Jer. 10:10 - BUKO SIPUNENAN

¹⁰ Tapoi si Tuhan iate Taikamanua sineseat, Nia le' Taikamanua si puririmanua samba Rimata siataitatata'. Ngeungeu polak kalulut goluNia, samba sangamberi bangsa geti ta'raom goluNia.

Jer. 10:10 Iomraidhean Croise

1Mos. 21:33

Lepa urepnangan si Abraham sangaloina tamariska ka Barsyeba samba, iageti panindoginangan Tuhan, Taikamanua sitaimasususu'.

1Rim. 18:39

Kateteret araitconia siberikabaga pagalaiat nenda purekkukrangan ka polak kuarangan, “Tuhan nenda Taikamanua! Bulatnia le Tuhan nenda Taikamanua!”

1Rim. 8:60

bule sangamberi purimataat ka polak raagai, iate Tuhan le Taikamanua, taanai bagei.

1Taw. 29:11

Bulat abeu Ekeu, samba magege. Pulatsanan puririmanua angkat baga samba pubebeunan Ekeu sibakkatnia. Sangamberi apapa ka manua samba ka polak iate Ekeu sibakkatnia. Ekeu rimata sabeu, sikupkup sangamberinia.

2Taw. 15:3

Bulat maburu ta arapaguguletake tubutda tai Israel ka Taikamanua sibulatnia, taanai surukat sibailiu reddenenda samba taanai tai imam sigelaiake sia.

Job 9:6

singeungeuake polak ka kudduatnia, pat paguilaknangan ariginia.

PSALMEN 10:16

Tuhan iate Rimata kasanganantania teret buruburu. Siberikabaga sitaiagaiNia tata le ka polakNia.

PSALMEN 100:3

Agai kam, sarat Tuhan le Taikamanua; Nia le amasibaraake sita samba bakkat Nia le sita, paamianNia samba mungkuat biribiri jagoetNia.

PSALMEN 100:5

Aipoi simaeru le si Tuhan, riuriu katet bagaNia simariuriu teret buruburu, samba pubulananNia mariuriu mupaninikat.

PSALMEN 104:32

Nia masikinere bailiu pugeretnangan polak, sipasibekbek sangamberi leleu bailiu mukujuk.

PSALMEN 114:7

Kau ipugeret tubumui, ale polak, kamatat Tuhan, kamatat Taikamanuan Jakob,

PSALMEN 145:13

PurimataatNu iate purimataat ka sanganantat tetere samba pupaparentaM riuriu senen reddenan. Simatopit le si Tuhan kabagat sangamberi tiboietNia samba simasun riuriu katet baga ka bagat sangamberi galaietNia.

PSALMEN 146:6

Nia le sibaraake manua samba polak, koat samba sangamberi sibabara ka bagania; simariuriu topit teret buruburu,

PSALMEN 18:7

Kateteret ai aku kabagat taioi tubu, pugereikungan kai Tuhan, ka Taikamanuangku kupugerei masitiddou paroman. Arepnangan ngangangku ka umaNia, gereiku masitiddou penindogat katubuNia teret sege ka piu'Nia.

PSALMEN 29:10

Tuhan mukuddu ka uddut eba sabeu Tuhan mukuddu sibailiu Rimata teret buruburu.

PSALMEN 31:5

Belaake le aku ka jarik sigalaira sirimanua kaku, kalulut Ekeu le kudduat pukunenanku.

PSALMEN 42:2

Kele kiddina oinan simatsura kisedda te ketsatku ikiddi Ekeu, ale Taikamanua.

PSALMEN 68:11

bailiu mungkuat tarimeuNu mariuriu ikuddu sedda; ka bagat eruNu Nusunake purimanuaiatda sia pinaore, ale Taikamanua.

