Jer. 12:13 - BUKO SIPUNENAN

¹³ Arakarapakean gandum, tapoi aramonei iate rui le'; amabesian tubutda, tapoi besit tubutda ta'anai lulunia; maaila le' sia kalulut buat sigalaira, kalulut golut Tuhan sipujujulu.”

Jer. 12:13 Iomraidhean Croise

PSALMEN 78:62

obaakenangan paamianNia ikom sia lanjau, samba mangoingoinangan bagaNia katubut bakkatNia.

Jes. 55:2

Angoi ta nusakiake kam bulagatmui ka roti, samba upa silit besit tubumui sitaibaraake puektengan? Arepake kam Aku, oto kommuian geti komen simaeru samba nanammuian geti komen sitattanakenen simananam.

Jer. 17:10

Aku, Tuhan, sipasikikinere paatuat, sipasisisibo ketsat, addeat masisisliake katubut senen sirimanua siripokat puparoboanannia' siripokat buat galaitubunia.”

Jer. 4:26

Kuitco le', tapoi polak simagabru aibailiu le' simatangeu, samba senen laggainia amabukkatnan ka matat Tuhan, ka goluNia sipujujulu!

Jer. 9:5

Sisara masipataju sabagei, samba beri sara sitiboake simaeru; Aratukleakean jalaira masitiboake boko; ragalai le' puseleat samba magela sia masibauake paatuat.

Hos. 8:7

Paamianku masisogai rusa ialeuet sia geti masimonei julungen monen gandumra ta'makikiniu, ialeuet geti ta'babara tepung addeat komen. Tapoi ke mone nenda makikiniu leu et, ialeuet gandumnia geti raala le bangsa bagei.

3Mos. 26:16

Kuukum te geti kam. Kuake le geti katugegekat katubumui, oringen samba roket sitaiooi tualeake, pat matamui bailiu mapeset samba pangorikamuia ka purimanuaiatmui. Mangurep le geti ekeu tapoi tanukokom buania, aipoi sangamberi saggakmui momoi te geti masikalaake kam samba masisapruake apa siurepmui.

3Mos. 26:20

Sangamberi besit tubumui taanai lulunia, aipoi polakmui taan ibebelaake bua samba sangamberi siuremanmui taan mububua.

Mik. 6:15

Pangarapnungan gandum tapoi tak numomonei buania. Galainungan tula sibara kabuat zaitun, tapoi tak momoi nupakei tulania. Piotnunganm buat anggur, tapoi tak nulolo'.

Hab. 2:13

Bangsa sikalaakenennu bulat mageja bagadra sita'lulu, samba sangamberi sirioakenendra sapru le ilabonia obengan. Sangamberinia nenda iate' teu bagat Tuhan Sipulugege.

Hag. 1:6

Amaigingan anukarapmake kam karamen, tapoi goiso le numonei kam. Ka kam ai komen, tapoi tasesege ektekmui. Ka kam ai anggur, tapoi ta' isesegeake bagamui. Ka kam ai leppei, tapoi ta' momoi ioloiake' tubumui. Samba upa siloketdra sipugagalai taiaili ituppai purimanuaiadra.

Hag. 1:9

Nubesiake le kam buat siureman simaigi, tapoi goiso le anusilo kam. Abbitmuiannia ka lalepmui, tapoi buat simoneimui nenda ulupakekungannia isapru. Angoi pa akugalaiake nenda? Alegietnia iate: kalulut umangKu poi siragatat pei le, aipoi sangamberimui sarat masibesiake nugalai kam lalepmui pasasaramui.

ROMA 6:21

Buat apa anusilo kam sedda? Sangamberinia nene sikau kam maila kineneiget, aipoi kalepakat sangamberinia nene ia te kamateiat.

5Mos. 28:38

Maigi karamen nukarapmake kam, tapoi goiso le nusilo kam, kalulut aitata' ikomnia sit.