka polak simagarak samba sitaimagaktuk, ka polak simakope garak samba magepgep, ka polak taisasabauget sirimanua samba taikukudduijiet sirimanua?

Jer. 23:12

Lulut nenda, enunganda makere' le' geti enungan simalutlut ka sia; ka bagat pugepgeman tusosoksok le' sia samba bele' geti sia sedda; aipoi Kubabaraake le' geti pugejaatbaga katubutda, ka rura teteret tuukum sia, kise te' ngangan Tuhan.

Jer. 4:23

Kuitco le' ka polak, tapoi apagaluan samba taanai berisara sibabara, samba kuitco ka manua, tanai toronia.

Jer. 50:6

PaamianKu kele sara biribiri simalilimai; siobakenanra sipasijajago terimeu imalimai. Putebarangan kasenen leleu bagei samba pat kalipogirangan lalepra.

Jer. 6:21

Kalulut nenda kasene le' ngangan Tuhan: Bulatnia Kukakau le' geti bukku katusoksongan ka matat bangsa nene, bule rabele' situsosoksok kalulutnia; saukkui samba leu tatoga, pabebeakenen lalep samba saaleinia, sangamberitda masusubu le.”

Jer. 8:15

Takaroni le' paabanan, tapoi beri sara amoi simaeru, masikaroni teteret katualeat, tapoi abara sarat pukaranan baga le'!

Sou. 4:17

Amasaggongan matamai masimattai, masingena paroman sitaibabara. Kukaroni le kai paroman sara laggai, bulat siripokatnia tamomoi raake paroman.

Jehz. 21:15

Bule imabubu patuatda samba ituppai sibebele siputatagguilu ka senen matatbaliura, Kuparentaake le lanjau nenda isappruake sia. Enaa, lanjau nenda tugalai makere kele bila samba tusasai bule ipamatei.

Jehz. 34:12

Kele sara sipasijago igaba biribirinia kateteret imasaragai biribiri ka mungkuatnia, kisedda te Kugaba biribiriKu samba Kuarauake sia ka sangamberi kudduat, ka kudduat aitusaragaiake sia kateteret simatinobut samba ka gogoi simagepgep.

Jehz. 36:15

Ta'an Kuobaake ratiboi sirimanua puailaat sibaraakenen sangamberi bangsa ke tubum samba ta'an nubabairat minca paasakat sangamberi bangsa samba ta'an nususubuake minca bangsam. Kise te' tiboiet Tuhan Taikamanua.”

Jol. 2:2

Gogoi nenda magepgep samba mainep, sut kujuk simauket. Saladdut sit siooi kele tanai rusa, sipuririkdingan ka uddut leleu. Sipuaaili kele nenda ta'pei tuagai aibara, saamba taan babara geti teret buruburu.

Ams. 4:13

Aipoi bulatnia te', Nia sipasigagalai sangamberi leleu samba rusa, sipasipopoiliat ka sirimanua aponia pinaatuNia, sipasigagalai toro samba pugepgeman samba sipuenung ka sangamberi tinambu; Tuhan Taikamanua Sebaot, nenda te' oniNia.

Ams. 5:18

Paan te' ka sia sikiddi gogoi Tuhan! Aponia katukaunannia gogoi Tuhan nenda kakam? Gogoi nenda pugepgeman, ta' gogoi simapato!

Malk. 2:2

Suru' kam Aku ka galai tubumui. Ke ta nuoba kam masiarepmake tiboietKu, teleikungan kam. Sangamberinia uktuk sisilomui silinangannia bailiu telei. Bulatnia te sangamberi simaeru nenda Akuteleian, kalulut ta anupuletcei kam parentaKu.

Joh. 12:35

Kuanagan ka matada Jesus, “Taan mauuju ikuddu ka kam pato. Oto puenung kam ka teteret ai pei le pato ka kam, bui isaksak kam gepgep; aipoi sipueenung ka gepgep, ta iagai kaipa ieei.

Jos. 7:19

Kuanangan si Josua ka tubut Akhan, “Bogai, seseakean le samba kuangan le bulat sibulatnia sene ka matat Tuhan, Taikamanuan Israel, aponia anugalai. Kuangan le katubukku, bui' nupakelenia.”

1Ptr. 2:8

samba “Bailiu bukku tuluiet, samba bukku katusoksongan.” Tusoksok sia sedda kalulut ta mareddet sia ka tiboiet Taikamanua; kisedda te aiteuake Taikamanua ka tubuda.

1Sam. 6:5

Oto, buita nugalai kam kele tularat lubbe samba birut sipakatai laggaimui. Oto kisedda nusuru' kam Taikamanuan Israel. Bule iariake iukum kam, samba sabulungan samba leu polakmui.