PSALMEN 68:8

Ale Taikamanua, kateteret Anuei pasaggak ka matat paamianNu, kateteret Anubakkouake rerem ka leleu simatangeu, S e l a

PSALMEN 74:12

Tapoi Ekeu le, ale Taikamanua iate Rimatakku barania ka siburu pei le, Ekeu le masigalai puaraugat ka polak.

PSALMEN 76:7

Kalulut ase'Nu, ale Taikamanuan Jakob, perep sipukukuro samba leu kuro'.

PSALMEN 76:8

Kalotoakenen le Ekeu! Kasei ioom murio ka mataM kateteret Nupugolu?

PSALMEN 77:18

Sangamberi tanai rusa masipiliake oinan, tanai rusa mugululuu, beringan siloguiNu sapaburut.

PSALMEN 84:2

Patenanam pukudduananNu, ale Tuhan Sebaot!

PSALMEN 9:8

Tapoi si Tuhan mukuddu le teret buruburu, kudduat purimataatNia Irioake addeat ienungake pasiukuman.

PSALMEN 90:11

Kasei siagai ronnia goluNu siseseake ngoingoi bagam bailiu maloto katubum?

PSALMEN 90:2

Kepei tusuruketake sangamberi leleu, samba tutu'tuake matat polak, beringan leu barania ka siburu teret buruburu Ekeu le Taikamanua

PSALMEN 93:2

uddenan purimataatNu murio barania peile siburu, barania ka siburu peile ai Ekeu.

PSALMEN 97:4

Sangamberi bilaNia masitoroiji polak, polak masiitconia samba mugeret tubu.

Jes. 37:17

Tongiake piuNu, ale Tuhan, samba arepmake; bukaake matam, ale Tuhan, samba itco; arepi le sangamberi tiboiet Sanherib siakenia bule ipaloloi Taikamanua sipuririmanua.

Jes. 37:4

Buleu aiarepman si Tuhan, Taikamanuam, sikuat utet sipasikeli lo sikoiniakenen rimata Asyur, tuannia, bule ipaloloi Taikamanua sipuririmanua, bailiu obanangan si tuhan, Taikamanuam, masikau ukuman kalulut sangamberi tiboiet siarepNia nenda. Oto kauan segeake panindogatnu addeatda sipulelegei sikukuddu sene.”

Jes. 40:15

Bulatnia te, sangamberi bangsa iate kele sangabaibai oinan kabagat seseilu samba tuaddeake kele sangaluiku abu ka pasikilo. Bulatnia te, sangamberi tobbou ta abelenia ka abu simaailit sanenia.

Jes. 40:28

Ta pa nuagai, samba ta pa anuarep? Tuhan iate Taikamanua simatom sibaraake polak barania ka tu'tu pat aili ka tu'tu; ta' masasaggo samba ta' masulei tubuNia, tamomoi tusinougi puaagaiNia.

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Jes. 65:16

bailiu sirimanua sipasisilo geti panukanan ka laggai masitiddou panukanan ka Taikamanua simariuriu topit, samba sirimanua sipususuppa ka laggai musuppa le geti ka Taikamanua simariuriu topit, kalulut puokkiman siburu atukalipogingan, samba amalipputan ka matakKu.”

Jer. 23:36

Tapoi Patonekat bairanen siaket Tuhan buian nukua minca, aipoi sibailiu bairanen ka senen sirimanua iate' tiboietnia sarania le', kalulut anupabailokngan kam sangamberi tiboiet Taikamanua sipuririmanua, Tuhan Sebaot, Taikamanuanta.

Jer. 4:2

Samna ke'bai musuppakam ka bagat topit, kabagat puroipoat samba kabagat pubulanan: Kise Tuhan sipuririrmanu!, iageti sangamberi bangsa pasukat le' geti sia katubuNia samba masiumun tubu katubuNia.”

Jer. 4:24

Kuitco le', ka paleleuleleu, tapoi mauilak; samba sangamberi leleu leu mangeungeu.

