Jer. 1:10 - BUKO SIPUNENAN

¹⁰ Agai le' ka gogoi nene Kuuddetnake ekeu ka sangamberi bangsa samba sangamberi purimataat addeat masiburau samba masibukkatnake, masipakatai samba masiguiluake, addeat masigalai samba masiurep.”

Jer. 1:10 Iomraidhean Croise

1Rim. 17:1

Ai sara nabi sipuoni Elia sibara ka Tisbe, sara laggai ka kupkumen laggai Gilead. Ka sara gogoi einia ka Rimata Ahab samba kuanangan, “Ka onin Tuhan Sipuririmanua, Taikamanua panindogietda tai Israel samba pasikelietku, kupaagainia katubum, kabagat piga ngarura pa sibabara taan babara tinobut samba urat beri goiso, teret kukuania minca.”

1Rim. 19:17

Kasei ta aimateiake si Hazael, mateiakenangan sia si Jehu, samba sia sibebela katubut Jehu mateiakenangan sia si Elisa.

Sip. 3:3

Ai tetere masimatei, ai tetere masialeake; ai tetere masiragat, ai tetere masigalai;

Jer. 1:5

“Kepei Kugalai ekeu ka suruket inam, Akuagaian ekeu, kepei mutu'tu matam, Aku sausauan samba Aku pusipunenanakeaan eku, Aku uddetnakean ekeu sibailiu nabi ka sangamberi bangsa.”

Jer. 24:6

Iageti Kuipoake le' mataKu katubutda addeat pueerura, samba Kuambit le' geti sia toili minca ka laggai nene. Kurioake geti sia, ta' masibukkatnakenia; Kuurep le' geti, ta' masiburaunia.

Jer. 25:13

Kusaksakngake le' ka laggai nene sangamberi aponia sikuaKu pagalaiat nia, iate sangamberi aponia sitususurat kabagat buko nene seperti sipatonet Jeremia pagalaiat sangamberi bangsa nenda.

Jer. 31:28

Iageti kele siboiki Akujago sia, masiburau, samba masibukkatnake, masiibuake samba masipakatai samba masisubuake samba masib esiki kisedda te Kujago sia geti addeat masigalai samba mangurep, kise te' ngagan Tuhan.

Jer. 31:40

Samba sangamberi peleu nenda, pasamba tubu simamatei samba abunia, samba sangamberi polak ka bebet bagat oinan Kidron teret ka Taiming Matatbaliu Gugurukat Kuro ka isit kabelaiat sulu, ibailiu sipunenan kai Tuhan. Ta'an rapapabubukat ele rapapakakatai minca sirimanua sedda teret buruburu.”

Jer. 36:2

“Ala le' buko pupurunan samba suratnake kabagania senengamata tiboiet sinegeakenenKu katubum pagalaiat Israel, Jehuda samba sangamberi bangsa, barania kapanandat Akupanibo katubum iate barania ka puparentaat rimata Josia teret gogoi nene.

Jer. 44:27

Kubebesiake le' bule nupangorik kam samba ta' masipuangkaki baga kam, teret numatei kam sangamberimui, kapasaggangan ele kalulut pulajeat.

Jer. 45:4

Ale Barukh! Ngangan Tuhan, bulatnia kupakakatai le sigalauKu, samba siurepKu, Kububurau le. Sangamberi laggai leu kisedda Kugagalai.

Jehz. 21:19

“Ale togat sirimanua, tularani rua enungan enungien lanjau rimata Babel; ka ruania barania ka sara laggai. Galai sara lappri pasisau'sau enungan ka matat enungan siailiake ka senesenen laggai.

Jehz. 23:36

Iageti panibonangan si Tuhan katubukku: “Ale togat sirimanua, nuoba leu masiukum si Ohola samba si Oholiba samba nupaagai katubutda sigalaiakenenda sikatai?

Jehz. 32:18

“Ale togat sirimanua, paarepake sara sougeri, ekeu pasamba tainanalep bangsa simaagai, pagalaiat sirimanua simigi ka Misir samba gorosotake sia ka polak bulat ka tei raailiake situgogorosot ka ngaliu ratei.

Jehz. 36:36

Sangamberi bangsa sipukukuddu, sibabara ka be'bemui raagai le geti, Aku te' Tuhan, sipasigagalai minca simakakatai samba sipasiurep minca polak simagarak. Aku, Tuhan, sipasikukua samba masigagalai.

Jehz. 43:3

Siitcoku iate kele siitcoku kateteret kaoijananNia masisubuake laggai nenda samba kele siitcoku ka be'bet bagat oinan Kebar, oto purekkukkungan.

Hos. 6:5

Iate lulunia Kukokoiniake tai nabiKu addeat masisegeake ka tubumui siteuakenenKu aipoi kam bulat tuukum le samba tumateiake. KiddietKu ka tubumui amakolouan.

Ams. 3:7

Bulatnia, Tuhan Taikamanua ta'aigalaiake aponia pa' ke' ta'aipatoila' siteuakenenNia katubutda sangamberi sapaguguletNia, tai nabi.

Ams. 9:11

“Ka gogoi nenda Kuririoake le' geti minca sapou David simabubukkat; Kutatabbo le' geti rupinia simararagat, samba masirioake minca siragatatnia; Kugagalai le' minca simakere' kele' siburu';

Zakh. 1:6

Katubutda tai nabi sapaguguletKu sipuboiki, Akusegeakean sangamberi parenta samba paasekatKu ka tubutdra taikebbukatmui. Tapoi ta rapuletcei bailiunangan bui ta rabairat ukum siripot taimaletceira. Iapei oleinangan bagatdra samba seseakerangannia, Aku, Tuhan Sipulugege amasiukumake sia simateu ka puseleatdra samba kele siripot siteuakenenKu.”