Jer. 12:1 - BUKO SIPUNENAN

¹ Kerenangan sineseat le' Ekeu, ale Tuhan, ke' kipa bai kupaukleake Ekeu! Tapoi kuoba' le' patibo pasamba Ekeu pagalaiat puroipoat: Angoi sangamberi sirimanua sikatai maeru puririmanuan, makolou puririmanuan sangamberi sitaimatopit?

Jer. 12:1 Iomraidhean Croise

1Mos. 18:25

Buian tumateiake sangamberi sirimanua sitaanai sele pasamba simasele. Taa, Tuhan! Aipoi ke Nugalaiake, sirimanua sita'anaisele tuukum le geti pasamba simasele. Tamateu sipasiukun sangalio polak masigalaiake sitaimaroipo!”

Ezra 9:15

Tuhan, Taikamanuan Israel, Ekeu le simaroipo. Kenanen poi kisedda Nuobaake le kupurimanua kai. Kuseseake kai puseleatmai ka tubum. Ta' anai puteukatnia kupurio kai ka matam.”

Neh. 9:33

SigalaiakenenNu maroipo, nuukum le kai si jo. Mariuriu le topitNu kenanen kai sisun paloloiat le.

Job 12:6

Tapoi purimanuaiatdra sipararaurau geti ta'anai sigeugeu sia, sirimanua simagege masisaggangi Taikamanua, maeru puririmanuanda. Kenanen sabulungan le ibailiu karoakenenda, sarat ronda le saratda.

Job 13:3

Tapoi patitibo kai pasamba Sipulegege, ai oba'ku masikolouake pakaroatku ka matat Taikamanua.

Job 24:12

Sibara kabagat laggai maarepnangan katcitda sangamberi sirimanua simalegre matei samba katcitda sangamberi sirimanua sipangongorik lubbe, tapoi ta ipuletcei Taikamanua panindogatda.

Job 24:23

Kaunangan Taikamamnua purimanuaiatnia simasanang, tapoi ta muaari iitcoakenia.

Job 8:17

Ungatnia ipabolini pabukku-bukku ka polak ipabolit simaron, ta malabbei ipauilaknia.

PSALMEN 116:5

Tuhan nenda simakate baga samba simaroipo, Taikamanuanta simanuntu baga.

PSALMEN 119:137

Maroipo le Ekeu, ale Tuhan, samba sineseat le sangamberi surukatNu.

PSALMEN 119:75

Kuagai, ale Tuhan, surukatNu simaroipo le, samba mateuan anuepeake aku.

PSALMEN 145:17

Maroipo le si Tuhan ka sangamberi enunganNia samba simasun katet baga kabagat sangamberi sigalaiNia.

PSALMEN 37:1

Sibara kai David. Bui nupugolu ka sirimanua sikatai, bui numasi'si baga ka sirimanua sigalai patajuat;

PSALMEN 37:35

Akuitcoan sara sirimanua sikatai simakatai golu, sipututu'tu' simaeru kele loina pinilok Libanon;

PSALMEN 51:4

Linaake le aku ka sangamberi puseleatku, samba bui le aku ka joku!

PSALMEN 51:6

Katubum, sarat katubum le akumajo samba masigalaiake aponia addeakenenku sikatai, bule imatoila Ekeu simaroipo kabagat teuakenenNu, malina kabagat pasiukumanNu.

PSALMEN 92:7

Sirimanua sitaiagai patuat ta iagai katukolobatnia, samba simakela patuat ta iagai kolou pagalaiat nenda.

Pangt. 1:32

Sirimanua sitaimaagai tumateiake le nia geti kalulut oret bagania, sirimanua simakela patuat tusubuake le nia kalulut taimaukut bagania.

Sip. 8:14

Ai sara pusiboboiat sipuaili ka polak: ai sirimanua simatopit, sisilo ukuman simateu ka galajet sirimanua sikatai, samba ai sirimanua sisilo upa ka galajetda sirimanua simatopit. Aku masikua: “Nene leuet siboboi!”

Jes. 41:21

Kua pakarom, ngangan Tuhan, poiliat sangamberi paluluat, ngangan Rimata, Taikamanuan Jakob.

Jes. 48:8

Ta anuarep ele anuagai, kisedda leu piunu ta atubuka barania peile siburu; tapoi Akuagaian, nugalaiake le simakopet katai, samba sirimanua masikua ekeu: simaukkat barania peile ka suruket.

