Jer. 11:7 - BUKO SIPUNENAN

⁷ Aipoi bulat sibulatnia Kuparepdep le' taikebbukatmui kateteret Akupalulu sia bela ka laggai Misir; pat aili kateteret nene Kuparepdep le' sia simariuriu: Arepake le' ngangangKu!

Jer. 11:7 Iomraidhean Croise

2Rim. 17:13

Aikoiniakean pakoiniet samba tai nabiNia ka paamian Israel samba ka tai Jehuda masikua patonekat nene “Ariake kam mugalai sikatai samba reddet kam sangamberi parenta samba surukat siakeKu ka taikebbukatmui samba ka tubumui sisegeakenenKu ka tai nabi sapaguguletKu.”

2Taw. 36:15

Si Tuhan, Taikamanuan taikebbukatda, amaolengan aikoiniake pakoinietNia masiparepdep paamianNia, kalulut manuntu bagaNia katubutda samba ka umaNia.

2Mos. 15:26

Kuanangan si Tuhan, “Reddet kam tiboieku sibulatnia, samba galaiake kam apa addeakenenKu simaeru, reddet kam sangamberi parentaKu. Ke kam masigalaiake kisedda, ta Kuukum kam ka sangamberi besi siorakngakenenKu ka tai Misir. Aku te Tuhan sialeake kam.”

Jer. 11:4

siparentaakenenKu taikebbukatmui kateteret Kuambit sia bela ka Misir, ka purusuat pasianaugat laba', pasamba masikua: Arepake le' ngangangKu samba galaiake le' sangamberi aponia siparentaakenenKu katubum, iageti bauliunangan kam paamianKu samba Aku ibailiu geti Taikamanuamui,

Jer. 25:3

Barania ka rura sikapulutelu puparentaat Josia togat Amon, rimata Jehuda, teret gogoi nene, oto ruapulu telungarurangan ujunia, aioi tiboiet Tuhan katubukku samba mariuriu le' kutiboakenia katubum, tapoi ta'nuoba masiarepinia.

Jer. 25:4

Mariuriu leu et ikoiniake si Tuhan katubum sangamberi paguguletNia, iate tai nabi, tapoi ta'nuobamasiarepi samba masilelekngakenia.

Jer. 31:32

ta' kele palelengan sigalaiKu pasamba taikebbukatra kateteret Akuukkaake kabeira addeat masiambit sia bela ka laggai Misir; PalelenganKu nenda arapasabauan, kenenen bai ibailiu Aku tuan simagege ka sia, kise te' ngangan Tuhan.

Jer. 32:23

Lepa geti gurukirangan samba kudduijirangannia, tapoi ta'araarepi ngangaM samba galai tubutra ta'siripokat surukatNu; ta'aragalaiake sangamberi aponia addeat tugalaiake. Lulut nenda Nukau le' katubutda senengamata pugejaatbaga nene.

Jer. 34:14

Kapangampulat pitunga rura kam sangamberimui bui tanubelaakekam sasarainania bangsa Ibrani sisakiake tubunia katubumui; mugalai le' getinia katubum enemngarura ujunia, lepa geti bui tanubelaakenia sibailiu sirimanua sipuuja. Tapoi taikebbukatmui ta'araarepi Aku samba ta'arapuletsei Aku.

Jer. 35:14

Kirenangan parentat Jonadab togat Rekhab nenda aipei le' tueenungake; aiparentaakean ka sapunuteteunia, bule bui ralo' anggur, samba teret kineneiget ta'ralolo' anggur, aipoi araarepi le' parentat taikebbukatda. Mariuriu le' kupanibo katubumui, tapoi ta'anuarepikam Aku.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 7:13

Oto kineiget, kalulut kam leu anugalaiankam sangamberinia galaitubu nenda, kisene te' ngangan Tuhan, samba kalulut ta'nuoba kam masiarepi, kenenen bai manibo Aku simariuriu katubumui, samba ta'nuobakam masialegi, kenanen bai mugerei Aku katubumui,

Hos. 4:1

Ai pakaroat Tuhan kasikudduiji laggai nene. Ale Israel, arep kam apa sikuaNia, “Ka laggai nene ta'anai putopinan ele nuntut baga, samba ta raseseake Aku le sibailiu Taikamanua.

Hos. 5:1

Kuanangan si Tuhan, “Arep pei te kam, ale kam tai Imam! Lelekngake pei te kam, Ale tai Israel! Arep pei te kam, Ale kam sangamberi muntogat rimata! Atutakkiakean te ukuman ka tubumui. Aipoi simateunangan nupasiukum kam simaroipo, tapoi aibailok le kam kele luluplup ka Mizpa, kele sesere ka leleu Tabor.

Zakh. 1:4

Bui'an kele taikebbukatmui. Siburu peile tai nabi masisege'ake patonekatKu ka tubutdra bui' ragalai minca katai samba jo. Tapoi taarapuletcei samba taraoba mureddet katubukKu.

EPESUS 4:17

Oto kukua samba kumunengake nene ka kam ka bagat Tuhan: Buian nupuparaboat kam kele sipuarat sabulungan, sipaatu si ta galai;

5Mos. 12:32

Galaiake kam sangamberi siparentaakenenku ka tubumui. Bui' nutuppai ele nupabele' kam nia.

5Mos. 30:20

Kau nupununtuki kam baga Tuhan Taikamanuamui, kau mareddet kam ka tubuNia samba kau mariuriu topitmui ka tubuNia. Iageti manantanangan ruramui samba ruratdra sapunuteteumui ka laggai sipalelekngakenen Tuhan katubutda taikebbukatmui, si Abraham, Ishak samba si Jakob.”

5Mos. 4:6

Galaiake kam nenda ka bagat topit. Ke' nugalaiake bai kam, matoilanangan pusisikut patuatmui ka matadra tai bangsa-bangsa bagei. Ke raarep pagalaiat surukat nenda, kuarangannia, “Apate sikut patuat samba agaira bangsa sabeu nenda!”

5Mos. 5:29

Ke' kele kasedda bai rapupaatuat! Mariuriu rasuru' Aku samba rareddet parentaKu, maerunangan puririmanuandra samba purimanuaiatdra sapunuteteura teret buru-buru!

5Mos. 6:2

Kau nusuru samba sapunuteteunu masisuru Tuhan Taikamanuamui samba masireddet surukatNia sisegeakenenku ka tubumui, bule imananta purimanuaiatmui ka kupkumen laggai nenda.

5Mos. 8:6

Oto galaiake kam sangamberi siparentaakenen Tuhan Takamanuamui. Kau nupurimanua kam siripot surukatNia samba kau nusuru kamNia.

2Tes. 3:12

Sirimanua kele nene kunganturu samba kujigi kai sia ka bagat Tuhan Jesus Kristus, bule rapugalai simemengmeng samba rakom katda sigabada sarada.

1Sam. 8:9

Lulut nenda arepmakean le panindogatda, tapoi parepdem le sia bulat sibulatnia samba paagaiake le katubutda kipa igagalaiake rimata siparentaake sia geti.”