Jer. 12:16 - BUKO SIPUNENAN

¹⁶ Samba ke'bai bulat sibulatnia ragelai enungan puririmanuan paamianKu bailiu pusupparangan ka oningKu, ‘Kai Tuhan sipuririmanua,’ kele siboiki ragelaiake paamianKu musuppa kai Baal, Iageti sia leu turioake ka talagat paamianKu.

Jer. 12:16 Iomraidhean Croise

Ur.Sab. 1:8

Kipangan le ta nuagai kudduatnia, ale simalainge tubu katalagatda tainanalep? Tut le siperakat mungkuat biribiri, samba jagongan biribirim ka bebet pusapougatda sipasijago tarimeu.

Jes. 2:3

samba maigi te sirimanua siei sedda, kuarangan: “Sita, manatra ka leleu Tuhan, ka uman Taikamanuan Jakob, bule igelaiake sita pagalaiat enunganNia samba bule tapuenung taenunginia, kalulut sibara ka Sion bebela te nganturat samba tiboiet Tuhan sibara ka Jerusalem.”

Jes. 42:6

“Aku nene, Tuhan, akusogaian ekeu nugalaiake pasiaraugat, Akuukkaakean kabeinu; Akugalaian ekeu samba Kuake katubum sibailiu palelengan ka sirimanua, sibailiu pato' ka sangamberi bangsa,

Jes. 45:23

Kalulut Aku sarakKu, amusuppangan Aku, sibara ka ngungungKu abelangan pubulanan, sara tiboiet sitaioi tutiktik minca: samba sangamberi sirimanua murekkuk le geti kamatakKu, samba mupalelengan muriuriu topit kabagat senengamata nganga,

Jes. 49:6

“Makopean le tata kekeu, sibailiu paguguletKu, iate masironake sangamberi muntogat Jakob samba masitoiliake sangamberi tai Israel siturerere tupasikeli. Tapoi Kugalaiake le ekeu geti ibailiu pato ka sangamberi bangsa bule puaraugat sibara katubukKu iaili ka tu'tut polak.”

Jes. 65:16

bailiu sirimanua sipasisilo geti panukanan ka laggai masitiddou panukanan ka Taikamanua simariuriu topit, samba sirimanua sipususuppa ka laggai musuppa le geti ka Taikamanua simariuriu topit, kalulut puokkiman siburu atukalipogingan, samba amalipputan ka matakKu.”

Jer. 16:19

Ale Tuhan, puronanku samba iripku, kudduat katuituiatku ka gogoi pusaggoat! KatubuM le' geti raoi sangamberi bangsa sibara katutut polak masikua: “Bulatnia, taikebbukatmai sarat masibakkati sabulungan sipatataju sabulungan siboboi berisara ta'anai paluluatnia.

Jer. 18:8

Tapoi ke'bai bangsa katubut kasei pa' Kukua kise aibauakean paatuatnia ka katainia, iageti oleinanganbagaKu, kalulut Aku pugejaatbaga sipinaatuaKu nenda katubutda.

Jer. 3:17

Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 4:2

Samna ke'bai musuppakam ka bagat topit, kabagat puroipoat samba kabagat pubulanan: Kise Tuhan sipuririrmanu!, iageti sangamberi bangsa pasukat le' geti sia katubuNia samba masiumun tubu katubuNia.”

Jer. 5:2

Kenanen bai rakua: “Ka onin Tuhan sipuririmanua,” tapoi musuppa le sia ta'kasibulatnia.

Jer. 5:7

Kipa, ke' kasedda, momoi pa' Kuappeakeu? Tatogam arakaddiuakean Aku, samba musuppa ta' ka Taikamanua. Lepat Akupaektek sia, paeletrangan, samba paaili ka lalep puoloman.

Jer. 6:16

Kasene le' ngangan Tuhan: “Ala le' kudduatnu ka sangamberi enungan, samba itco le' Pare're' le' sangamberi enungan siburu, kaipangannia enungan simaeru, enungi nenda, kise te' ibara kasasanang ketsatnu. Tapoi rakua le': Ta'kuobakai masienunginia!

Zep. 1:5

Kusappruake le kasei pa situsasakai ka teitei lalep sipanindogi sulu, laggo samba panyanyat. Kutataake leu sia sipanindogi Aku samba sipususuppa sim ariuriu katubukku, tapoi musuppa leunia ka onin bulungan Milkon.

Zakh. 1:6

Katubutda tai nabi sapaguguletKu sipuboiki, Akusegeakean sangamberi parenta samba paasekatKu ka tubutdra taikebbukatmui. Tapoi ta rapuletcei bailiunangan bui ta rabairat ukum siripot taimaletceira. Iapei oleinangan bagatdra samba seseakerangannia, Aku, Tuhan Sipulugege amasiukumake sia simateu ka puseleatdra samba kele siripot siteuakenenKu.”

Zakh. 2:11

Kateteret nenda maigi le bangsa siooi ka tubut Tuhan addeat ibailiu paamianNia. Mukuddu le Nia geti ka talagamui, samba agaimuian si Tuhan le amasikoiniake aku ka tubumui.

ROMA 11:17

Ke atugetaian piga pa ran ka loinat zaitun – ia te tai Jahudi samba kam sibara ka bangsa bagei kele sinula ka loina bagei tutappoloake ka sigetaiat samba masipuuktungi sibara ka ungat loinat zaitun simaigi ekket,

ROMA 14:11

Atusuratnakean poi ka Surat Sipunenan, “Ka puririmanuangku,” ngangan Tuhan, “sangamberi sirimanua buita murekkuk ka mataku; samba sangamberi sirimanua masiumunake Taikamanua.”

1Kor. 3:9

Aipoi alei pagalaiakenen Taikamanua le kai; kam monen Taikamanua, lalep Taikamanua.

Jos. 23:7

Bailiu kele kisedda te ta nupagalu kam ka tai bangsa sikukuddu ka talagamui. Ta' an nukukua kam onin sabulungandra ele musuppa ka oni nenda. Samba leu ta nupaninindogi ele nusuru kam sabulungan nenda.

Rut 3:13

Sene boiki nukukuddu soibo nene. Mancep geti nounoukungannia buleu ioba masigalaiake puukuket nene katubum ele ta. Ke ioba kauan; tapoi ke taioba geti, puukukungan ekeu kalulut si Tuhan sipuririmanua. Kineneiget perepakean ekeu sene pat pato.”