Jer. 10:6 - BUKO SIPUNENAN

⁶ Ta'anai simakere kele Ekeu, ale Tuhan! Ekeu sita'puteterat, Mabeu Ekeu samba oniM mabau kalulut gegem.

Jer. 10:6 Iomraidhean Croise

2Sam. 7:22

Bulat sipulubeunan le Ekeu, ale Tuhan Taikamanua! Ta anai simakere kele Ekeu samba ta anai Taikamanua sabagei. Kuagai pagalaiat nenda kalulut siburu atupaagaian kakai.

1Taw. 16:25

Aipoi abeu te si Tuhan samba bulat tuumunake, buita tukalotoakeNia saliu sibara ka sangamberi taikamanua bagei.

Neh. 4:14

Kele akuitco aramaloto sarakyat panibokungan ka matatdra samba ka matat sikebbukat laggai samba ka saute, “Bui numaloto kam ka tubutdra tai saggak! Repdep kam si Tuhan simagege samba simakope ron, samba kau le nupasaggak kam addeat sasarainamui, tatogamui, sinanalepmui samba lalepmui!”

Neh. 9:32

Oi Taikamanua, Taikamanuamai simagege! Taikamanua siabeu samba simakope ron! Ka bagat riuriu topit nuungkaake sangamberi palelengan, sangamberi palelenganNu Nusunnake samba Nugalaiake. Barania ka teteret tai rimata Asyur rapaoreiji kai teret kineneiget, maigi pangoringan akuenungi kai. Tai rimatamai, imam, nabi samba sikebbukat, ia leuet taikebbukat samba rakyat, sangamberida amangorikngan. Bui nukalipogi sangamberi pangoringan nenda! Bui Nupepeakenia ka paatuatNu!

PSALMEN 145:3

Bulat abeu le si Tuhan samba bulat umunakenen, samba puaabeuNia tamomoi tusinougi.

PSALMEN 147:5

Bulat abeu le Tuhanta samba makope le ronNia sikut paatuatnia taanai teterenia.

PSALMEN 35:10

sangamberi tolatku masikua: “Ale Tuhan, kasei te kele Ekeu, sibelaake sirimanua sipangongorik ka kabei sirimanua simaron peile katubunia, sibelaake sirimanua simageba ka kabei sirimanua sirauraunia?”

PSALMEN 48:1

Urai. Psalmen muntogat Korah.

PSALMEN 96:4

Kalulut Tuhan bulat siabeu samba bulat umunakenen, Nia le peile maron bele peile ka sangamberi taikamanua.

2Mos. 15:11

Kasei kele Ekeu katalagat taikamanua bagei masipakereake Ekeu, oi Tuhan? kasei kele Ekeu, sipululatsat samba sipunenan oi Tuhan? Kasei momoi masigalai sangamberi galaiakenen sabeu kele Ekeu oi Tuhan? samba kasei momoi masigalaiake kiseiet kele Ekeu oi Tuhan?

2Mos. 8:10

Aleginangan si Parao, “Mansep tiddou akemui aku.” Kuanangan si Mose, “Kugagalaiake geti apa sitiddou Tuanku. Iageti Tuanku masiagai geti, ta'anai Taikamanua kele Tuhan Taikamanuamai.

2Mos. 9:14

Kalulut sangaminca nene Kubabaraake te geti pugejaat baga ta sarat katubut siabeu tiboi tubu samba taikalaggaiat, tapoi katubum leu, bule nuagainia, ta anai sitakai Aku ka sangaliot polak.

Jes. 12:6

Pusoga samba pugora baga ale sipulaggai ka Sion aipoi Sipululatsat Taikamanuan Israel, abeu katalagamui.”

Jes. 40:18

Oto, pasamba kasei nupakereake kam Taikamanua, samba aponia addeakenennu simakere kele Nia?

Jes. 40:25

Pasamba kasei nupakekereake Aku, nuaddeake Aku kele nia? Tiboiet Sipunenan.

Jes. 46:5

Katubut kasei nupakereake kam Aku, samba nupasikatake kam Aku, bailiu makeremaian?

Jes. 46:9

Repdep kam sangamberi pagalaiat barania ka siburupeile, Aku te Taikamanua samba taanai sabagei, Aku te Taikamanua taanai kele Aku,

Jer. 10:16

Ta'kele kasedda Nia ibailiu rubeiat Jakob, aipoiNia le' sigalai sangamberinia, samba Israel iate suku bakkatNia; oniNia iate Tuhan sebaot!

Jer. 32:18

Ekeu le' sipatoila' nuntut bagaM ka sipuriribu sirimanua samba sipasisisiliake puseselet ukkui ka tatogania siooi lepa geti. Ale Taikamanua siabeu samba simagege, oniM iate' Tuhan Sebaot,

Dan. 4:3

Bulat mabeu le kiseiet sigalaiNia! Bulat magege le kerek sigalaiakenenNia! Ibailiu le geti Taikamanua rimata teret buruburu. Ka senen tetere Nia le tuteu.”

Dan. 4:34

Kateteret aitukapplu pitu ngarura nenda, teilakungan ka manua, lepa toili puaagaiku katubukku. Iageti kuumun le Taikamanua sipulubeunan. Kuumun samba kuabeuakeNia sipuririmanua sitaitatata nenda. “Taikamanua ibailiu te geti rimata teret buruburu. Ka sanganantat teteret Nia le tuteteu.

Malk. 1:11

Rasuru' le Aku tai bangsa ka sangaliot polak. Ka senen kudduat ralabo' le pusinginan kalulut rasuru oningKu samba raake buluaakenen simaeru, kalulut suru'ra tai bangsa ka tubukKu.

1Kor. 8:6

ka sita geti sara le Taikamanua, ia te Ukkui, sibaraake sangamberi samba ka tubunia le tapurimanua, samba sara le Tuhan, ia te Jesus Kristus, kalulut nia aitubaraake sibabara samba kalulut nia leu tapurimanua.

5Mos. 32:31

Raagai tai saggak Israel sipasijago sia ta makere kele Taikamanua sipasijago Israel.

5Mos. 33:26

Ale Israel! Ta' anai taikamanua kele Taikamanuamui. Isilaiji manua ka bagat pubebeunanNia samba ienungi tanai rusa bule iropmake kam.