Jer. 11:11 - BUKO SIPUNENAN

¹¹ Kalulut nenda kasenen le ngangan Tuhan: Bulatnia te', Kubabaraake le' katubutda pugejaat baga sitaioi tuta'ta'ake, samba ke'bai mugerei sia katubukKu, ta' Kuaarepi geti sia.

Jer. 11:11 Iomraidhean Croise

2Rim. 22:16

sikuat Tuhan: Kuukum te geti Jerusalem samba sangamberi sikukuddu ka bagania kele sitususurat ka bagat buko sibasat rimata.

2Taw. 34:24

‘Kuukum te Jerusalem samba sangamberi silaggaijinia pasamba telei sitususurat kabagat buko nenda sibasaakenenda katubut rimata.

Job 35:13

Bulatnia, gerei sita' paluluat ta aiarepi Taikamanua samba ta aipuletsei Sipulugege.

PSALMEN 18:41

Nugalai le saggakku ratuitui ka tubukku, sangamberi sirimanua simalaga baga kaku kusubuake.

PSALMEN 66:18

Ke' bai ai isiat sikatai ka paatuatku, taioba si Tuhan iarepinia.

Pangt. 1:28

Kateteret nenda pusogamuian geti katubukku, tapoi ta akualegi besiakemuian geti nugaba aku tapoi ta anusesese aku.

Pangt. 29:1

Kasei simakope kelat patuat, kenanen atuaseakeannia, ka sara gogoi makatainangan samba taan momoi tupaeru minca.

Jes. 1:15

Ke nutotoiake kam kabeimui nupanindou kam, Kupisikake le geti matakKu, kenanen piga ngaminca pa nupanindou kam, ta Kuaarepi, kalulut kabeimui amasutan logau.

Jes. 24:17

Ale sikudduiji polak, tugegeake le geti kam, tujunung samba tusere!

Jer. 11:14

Tapoi Ekeu, bui nupanindou ka bangsa nene samba ba' sesegeake paroman samba panindougat ka sia, aipoi ta'Kuaarepi geti kateteret rapusoga katubukKu kalulut pugejaat bagatda.

Jer. 11:17

Tuhan Sebaot, sigalai eku mutu'tu', aiteuakean pugejaat baga ka tubum kalulut pukakatai sigalai muntogat Israel samba muntogat Jehuda sibaraake besit paatuatKu pasamba masilabo buluakenen katubut Baal.”

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 14:2

Jehuda mureureu baga, sangamberi mata baliu gugurukatnia bukkat samba ka sou baga turapdapnangan ka polak; gerei Jerusalem sakai ka pata.

Jer. 15:2

Dan ke'rarereake katubum: Kaipa kueikai?, iageti aleginungan sia: Kasenen le' ngangan Tuhan: Si ei ka kamateiat, ka kamateiat le'! Si ei ka lanjau, ka lanjau le'! Si ei ka pulajeat, ka pulajeat le'! samba si ei kakabekat, ka kakabekat le'!

Jer. 18:11

Kalulut nenda, kua le katubudra tai Jahuda samba katubut sipulalaggai ka Jerusalem: Kasene le ngangan Tuhan: Bulatnia te', Aku nene aikupatatarek pugejaatbaga katubumui samba masiisiake pinaatu katubumui. Kauan senemui masibauake puparaboananmui sikatai, samba paerukam pubaraboananmui samba galaitubumui!

Jer. 19:15

“Kasene le' ngangan Tuhan Sebaot Taikamanuan Israel: Bulatnia te' Kubabaraake te' ka laggai nene samba kasenen laggai pabebebakenennia sangamberi pugejaatbaga sikuaKu iorak le geti sia, aipoi makela' le paatuatda samba ta'araarepi sangamberi tiboietKu.”

