Jer. 10:16 - BUKO SIPUNENAN

¹⁶ Ta'kele kasedda Nia ibailiu rubeiat Jakob, aipoiNia le' sigalai sangamberinia, samba Israel iate suku bakkatNia; oniNia iate Tuhan sebaot!

Jer. 10:16 Iomraidhean Croise

PSALMEN 119:57

Tuhan le rubeiatku, mupalelengan le aku masiukkaake sangamberi tiboietNia.

PSALMEN 135:4

Aipoi si Tuhan aipilingan si Jakob addeatNia, Israel ibailiu le bakkat kanuntuat bagaNia.

PSALMEN 142:5

Kinere le kaikattoet samba itco, taanai berisara sirimanua sipuuku aku; kudduat pulippunanku amapepengan, taanai berisara sirimanua sigaba aku.

PSALMEN 33:6

Kalulut parentat Tuhan, iageti bara manua; kalulut enga sibara ka ngunguNia bara saladduNia.

PSALMEN 73:26

Kirenangan tubukku geti masusubu le samba ronku sasapru le, tapoi leleu bulakku samba rubeiatku meriuriu le Taikamanua.

PSALMEN 74:2

Repdep le paamianNu sinesem barania siburu peile, sinebuiNu bailiu bangsa bakkatNu! Repdep le leleu Sion kudduijietNu.

2Mos. 19:5

Kineneiget ke mareddet kam ka tiboietku samba mariuriu ka palelenganKu, bailiuakekungan kam geti bulat paamianKu. Sangaliot polak iate Aku sibakkatnia, tapoi kam ibailiu le geti kilibet bagakKu.

2Mos. 34:9

Kuanangannia, “Tuhan, ke bulatnia makiliu bagam katubukku, kutiddou oi Tuhan, bule Nuoba muenung pasambamai. Kirenangan paamian nenda makela patuatda, tapoi appeake le sele samba jomai samba silo le kai sibailiu paamianNu.”

Pangt. 16:4

Sangamberi sigalai Tuhan ai lulunia, samba ailiakenenda sirimanua sikatai iate kamateiat.

Jes. 19:25

Sukatakenangan sia Tuhan Sebaot, kuanangan: “Tusukatake le Misir paamianKu samba Asyur sigalai kabeiKu samba leu Israel bakkatKu.

Jes. 45:7

sibailiuake pato samba sibaraake gepgep, sibailiuake purimanuaiat simaeru samba sibaraake purimanuaiat sikatai; Aku te Tuhan sipasigalai sangamberinia nene.

Jes. 47:4

ngangan Sipanebu kai, Tuhan Sebaot oniNia, Sipululatsat, Taikamanuan Israel.

Jes. 47:6

Siburu mugolu le Aku ka sapaamianKu, Kupalolit bakkatKu, samba masiake sia ka kabeinu; tapoi ta anupuntuki sia baga, tapoi anukau le bairanen simakope sane ka simabaja.

Jes. 51:15

kalulut Aku te Tuhan, Taikamanuam, sipasigogotco bagat koat, bailiu purounangan lektuk onu Tuhan Sebaot oniNia.

Jes. 54:5

Kalulut sibailiu simanteunu iate Nia sibaraake ekeu, Tuhan Sebaot oniNia; sibailiu Sipanebui ekeu iate Sipululatsat, Taikamanuan Israel, Tuoniake le Nia Taikamanua ka sangaliot polak.

Jer. 10:12

Tuhan le' sipasigagalai polak ka gegeNia, sipasiririo polak ka agai paatuatNia, samba sipasinganganang manua ka agai paatuatNia.

Jer. 10:6

Ta'anai simakere kele Ekeu, ale Tuhan! Ekeu sita'puteterat, Mabeu Ekeu samba oniM mabau kalulut gegem.

Jer. 31:35

Kasene le' ngangan Tuhan, siake sulu masitiroiji sina'go, sipasiteteuake laggo samba panyanyat addeat masitoroiji sinoibo', sipasigogojou limun koat pat sangamberi lektuknia maonu, – Tuhan Sebaot, le' oniNia.

Jer. 32:18

Ekeu le' sipatoila' nuntut bagaM ka sipuriribu sirimanua samba sipasisisiliake puseselet ukkui ka tatogania siooi lepa geti. Ale Taikamanua siabeu samba simagege, oniM iate' Tuhan Sebaot,

Jer. 33:2

“Kasene le' ngangan Tuhan, sibaraake polak samba sipasigagalainia samba rioakenangannia – Tuhan iate oniNia –:

Jer. 46:18

Aku Taikamanua sipuririmanua, Aku rimata, Tuhan Sebaot. Ioi geti kele leleu Tabor sipaaili ka sangamberi leleu bagei, kele leleu Karmel siaili ka koat.

Jer. 50:34

Tapoi Aku sipanebui sia neda maron, Tuhan sebaot oniNia. Aku saraku le siropmake pakarora samba masiambit aban ka polak. Tapoi Kubabaraake le geti pulamaugat katubutda sipulalaggai ka Babel.”

Jer. 51:19

Taikamanuan Jakob ta' kele tularat bukku nenda; Nia sipasigagalai sangamberinia. OniNia iate Tuhan Sebaot; Ai bakkatingan Israel ibailiu paamianNia.

Sou. 3:24

Si Tuhan iate sarania le pukayoatku. Kalulut nenda, mukaronan le aku katubuNia.

Ams. 4:13

Aipoi bulatnia te', Nia sipasigagalai sangamberi leleu samba rusa, sipasipopoiliat ka sirimanua aponia pinaatuNia, sipasigagalai toro samba pugepgeman samba sipuenung ka sangamberi tinambu; Tuhan Taikamanua Sebaot, nenda te' oniNia.

Zakh. 2:12

Samba iala le' geti Jehuda si Tuhan bailiu bakkatNia ka polak sipunenan, samba Jerusalem ibailiu te geti laggai kilibet bagaNia.

5Mos. 32:9

Tapoi sapunuteteu Jakob nene ipili sia si Tuhan bailiu bakkatNia.