Jer. 50:46

Pungeungeunangan leu polak kalulut katuareman: Atuoppungan Babel; maarepnangan leu soura katalagat sangamberi bangsa!”

Jer. 51:29

Polak mungeungeu samba mugeret, kalulut pinaatut Tuhan pagalaiat Babel ai gagalaiake, iate masibailiuake laggai Babel ibailiunia kudduat simagarak taikukudduijiet sirimanua.

Dan. 4:3

Bulat mabeu le kiseiet sigalaiNia! Bulat magege le kerek sigalaiakenenNia! Ibailiu le geti Taikamanua rimata teret buruburu. Ka senen tetere Nia le tuteu.”

Dan. 4:34

Kateteret aitukapplu pitu ngarura nenda, teilakungan ka manua, lepa toili puaagaiku katubukku. Iageti kuumun le Taikamanua sipulubeunan. Kuumun samba kuabeuakeNia sipuririmanua sitaitatata nenda. “Taikamanua ibailiu te geti rimata teret buruburu. Ka sanganantat teteret Nia le tuteteu.

Dan. 6:26

Iageti kaunangan surat Rimata Darius ka sangamberi sirimanua ka sangaliot laggai, suku samba nganga, sikudduiji sangaliot polak, kise ngangania, “Bule ituppai riuriu puririmanuamui!

Dan. 6:27

Pasamba nene kuake surukat, ka sangaliot purimataat kupkumenku, sangamberi sirimanua buita rakalotoake samba rasuru Taikamanuan Daniel, Nia iate Taikamanua sipuririmanua teret buruburu, Nia le mupaparenta teret buruburu. Purimataatnia ta masususu. Gegenia ta sasappru.

Dan. 7:14

Lepa kaunangan katubunia gege samba pubebeunan sibailiu rimata, bailiu sangamberi sirimanua ka sangamberi laggai, suku samba nganga mupagugulet katubunia. Gegenia iate pubebeunan simatom samba sitaitatata. Purimataatnia iate sitaisasappru.

Jol. 2:11

Mugong le ngangan Tuhan, masiake katuaragat, katubudra saladduNia. Saladdunia maigi sia, samba maron sia masigalaiake sikoiniakenenNia! Bulat makope le lotota gogoi Tuhan, berisara sirimanua siooi masiomake.

Mik. 1:4

Paleleu leleu katakepnia kele' ianau lilin ilabonia obengan polak siibuijat tuguru' ka simapeleu, kele' oinan ipuguruk ka uddut tinambu ka repe'.

Nah. 1:5

Sangamberi leleu mugeret tubu ka mataNia; samba sangamberinia maanau. Ke' moi si Tuhan, pungeungeunangan polak, samba pugeretnangan tubutdra sangamberi sipulalaggai.

Nah. 1:6

Kasei pa' momoi masiomake ke' mugolu si Tuhan? Kasei pa siooi bela ka golu Nia? Lippatakenangan oloi goluNia gatca bukku bailiu abu kamataNia.

Hab. 3:10

Pangeungeunangan paleleu-leleu, masiitco Ekeu, kamanua bara urat kele sipiliakenen. Oinan ka tei polak ukku le ngangania, onunia sabeu sipatutut amurouan.

Hab. 3:6

Ke' muari Ekeu pungeungeunangan polak, ke' numattai bangsa-bangsa puattatrangan kalulut ge'ge'ra. Paleleu leleu siturere siburu gatca; patinambu-tinambu sipururura seddet. Ka patinambu-tinambu nenda te. Nupueenung barania ka siburu peile.

Malk. 3:2

Tapoi kasei momoi masiomake ka gogoi kaoijanan Tuhan samba ipatoila tubuNia? Aipoi makere le nia obengan siagai masipalina logam, samba kele sabun siagai manamtap bibilet.

Mat. 16:16

Aleginangan nia si Simon Petrus, “Kristus le ekeu, Togat Taikamanua sipuririmanua.”

