Jer. 1:18 - BUKO SIPUNENAN

¹⁸ Pagalaiat Aku, bulatnia ka gogoi nene Kubailiuake le' ekeu laggai simaron, ibailiu arigi laba' samba ibailiu irip tembaga masisaggangi sangamberi laggai nene, masiasoli tai rimata Jehuda samba sikebbukat laggainia, masiasoli tai imamnia samba taikauman laggai nene.

Jer. 1:18 Iomraidhean Croise

Jes. 50:7

Tapoi Tuhan Taikamanua masiropake aku; kalulut nenda ta atupakaila aku. Kalulut kuronake le patuatku kele ron leleu simabulak kalulut kuagai, ta kusisilo geti puailaat.

Jer. 1:17

Tapoi ekeu nene, kau le' numatarek, suru samba segeake' le' katubutda sangamberi siparentaakenenKu katubum. Bui' numaloto katubutda samba bule' bui Kukau ekeu muloto kamatatda.

Jer. 1:19

Rasaggangi le' geti ekeu, tapoi ta' te' geti momoi rakalaake ekeu, aipoi Kupaalei le' ekeu addeat masibelaake' ekeu, kise te' tiboiet Tuhan.”

Jer. 15:10

Paan te' kaku, ale inangku, situ'tu'ake mataku, sara sirimanua sibailiu paukelat, samba pagolukat ka sangamberi laggai. Aku ta' sirimanua sipasiutakake ele sirimanua sipuutak katubut kasei pa', tapoi sia sangamberitda masipaloloi aku.

Jer. 15:20

Katubut bangsa nene Kubailiuake' le' geti ekeu, sibailiu kele irip laggai sibara tembaga; rasaggangi le geti ekeu, tapoi ta'momoi rakalaake ekeu, aipoi Kupaalei le' ekeu addeat masipaarau samba masibelaake ekeu, kise te' ngangan Tuhan.

Jer. 20:11

Tapoi ipaalei le' aku si Tuhan kele saladdu simagege, kalulut nenda sangamberi sirimanua sipasikukukru aku tusoksok bele le' samba ta'momoi ragalai aponia pa'. Bulat makope le' ailatda, aipoi ta'mariuriu pinaatutda, sara lolit teret buruburu tatukakalipogi!

Jer. 21:4

Kasene le' ngangan Tuhan, Taikamanuan Israel: Bulatnia te', Kutotoiliake le' geti palittei pasaggak siukkaakenenmui, sipakeimui pasaggak masisaggangi rimata Babel samba masisaggangi tai Kasdim sigoilikkam ka ujat irip; Kururuake le' geti nia ka laggai nene.

Jer. 26:24

Tapoi si Jeremia sakerinangannia si Ahikam togat Safan, bailiu ta'an atukaunia ka kabeira taikauma bule itumateiakenia.

Jer. 34:3

Samba ekeu leu ta'bebela ka kabeinia, tapoi tulaba samba tukau le ekeu ka kabeinia; nuitco le' geti rimata Babel sipamamatai mata samba manibo le' getinia katubum sipamamatai ngungu. Lepa geti ei ekeu ka Babel.

Jer. 37:7

“Kasene le' ngangan Tuhan Taikamanunan Israel. Katubut rimata Jehuda, sipasikokoiniakekam katubukKu addeat masitiddou enungan, bui tanukuakam kasene: Itco, saladdut Parao situtuitui bela addeat masiropmake kam toili geti sia ka laggaira, ka Misir.

Jer. 38:18

Tapoi ke'bai ta'nuoba tubum katubut saladdut rimatat Babel, iageti laggai nene tukau le' geti kakabira tai Kasdim sipasilalabonia pasamba obengan; samba ekeu leu ta'bebela kakabeira.”

Jer. 38:2

“Kanene le' ngangan Tuhan: Kasei sikuddu ka laggai nene matei geti kalulut lanjau, kalulut pulajeat samba besi' sipamamatei; tapoi kasei sibebela samba masikautubunia ka tai Kasdim, mariuriu le geti ipurimanua; engania geti raurauget samba mariuriu ipurimanua.

Jer. 42:22

Kalulut nenda, bulatnia lelekngake kam simakolou, mamatei le' geti kam kalulut lanjau, pulajeat samba besi sipamamatei ka kudduat simagamui addeat mukuddu sibailiu sirimanua siooiake sedda.”

Jer. 6:27

Akuakkatakean ekeu ka talagat paamianKu sibailiu sipasisibo, bui ta'nuagai kipa masilelekakenia, samba masisibo galai tubutda.

Joh. 1:42

Lepa ambitnangan nia ka Jesus. Kinerenangan nia Jesus, kuanangan, “Onim si Simon, togat Johannes. Tuooniakean le ekeu si Kepas.” (Kepas makere Petrus, tibonannia bulak.)

Pamoil. 3:12

Simamanang, kubabailiuake nia arigi ka Uman Sipunenan Taikamanuangku, taan bebela nia sedda; suratnakekungan ka tubunia onin Taikamanuangku, samba onin kotat Taikamanuangku, ia te Jerusalem sibau, situgogorosot sibara ka sorga, sibara ka Taikamanuangku, samba oningku sibau leu kususuratnake ka tubunia.