Jer. 11:20

Tapoi, Tuhan sebaot, sipasiukum ka simaroipo, sipasisisibo paatuat sirimanua, eddangannia kuitco Nulumunake sia, aipoi katubuM le' kusegeake pakaro'ku.

Jer. 12:6

Aipoi sangamberi sasainam samba muntogatnu, sia leuet masigalai masipajo ekeu; sia leuet simakere kateiteinu. Ba' kakatonemi sia, kenanen bai tiboietda mananam katubum.

Jer. 3:20

Tapoi bulatnia, kele sara sikalalep sitaimatopit ka saaleinia, kise' te' taimatopitmui katubukKu, ale muntogat Israel, kise te' ngangan Tuhan.

Jer. 3:7

Kupaatu le': Lepa igalaiake sangamberinia nene, toili le geti nia minca ka tubuKu, tapoi ta'atoilinia. Pagalaiat nenda aiitcoaan si Jehuda, sarainania sitaimatopit.

Jer. 32:16

Lepat akukau sangamberi surat panakiat polak nenda kai Barukh togat Neria, panindoukungan kai Tuhan kuakungan:

Jer. 5:11

Aipoi muntogat Israel samba muntogat Jehuda sibulatnia taan aragalaiake topit katubukKu, kise te' ngangan Tuhan.

Jer. 9:2

Ke'bai kasimatangeu ai kudduat pugogoiat addeat sangamberi sirimanua kabagat puenungan, Iageti kaddiuakekungan leu bangsaku, samba tuareu katubutda! Aipoi sia sangamberitda iate sirimanua sipaelet le', sara parurukatda sangamberi sirimanua sitaimatopit,

Sou. 1:18

Tapoi si Tuhan le sineseat, kalulut akupasabau surukatNia. Arepake kam aku ale sangamberi sirimanua, samba itco kam pureureugat bagakku. Tailainge samba taiokkoku tutangsiake, samba tuambit ka kudduat katuribbaiat.

Jehz. 18:25

Tapoi nukua le kam: Ta aisese sigalai Tuhan! Arep kam boiki, ale muntogat Israel, ta aisese pa sigalaiKu ele sigalaimui le ta aisese?

Dan. 9:14

Kalulut nenda nupatarek le pugejaat baga samba orakakenungannia katubumai; kalulut Ekeu iate simaroipo ka sangamberi sigalaiakenenNu.

Dan. 9:7

Oi Tuhan, Ekeu le sineseat, tapoi mateu le kumaila kai kele kagogoi nene. Kai iate tai Jehuda, sipulaggai ka laggai Jerusalem, samba sangamberi tai Israel, sikuddu ka leggre samba ka sareunan, ka sangamberi laggai anuribbaiake kai kalulut taimaredetmai katubum.

Hos. 6:7

Tapoi kele kai Adam, anupasabau kam palelenganmui ka tubuku.

Hab. 1:4

Surukat ta'an atupuletsei samba puroipoat ta'an atuparon. Sirimanua sijongan le amuundutat ka tubut sirimanua simatopit, iageti pabailokrangan leuet puroipoat.

Zep. 3:5

Tapoi aile' si Tuhan ka laggai nenda, sarat katubulanan le igagalai samba ta'babara simasele. Senen simanseman sarat iake' le katuroipoat ka laggai nenda mariuriu le ragalai katai takmamaila sia.

Malk. 2:17

Galaimuian bule imangau Taikamanua ka tiboietmui. Tapoi parerere' peile kam, “Kipa galainia kungauake kai si Tuhan?” Nukua kam, “Sangamberi sirimanua sigalai sikatai iaddeake le simaeru si Tuhan, samba ioba le sia.” Ele parerekat, “Kaipangan Taikamanua addeakenen simaroipo nenda?”

Malk. 3:15

Ataitcoan kam pusanangandra sangamberi sirimanua simabuak patuat. Sirimanua sikatai ta sarat ituppai erut puririmanuandra, tapoi ke' rasibo puoom bagat Taikamanua ragalaiake sikatai, bebela leu et sia.”

5Mos. 32:4

Tuhan siropmake ekeu simagege, simasappru eru sigalaiNia, samba maroipo sangamberi enunganNia. Taikamanuamui simariuriu topit, ta anai patajuat ka tubuNia, Nia masigalaiake simaeru samba sineseat.