Jer. 10:25 - BUKO SIPUNENAN

²⁵ Uruake le' oloi guluNu ka tubut sangamberi bangsa sitaiagai Ekeu, ka tubut sangamberi muntogat sitasogaiake oniM: Aipoi arakomman si Jakob samba arasapruakeannia, samba pukudduanannia aibailiaun siragatat.

Jer. 10:25 Iomraidhean Croise

Job 18:21

Kisedda te enungan purimanuaiatda sirimanua sikatai, sitaipuletsei Taikamanua.”

PSALMEN 14:4

Tapa raagai sangamberi sirimanua sipasigagalai katai, sipasikokom paamianKu kele rakom roti, samba sitaipusosoga kai Tuhan?

PSALMEN 147:20

Ka sangamberi bangsa ta igagalaiake kele nene samba sangamberi surukatNia taraagai. Haleluya!

PSALMEN 27:2

Kateteret rasaggangi aku sirimanua sikatai bule rakom akkulaku, sangamberi sioddoi samba saggakku nenda bulat tusoksok samba bele le sia.

PSALMEN 69:24

Kau ibailiu magepgep matatda, pat taipasiitcorangan; galai le imariuriu imagulu tenganda!

Jes. 43:22

Bulatnia, ta anusosogai Aku, ale Jakob, samba ta mabebesi tubum kalulut Aku, ale Israel.

Jes. 64:7

Taanai sipasisogai onim ele sitususuru sipukakaronan katubum; kalulut Nulipputake le matam katubumai, samba Nukau kai kabagat kupkumen jomai.

Jes. 9:12

Tapoi paamian nenda ta atoili sia katubuNia sipasiukum sia, samba ta aragaba si Tuhan Sebaot.

Jer. 11:1

Tiboiet Tuhan siooi katubut Jeremia, ngangania:

Jer. 30:16

Tapoi sangamberi sirimanua sipasikoilok ekeu, tukokoilok le', samba sangamberi saggaknu tuguguru le' ka kakabekat; sangamberi sirimanua siraurau ekeu, ibabailiu le' raurauget, samba sangamberi sirimanua siorei ekeu, Kubailiuake geti oreiet.

Jer. 50:17

Tai Israel iate kele mungkuat biribiri sisabuakenen, samba sialau singa. Siboiki rimata Asyur masisaggangi sia, lepa si nebuladnezar, rimata Babel lutcu sangamberi tolatra.

Jer. 50:7

Kasei siailiake sia, pakominangan sia. Sangamberi saggak paamianKu masikua, “Ta'masele kai! Kalulut amajonga sia kai Tuhan. Taikebbukatra matonembagatra kai Tuhan, oto siripokatnia mariuriu le sia mutopit katubuNia.”

Jer. 8:16

“Nau ngangan kurora tai saggak maarep barania Dan; kalulut katcit kurora simanteu, loto' le' sangamberi laggai. Raoi samba masipakomi laggai pasamba ka bagania, laggai samba sikudduijinia.

Sou. 2:22

Sogainungan tai saggak kalotoakenenmai bule tubaraake punen pukataikat ka bebemai. Mateiakerangan sangamberi sipasikelimai samba simanuntu bagamai. Ka gogoi pugolukatNu, taanai berisara siarauake tubuna.

Zep. 1:6

Kusubuake le sia sitaiooi katubukku ele masitiddou pasopoatKu samba sikaddiuake Aku samba taan araoba masitut Aku.”

Zep. 3:8

Tapoi jago! Ngenaake gogoinia kupurio ibailiu Aku sipangangandu. Aipoi Akuteuakean masiruruake' bangsa-bangsa samba purimataat kukau golukku katubudda. Sangaliot polak tata' le kalulut ikomnia oloi golukku.

Zakh. 1:15

Tapoi bulat magolu Aku katubut sangamberi bangsa sikautubuna maaman samba maaban, kalulut kateteret Ai Ku oomake goluku ka tubut paamianKu, sabangsa nenda masituppai pangoringan paamianKu.

Joh. 17:25

Ukkui simaroipo, kenanen ta raagai ekeu taikapolak, aku geti kuagai ekeu, samba sia nene araagaian ekeu le sikoiniake aku.

Pugap. 17:23

Aipoi kele akupugejek ka sangalio laggaimui samba kuitco kudduat panindogatmui, sesekungan sara pasibuluat sibara surat, ‘Ka Taikamanua sitaiaagaiet.’ Oto sinurumui, sitaiaagaietmui, ia te kusesegeake ka matamui.

1Kor. 15:34

Toiliake kam paatuat simaeru samba baan gagalai kam jo! Aipoi ai piga pa ka talagamui sitaiagai Taikamanua. Kukukua nia nene, bule numaila kam.

1Tes. 4:5

bui ka botbot akkula, kele sigalaiakenenda sirimanua sitaiagai Taikamanua;

2Tes. 1:8

samba masiukumake sia sitaioba masiagai Taikamanua samba sitaireddet Katuareman Simaeru sibara kai Tuhan Jesus.

Pamoil. 16:1

Lepa arepkungan nganga sabeu sibara ka Uman Taikamanua masikua ka sipitu malaika, “Kenan kam, piliake kam pulokat golut Taikamanua ka polak!”