Jer. 12:11 - BUKO SIPUNENAN

¹¹ Bulatnia, arabailiuakeannia simatangeu, matangeu le' polak nenda mureureubaga kamataKu! Matangeu le' kineiget sangamberi laggai nenda, tapoi ta'anai sirimanua sipuletseinia.

Jer. 12:11 Iomraidhean Croise

Sip. 7:2

Mei ka lalep sipurereureu baga peile maeru bele peile ka lalep pupupunenan, kalulut ka lalep pureuteugat baga le pangampulat tetere sirimanua; siripotnia sirimanua sipuririmanua buita rapuletsei nene.

Jes. 42:25

Iageti rugutakenangan katubunia oloi goluNia samba pasaggangan sabeu, sisubuakenia ka sangalionia, tapoi ta iseseake, samba silabonia, tapoi ta ailelekake.

Jes. 57:1

Masubu le sirimanua simaroipo, samba berisara sirimanua sipuleleknia; matei le sangamberi sirimanua simatopit, samba berisara sirimanua sipuletseinia; bulatnia, kalulut amakakrangan pukakatai, mateirangan leu sirimanua simatopit

Jer. 10:22

Maarep le' sara katuareman, ngangania: Babara te' geti pulamaugat sabeu sibara ka polak ka isit ka bare', addeat masibailiuake sangamberi laggai Jehuda ibailiu matangeu, ibailiu le' kudduat pulippunan sangamberi jo'jot leleu.

Jer. 10:25

Uruake le' oloi guluNu ka tubut sangamberi bangsa sitaiagai Ekeu, ka tubut sangamberi muntogat sitasogaiake oniM: Aipoi arakomman si Jakob samba arasapruakeannia, samba pukudduanannia aibailiaun siragatat.

Jer. 14:2

Jehuda mureureu baga, sangamberi mata baliu gugurukatnia bukkat samba ka sou baga turapdapnangan ka polak; gerei Jerusalem sakai ka pata.

Jer. 19:8

Kugalai geti laggai nene, bailiu pukarananbaga samba ibailiu kalotoakenen. Senen sirimanua sisabaunia geti ibailiu makaratbaga samba maloto' kalulut sangamberi silippanan sioriknia.

Jer. 23:10

Laggai asun sangamberi sirimanua sipaelet; bulatnia, kalulut pateleiat nene garak le' laggai samba laju' le sangamberi se'se' ka su'su; apa le' rakukru iate pukakatai, samba ronda iate ta'katuroipoat.

Jer. 25:11

Iageti sangaliot laggai nene ibailiu geti siragatat samba magarak, samba sangamberi bangsa nene ibailiu geti pagugulet katubut rimata Babel pitu pulungarura ujunia.

Jer. 4:20

Tupaagai le' katukakatai, samba katukataikat sangamberi laggai tipakatai; sinulut tupakatai le' sapouku, tabbo'ku ka sangapeipeikat mata.

Jer. 4:27

Aipoi kise le' ngangan Tuhan: “Sangalio laggai nene ibailiu geti simatangeu, tapoi ta'Kubabailiuakenia isapru.

Jer. 4:28

Kalulut pagalaiat nene polak geti mureubaga le', samba manua ka pata ibailiu le geti magepgep, aipoi Akukuangan, Akuisiakean, Taan iolei bagaKu samba taan kutitiktik tubuKu ka pagalaiat nenda.”

Jer. 6:8

Silo le' kam liliso, ale Jerusalem, bule bui Kutiktik tubuku ka tubum, bule bui Kubailiuake ekeu simatangeu, ibailiu le' laggai sitaanai sikudduijinia!”

Jer. 9:10

Pusou samba pusiku le' kalulut sangamberi leleu, samba pusou geri kalulut su'su simaturuturu ka simatangu, aipoi sangamberinia amagarakngan samba ta'an beri sara sirimanua sisabauginia, samba sirimanua ta'an araarep ngangan tarimeu; sangamberi uma' katei manua samba sangamberi tarimeu, sangamberinia amutuituian samba amapepengan.

Jer. 9:11

Jerusalem Kubailiuake le geti siragarat kudduat pulippunan jojot leleu; Kugalai le' geti sangamberi laggai Jehuda ibailiu matangeu, ta'an anai sikudduijinia.”

Jer. 9:9

Ta'pa Kuuukum sia kelulut sangamberinai nenda?, kesene le' ngangan Tuhan Ta'pa' Kusisiliake besit paatuatKu katubut bangsa kele nenda?

Jol. 1:10

Pamonemone amasaragaian, polak mululu baga bailiu sangamberi gandum makatai, magaraknangan leuet buat anggur, samba tulat zaitun sappru.

3Mos. 26:32

Kupkumen laggaimui Kupakakatai le geti, pat sangamberi saggakmui sikudduijinia tuge'ge' masiitco kakataikat nenda.

Zakh. 7:5

KuananganNia, “Segeake kam ka tubutda sangamberi sipulaggai ka laggai nene samba ka tubutda sangamberi tai imam, puaso samba geri sigalaiaakenendra ka laggo sika lima samba sikapitu ka bagat pitu pulu ngarura buru'nia nene ta te kalulut pususuru katubukKu.

Malk. 2:2

Suru' kam Aku ka galai tubumui. Ke ta nuoba kam masiarepmake tiboietKu, teleikungan kam. Sangamberinia uktuk sisilomui silinangannia bailiu telei. Bulatnia te sangamberi simaeru nenda Akuteleian, kalulut ta anupuletcei kam parentaKu.

ROMA 8:22

Taagai poi, aili teret kineneiget sangamberi sibaraakenen kere muhoihoi samba kere masiorik besit pususule.