Jer. 19:3

Kua le': Arepmake ngangan Tuhan, ale tai rimata Jehuda samba sipulaggai ka Jerusalem! Kasene le' ngangan Tuhan Sebaot, Taikamanuan Israel: Bulatnia te' Kubabaraake le' geti pugejaatbaga ka kudduat nene, bailiu talingan sirimanua sipasiaarepnia mungepngep!

Jer. 23:12

Lulut nenda, enunganda makere' le' geti enungan simalutlut ka sia; ka bagat pugepgeman tusosoksok le' sia samba bele' geti sia sedda; aipoi Kubabaraake le' geti pugejaatbaga katubutda, ka rura teteret tuukum sia, kise te' ngangan Tuhan.

Jer. 25:35

Iageti ka sipasijajago ta'ananai kabelaiat, samba ka siuteake mungkuat biribiri ta'ananai kabebela.

Jer. 35:17

Kalulut nenda kise' le' ngangan Tuhan, Taikamanu Sebaot, Taikamanuan Israel: Bulatnia te', Kubaraake le' senengamata pasisiboat siteuakenKu ka tai Jehuda samba kasangamberi sipulaggai ka Jerusalem; kalulut amanibongan Aku katubutda, tapoi ta'raoba masiarepi, samba amusogangan Aku katubutda, tapoi ta'raoba' masialegi.”

Jer. 36:31

Kuukum le' nia, muntogatnia samba sapaguguletnia kalulut seletra; Kubabaraake le' katubutra, kasangamberi sipulalaggai ka Jerusalem samba ka tai Jehuda sangamberi pugejaatbaga siisiakenenKu katubutda, sia sitaioba masiarepinia.”

Jer. 6:19

Arepake, ale polak! Bulatnia, ka bangsa nene te' Kubabaraake geti pugejaat baga, lulut sangamberi siisiakenenda, aipoi ta'arapuletsei sangamberi tiboietKu samba masikeraake panganturatKu.

Sou. 2:22

Sogainungan tai saggak kalotoakenenmai bule tubaraake punen pukataikat ka bebemai. Mateiakerangan sangamberi sipasikelimai samba simanuntu bagamai. Ka gogoi pugolukatNu, taanai berisara siarauake tubuna.

Jehz. 14:3

“Ale togat sirimanua, sangamberi sirimanua nene raabeuake le sabulunganda kabagat patuatda samba ragalakake bukku pasisoksok kamatatda, sibeleake sia kabagat puseleat. Kuoba pa ratiddou enungan katubukKu?

Jehz. 7:5

Kise te tiboiet Tuhan Taikamanua: Itco, momoi te simareirei pugejaat baga!

Jehz. 8:18

Kalulut nenda Kulumunake le geti kabagat goluKu. Ta te manununtu bagakKu samba ta Kuagai katet baga. Samba kenanen musoga sia katubukKu ka nganga sabeu, ta Kuarepi sia.”

Ams. 5:19

Kele sara sirimanua situituiake tubunia ka singa, sara beruang masiailiakenia samba kele aisege ka lalep, tukkeakenangan kabeinia ka rupi, pilanangannia sangamuneng ulou.

Mik. 3:4

Ai leu teterenia nupugereikam masitiddou paroman kai Tuhan, tapoi ta aialegi kam. Taan iarepi panindogatmui, kalulut anugalaian kam sikatai.

Zakh. 7:13

Kalulut nenda, taakualegi panindogatdra, aipoi taraarepmake Kupanibo.

1Tes. 5:3

Ke rakua bai, “Aban le samba ta anai apa pa,” lepa tulut saksaknangan sia gejat baga, kele sara sinanalep sipususuruket iorik besit pususule, bulat ta te momoi rabela.

Ibr. 1:3

Torot pulatsanan Taikamanua le nia samba tularat putubuat Taikamanua samba ibairat sangamberi sibabara kalulut tiboietnia simasun gege. Samba lepa aigalai pulinakat jo, puuddetnangan kai kattoet Sipulubeunan, ka pata.