Jer. 11:12 - BUKO SIPUNENAN

¹² Samba kenenen bai sangamberi laggai Jehuda samba sipulalaggai ka Jerusalem musoga katubut taikamanua panindogiedra pasamba buluakenen sirarak, tapoi taikamanua nenda ta'moi geti iropake sia keteteret iorak sia pasisiboat nenda.

Jer. 11:12 Iomraidhean Croise

2Taw. 28:22

Kabagat puokkiman nenda, si Ahas aituppai peile jo nia katubut Tuhan.

Jes. 45:20

Paruru kam samba konan kam, patoila ka tubumui simakere, ale kam sangamberimui sibebela katalagat sangamberi bangsa! Taanai simaagai sangamberi sirimanua sipasiabbit tularat sigalai sibara loina samba sipanindou ka taikamanua sitaoi masiarauake.

Jes. 46:7

Akkatakerangannia ka ta'tara samba bairatrangannia, lepa kaurangannia ka kudduatnia, purionangan sedda samba ta mututuitui ka kudduatnia. Kenanen musoga sia katubunia, ta ialegi samba ta iarauake sia kabagat pangoringanda.

Jer. 18:15

Tapoi paaminKu arakalipogingan Aku, aralabo' le' buluakenen katubut taikamanua pusiboboiat; atusoksokan sia bele' ka sangamberi enunganda, iate sangamberi enungan baranangan kasiburu pei le', samba tusoip ka enungan, iate enungan sitaigagaktukngakenen.

Jer. 2:28

Kaipangan ta kamanuamui sigalaimui nenda? Eddangannia ratusuru, ke'bai moi rapaarau ekeu ka teteret pugejaat bagamui! Aipoi kele iginia laggainu kise te' iginia tai kamanuamui, ale Jehuda!

Jer. 44:8

Angoi nuobakam masibaraake besit paatuatKu, kasigalai kabeimui, iate masilabo buluakenen ka taikamanua begei ka laggai Misir sigurukimui sibailiu kam siooiake sedda? Angoi nuoba ibailiu kam teleiet ka talagat siberikabaga ka polak?

5Mos. 32:37

Iageti parerenangan si Tuhan ka paamianNia, “Kaipangan taikamanua simaron karonietmui baga?”

5Mos. 32:38

Komrangan tosi tarimeu sibuluakenenmui, samba lo'muian suat anggur sibuluakenenmui. Koiniake le sia raoi masiropmake kam, eddangan ibailiu sia sijago kam.

Pas. 10:14

Kenannan le kam ka sabulungan sipilimui nenda. Pusogangan kam manindou katubutda! Siangan le sipasirorom kam kateteret ka bagat puokkiman.”