Mat. 26:63

Tenan le meng Jesus. Kuanangan minca imam sabeu ka matania, “Ka onin Taikamanua sipuririmanua kutiddou kineneiget ka bagat suppa: kua le kamatamai, ele Kristus ekeu, Togat Taikamanua ele taa?”

Joh. 17:3

Nene le purimanuaiat sitaitatata: bule raagai ekeu saram le bulat Taikamanua, samba masiagai Jesus Kristus sikoiniakenennu.

Pugap. 14:15

“Ale, angoi nugagalai kam nene? Sirimanua le kai kele kam. Masipaarep Katuareman Simaeru ka kam le akuoi kai se, bule nugalakngake kam galajet siboboi nutoili kam ka Taikamanua sipuririmanua sibaraake manua samba polak, koat samba sangamberi sibabara ka bagania.

5Mos. 32:4

Tuhan siropmake ekeu simagege, simasappru eru sigalaiNia, samba maroipo sangamberi enunganNia. Taikamanuamui simariuriu topit, ta anai patajuat ka tubuNia, Nia masigalaiake simaeru samba sineseat.

5Mos. 5:26

Ai leu pa sirimanua simariuriu murimanua lepat aiarep aipanibo Taikamanua sipuririmanua ka bagat obengan?

1Tes. 1:9

Siangan le poi amasinunuake pagalaiat kipa sisilomui kai samba kipa kakaddiuakemui buluat toili ka Taikamanua masipuuku Taikamanua sipuririmanua samba sibulatnia,

1Tim. 1:17

Katuumun samba pulatsanan le ka Rimata sangamberi tetere, Taikamanua sisasara sitaitatata, sitaimaiitco, teret buruburu! Amen.

1Tim. 6:17

Nganturu sia simakayo ka polak nene, bui ramabuak paatuat, samba bui rapukaronan ka apa pa sitaimariuriu, kele pukayoat, Taikamanua le karoniet, sipasiaake ka sita sangamberinia ta anai gulai puuktungietta.

Ibr. 10:31

Bulat kalotoakenen te ke iorak sita kabei Taikamanua sipuririmanua.

Jos. 3:10

Kuangan minca si Josua: Barania kapagalaiat nene te' geti nuagaikamnia, Taikamanua sipuririmanua ai ka talagamui samba bulat sibulatnia Ialou geti tai Kanaan, tai Het, tai Hewi, tai Feris, tai Gergasi, tai Amori samba tai Jebus nenda sibara ka iponu:

1Joh. 5:20

Tapoi taagai kam, amoian Togat Taikamanua samba aiakean puaagai paatuat ka sita, bule taagai kam Taikamanua sibulatnia; samba ai le sita ka bagat Taikamanua sibulatnia, ka bagat Togatnia Jesus Kristus. Taikamanua sibulatnia le nia samba purimanuaiat sitaitatata.

Pamoil. 20:11

Lepa itcokungan sara uddenan purimataat sabeu simabulau samba nia sikuddu ka uddutnia. Oto polak samba manua apuru ka matania, taan atusese kudduatnia.

Pas. 5:4

Oi Tuhan, kateteret anutuitui baram ka Seir, samba nukaddiuake kupkumen laggai Edom, puuilaknangan polak, pukpuknangan leu manua, samba tanai rusa masipiliake oinannia.

1Sam. 17:26

Lepa kuanangan si David, “Bulat magegenia tai Filistin sipuarat bulungan nenda masiukkat saladdut Taikamanua sipuririmanua!” Iageti parerenangan katubut sara saladdu, “Aponia tukakau geti katubut sirimanua siooi masimateiake tai Filistin nenda samba masiposa paloloiat ka Israel?”

1Sam. 17:36

Akumateiakean singa samba beruang samba tai Filistin sipuarat bulungan nenda leu et makere geti sangamberi tarimeu nenda, kalulut magegenia masipaloloi saladdu sibara Taikamanua sipuririmanua.