Jer. 1:14 - BUKO SIPUNENAN

¹⁴ Lepa kuanangan si Tuhan kaku: “Barania ka bare mugogolu te' geti pugejaat baga oraknangan sangamberi sipulaggai ka laggai nene.

Jer. 1:14 Iomraidhean Croise

Jes. 14:31

Pusou kam, ale matatbaliu sabeu! Pugerei kam, ale laggai! Puloto kam, ale sangamberi Filistea! Kalulut sibara ka isit bare atukaraian kujuk pasaggangan, samba moi mungkuat saladdu samba taanai sisoksok teiteinia.

Jes. 41:25

Akutubbuian sara sirimanua sibara ka bare samba amoiannia, ka isit ibela sulu Akusogaiannia ka oninia. Kele siagai mugalai pario' ipaperaki polak leleu, kisedda te nia ipaperaki sipuute kele loppak.

Jer. 10:22

Maarep le' sara katuareman, ngangania: Babara te' geti pulamaugat sabeu sibara ka polak ka isit ka bare', addeat masibailiuake sangamberi laggai Jehuda ibailiu matangeu, ibailiu le' kudduat pulippunan sangamberi jo'jot leleu.

Jer. 11:17

Tuhan Sebaot, sigalai eku mutu'tu', aiteuakean pugejaat baga ka tubum kalulut pukakatai sigalai muntogat Israel samba muntogat Jehuda sibaraake besit paatuatKu pasamba masilabo buluakenen katubut Baal.”

Jer. 25:9

bulatnia te', Kusogai le' geti sangamberi muntogat sibara ka Bare – kise te' ngangan Tuhan – masikoiniake masisogai si Nebukadnezar, rimta Babel, paguguletKu nenda; Kusosogai le' sia masisaggangi laggai nene, masisaggangi sikudduijinia samba masisaggangi sangamberi bangsa kabebenia nene, Kususubuaake le' geti samba Kugalai ibailiu kalotoakenen, ibailiu paloloiet samba ibailiu simagarak teret buruburu.

Jer. 31:8

Bulatnia te, Kuaambit le' geti sia baratra ka polak ka bare' samba turururuake le' geti sia barania ka tutut polak; ka talagatra ai sirimanua simapeset samba simasakit, ia tainanalep sipususuruket pasamba parurukat sipususule'; kabagat mungkuat sabeu toili le' geti sia minca sene!

Jer. 4:6

Akkatnake toggaiat ka ipo Sion! Olaake mujaujau, bui nupumengmeng kam! Aipoi Kubarake le' paoret sibara ka bare' samba kakakatai sabeu.

Jer. 46:20

Misir kele togat jaui simamomo', tapoi igeugeu le nia silimong sibara ka bare'

Jer. 47:2

Kise le ngangan Tuhan: Itco, ipuguruk oinan sibara ka bare' ibailiu bagat oinan sipasiebaiji, iebaiji laggai samba bagania, laggai samba silaggaijinia. Mugegerei te' sirimanua samba mugegeri te' sangamberi silaggaiji laggai.

Jer. 50:41

Itco pei, sara bangsa moi geti sibara ka bare', sara suku bangsa sabeu, samba maigi rimata masigaja geti tubunia mei baratra ka tutut polak.

Jer. 50:9

Aipoi bulatnia te, Kukokoiniake le samba Kususuruake le sangamungkuat taukauma simigi sibara ka bare bule rasaggangi Babel. Pakudduranan pueenungra addeat masisaggani Babel, samba masikalaakenia. Sia iate simaorak mupana samba rapanaake siloguira tatusasabau.

Jer. 6:1

Tuitui le' mujaujau, ale tai Benjamin, sibara katalagat Jerusalem! Ulup le' pipiau ka Tekoa, samba sakaiake le' kujuk sibailiu toggaiat ka Bet-Kerem! Aipoi pugejaat baga amasitaikongan barania ka bare', iate sara katukataikat sabeu.

Jer. 6:22

Kasene le' ngangan Tuhan: “Bulatnia te' sara bangsa momoi sibara ka laggai isit ka bare', sara suku bangsa sabeu masigaja' tubu mei baratda ka tutut polak.

Jehz. 1:4

Lepa geti itcokungannia, bulatnia, muboroi le rusa talabari sibara ka bare, samba masiambit sangarurukat tanai rusa sabeu pasamba obengan sipukikinam samba tanai rusa nenda aigogoiliknia toro; kabaga, katalagat obengan nenda matoila kele perunggu simakirisau.

Jehz. 24:3

Tiboake sara pasikat ka muntogat simakela patuat samba kua katubutda: Kise te tiboiet Tuhan Taikamanua: Galakngake koali ka uddut obengan, galakngake, samba uruake leu oinan kabagania;

Jol. 2:20

Kutuituiake le saladdut sit sibara ka bare', bagei leu kualou ka su'su simangai. Ka koat simamatei kukoiniake' raipoake' enungandra isit kamata, ka laut Tengah Kutukluake sipueenung isit kateitei. Mabutenangan leu tolatda. Kusubuake le sia kalulut arapaoreiji kam.

Zakh. 6:6

Kereta pasaggak girinen kuro simapusu masiailiake Babilonia ka bare. Kuro simabulau masialiake ka sikaleleu samba kuro simagurik masiailiake ka kaiaman.”