Jer. 11:8 - BUKO SIPUNENAN

⁸ Tapoi ta'raoba masiarepake ele masilelekake, tapoi senenda ratutake le' kelat paatuatda sikatai: iageti Akubaraakean katubutda sangamberi nganga palelengan nene, siparentaakenKu tuukkaake, tapoi ta'araukkaake.”

Jer. 11:8 Iomraidhean Croise

Neh. 9:26

Tapoi paamianNu mugege samba ta'an arareddet ekeu, rapuarak ukum samba aturanNu, masimateiake tai nabi sipasirerepdepmake sia samba sikoiniake sia toili ka tubum, Taikamanuandra. Oi Tuhan, mareirei le rapaloloi ekeu.

Neh. 9:29

Nuteka sia bule rareddet surukatNu, tapoi ka buak paatuatdra ta'rasilo ukumnu. Ke'bai raenungake surukatnu, bulat makolou le geti puririmanuandra. Makela le patuatdra, ta'raoba masiarepi, ta'raoba masireddet.

Jer. 13:10

Bangsa sikakatai nene, sitaioba masiarepi sangamberi tiboietKu, sioba masitut kelat paatuatnia samba masitut taikamanua bagei addean masipuneni samba manindou ka tubutda, ibailiu le' geti kele akkik tenga nene ta'anai kautania aponia pa'.

Jer. 3:17

Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 31:32

ta' kele palelengan sigalaiKu pasamba taikebbukatra kateteret Akuukkaake kabeira addeat masiambit sia bela ka laggai Misir; PalelenganKu nenda arapasabauan, kenenen bai ibailiu Aku tuan simagege ka sia, kise te' ngangan Tuhan.

Jer. 32:23

Lepa geti gurukirangan samba kudduijirangannia, tapoi ta'araarepi ngangaM samba galai tubutra ta'siripokat surukatNu; ta'aragalaiake sangamberi aponia addeat tugalaiake. Lulut nenda Nukau le' katubutda senengamata pugejaatbaga nene.

Jer. 34:14

Kapangampulat pitunga rura kam sangamberimui bui tanubelaakekam sasarainania bangsa Ibrani sisakiake tubunia katubumui; mugalai le' getinia katubum enemngarura ujunia, lepa geti bui tanubelaakenia sibailiu sirimanua sipuuja. Tapoi taikebbukatmui ta'araarepi Aku samba ta'arapuletsei Aku.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 35:17

Kalulut nenda kise' le' ngangan Tuhan, Taikamanu Sebaot, Taikamanuan Israel: Bulatnia te', Kubaraake le' senengamata pasisiboat siteuakenKu ka tai Jehuda samba kasangamberi sipulaggai ka Jerusalem; kalulut amanibongan Aku katubutda, tapoi ta'raoba masiarepi, samba amusogangan Aku katubutda, tapoi ta'raoba' masialegi.”

Jer. 38:20

Aleginangannia si Jeremia, “Pagalaiat nenda ta'muaaili! Arepmake le' ngangan Tuhan kapagalaiat apa sikuakku katubum, iageti maerunangan puririmanuam samba engam leu tupasikeli.

Jer. 44:16

“Ta'kuoba kai masiarepi apa sikuam katubumai kaonin Tuhan.

Jer. 44:17

Sangamberi sipalelekmai, kugagalai leu et kai.

Jer. 44:5

Tapoi ta'raoba masiarepi samba masilelekngake bule rakaddiuake pukakataira iate masilabo buluakenen minca ka taikamanua bagei.

Jer. 7:13

Oto kineiget, kalulut kam leu anugalaiankam sangamberinia galaitubu nenda, kisene te' ngangan Tuhan, samba kalulut ta'nuoba kam masiarepi, kenenen bai manibo Aku simariuriu katubumui, samba ta'nuobakam masialegi, kenanen bai mugerei Aku katubumui,

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Jer. 7:26

tapoi ta'araoba masiarepi Aku samba ta'araoba masipuletsei, tapoi raparon le te'tekatda, masigalai katai simakope bele pei le' ka taikebbukatda.

Jehz. 20:8

Tapoi amukela le sia patuat katubukKu samba ta raoba masiarep Aku; senen sirmanua ta araribbaiake sabulungannia kasitsitakenen, ka simareirei imattai, samba ta arakaddiuake sabulungan Misir. Oto bara patuatKu Kubelaake goluKu katubutda bule Kubelaake goluKu katubunia katalagat polak Misir.

Zakh. 1:4

Bui'an kele taikebbukatmui. Siburu peile tai nabi masisege'ake patonekatKu ka tubutdra bui' ragalai minca katai samba jo. Tapoi taarapuletcei samba taraoba mureddet katubukKu.

Zakh. 7:11

Tapoi paamianKu makela le paatuatda samba bulat ta'an raoba masiarepake, seksekrangan talingandra bule tarapasiarep.