Jer. 1:17 - BUKO SIPUNENAN

¹⁷ Tapoi ekeu nene, kau le' numatarek, suru samba segeake' le' katubutda sangamberi siparentaakenenKu katubum. Bui' numaloto katubutda samba bule' bui Kukau ekeu muloto kamatatda.

Jer. 1:17 Iomraidhean Croise

1Rim. 18:46

Kateteret nenda si Elia bara puroronnia sibara katubut Tuhan. Purutakenangan jubania samba appraakenangannia ka pukabekatnia lepa pabalaunangan ipuboiki katubut Ahab ka sanganantat enungan pat aili ka matatbaliu gugurukat laggai Jizreel.

2Rim. 1:15

Kateteret nenda leu et kuanangan malaikat Tuhan kai Elia, “Bui' numaloto! Tut le nia baram ka leleu nene.” Kalulut nenda tuitui si Elia sambatda utet saladdu nenda raei kai rimata.

2Rim. 4:29

Iageti kuanangan si Elisa kai Gehazi, “Olaake! Ala tuturaku samba riuriuake nuei ka lalep ina nene. Bui' nupuari nukau paroroiat katubut kasei pa siailim ka enungan. Ke raake paroroiat sirimanua katubum, bui' nualeginia. Sege ekeu sedda kaunungan tuturaku nene katubut toga nenda.”

2Rim. 9:1

Iageti sogainangan sara katalagatda tai nabi si Elisa samba kuanangan katubunia, “Patarek tubum nuei ka Ramot ka Gilead samba ambitnungan buli-buli nene sibara ka baga tulat zaitun.

Job 38:3

Patarek tubum kele taimanteu! Kurerere' te ekeu, bule nupaagainia kaku.

2Mos. 3:12

Aleginangan Taikamanua, “Aku masiropake ekeu. Ke anuambitan tai Israel bela ka Misir, panindoumuian geti katubukKu ka leleu nene. Iate toggaiat kokoiniakeKu ekeu.”

2Mos. 7:2

Segeake katubut Aron sangamberi siparentaakenenKu katubum. Koiniakenungan si Aron masikua katubut rimata, buita iobaake si Parao tai Israel rakaddiuake laggai Misir.

Jer. 1:18

Pagalaiat Aku, bulatnia ka gogoi nene Kubailiuake le' ekeu laggai simaron, ibailiu arigi laba' samba ibailiu irip tembaga masisaggangi sangamberi laggai nene, masiasoli tai rimata Jehuda samba sikebbukat laggainia, masiasoli tai imamnia samba taikauman laggai nene.

Jer. 17:18

Eddangania sangamberi sirimanua sikukrua aku bailiu maaila, tapoi buian aku nene ibailiu maaila; eddangania ratuge'ge', tapoi buian aku tuge'ge'! Galai le' gogo pugejaat baga iorak sia, samba subuaake le sia pat sapru.

Jer. 23:28

Nabi sipangangamutet, eddangania ipungungunake pangamutetnia nenda, samba nabi sibakkati tiboietKu, eddangannia ipungunguake tiboietKu nenda simakolou! Aponia pa' patapinannia legei siperakat bera ka gandum? kise te' ngangan Tuhan.

Jer. 26:12

Tapoi kuanangan si Jeremia katubut sangamberi sautet laggai samba ka sangamberi taikauma nenda, kuanangannia: “Tuhan le' amasikoiniake aku bule tupatone pagalaiat uma samba laggai nene addeat masisegeake sangamberi tiboiet siarepimui nenda.

Jer. 26:2

Kasene le' ngangan Tuhan: “Purio' le' ka laibokat uman Tuhan samba kua le' katubutda sipulalaggai ka Jehuda siooi manindou ka uman Tuhan, sangamberi tiboiet siparentaakenKu segeakenennu katubutda. Bui nukibele' berisangatako'.

Jer. 36:8

Iageti basaakenangan si Barukh togat Neria sangamberi tiboiet Tuhan sibara ka buko nenda ka uman Tuhan, kele siparentaakenen Jeremia katubunia. –

Sou. 3:57

Malegre le Ekeu kateteret kusogai Ekeu, Kuanungan: “Bui numaloto!”

Jon. 3:2

Kuanangan: “Kenan ka Niniwe, laggai sabeu nenda samba segeake tiboietku kele sikuakku katubum.”

Luk. 12:35

“Kau imariuriu ituappara tengamui samba iputoro alitomui.

Pugap. 20:20

Ta anai akupakele sangamberi sibailiu katuerukatmui; sangamberinia le kusegeake ka kam, ele ka parurukat siberikabaga ele ka senen lalep.

Pugap. 20:27

Aipoi ta akupakele masisegeake sangamberi kiddiet bagat Taikamanua ka matamui.

1Kor. 9:16

Aipoi ke kupaarep Katuareman Simaeru, ta katuumunan tubuku, utakku le nene. Paan te kaku ke ta kupaarep Katuareman Simaeru.

1Tes. 2:2

Tapoi kenanen arapaoreian samba arapaloloian kai boiki ka Pilippi, kele siagaimui, tapoi aipaemengan kai Taikamanuanta masipaarep ka kam Katuareman Simaeru sibara ka Taikamanua ka bagat paukelat simasane.

1Ptr. 1:13

Oto patarek kam paatuatmui, mumata samba kau kam pukakaronanmui sangamuinenia ka kiliu baga panguruatnakenen ka kam ka teteret katutoilakat Jesus Kristus.