Jak. 4:6 - BUKO SIPUNENAN

⁶ Tapoi abeu pei le kiliu baga sipanguruatnakenennia ka sita. Ia te lulunia aikua Surat Sipunenan, “Isasaggangi Taikamanua le simabuak paatuat, simaepe paatuat geti ikikiliu le.”

Jak. 4:6 Iomraidhean Croise

2Taw. 32:26

Tapoi kalepakatnia si Hizkia samba sangamberi tai Jerusalem bauakeragan patuatda, bailiu ka burunia purimanuaiat Hizkia ukuman nenda ta atuenungake.

2Taw. 33:12

Kabagat pangoringannia nenda, bauakenangan patuatnia katubut Tuhan Taikamanuania, manindou itiddou paromanNia.

2Taw. 33:19

Kabagat buko Pungunguan Pagalaiat tai Nabi atusuratakean leu panindogat Manasye, alegiat Taikamanua ka panindogatnia nenda samba leu pagalaiat sangamberi jonia kepei ibauake patuatnia. Kabagat buko nenda leu atusurat sangamberi kudduat pasibuluijiat sabulungan tularat Asyera sigalainia samba leu sangamberi bulungan panindogietnia.

2Taw. 33:23

Tapoi si Amon, ta kele ukkuinia, si Manasye, taaibauake patuatnia samba ta atoilinia katubut Tuhan; tapoi amakope le jonia, bele peile jot ukkuinia.

2Taw. 34:27

oleinangan bagam samba bauakenungan patuatnu katubukKu. Akuteuakean masiukum Jerusalem samba silaggaijinia, tapoi kateteret anuarep pagalaiat siteuakenenKu nenda pusounungan samba biritakenungan leppeinu toggaiat reureu bagam. Akuarepan panindogatnu,

Job 22:29

Kalulut Taikamanua masiepeake sirimanua simabuak patuat, tapoi simaepe patuat tuarauake.

PSALMEN 138:6

Mabuak le si Tuhan nenda, tapoi iitco le sirimanua sigoiso, samba iagai sirimanua simabuak paatuat barania ka sareunan.

PSALMEN 9:12

Umun le si Tuhan, sikukuddu ka Sion! Paagai le sigalaiNia katalagat siberikabaga!

2Mos. 18:11

Kineneiget akuagaian, si Tuhan peile sabeu ka sangamberi taikamanua bagei, kalulut aigalaiake sangamberi nenda, kateteret tai Misir ragalai siobat bagadda katubutda tai Israel.”

Pangt. 15:33

Loto katubut Tuhan iate nganturat sibaraake sikut patuat, samba epet patutat sisabau puaabeu.

Pangt. 18:12

Buak patuat muboiki le nia ka katukataikat, tapoi sirimanua simaepe patuat tuabeuake le.

Pangt. 22:4

Epet patuat samba reddet katubut Tuhan, iate pukaioat, puaabeu samba purimanuaiat.

Pangt. 29:23

Pubuangan patuat masiputata sirimanua, tapoi sirimanua simaepe patuat, masisilo katuumunan.

Pangt. 3:34

Ke iaili sirimanua sioba paloloi, oto nia leu et paloloinangan, tapoi kudduatda sirimanua ipanukani le si Tuhan.

Jes. 2:17

Sirimanua simabuak patuat tuepeake le geti ka gogoi nenda.

Jes. 54:7

Sangapeipeikat mata le burunia Akukaddiuake ekeu, tapoi kalulut nuntut bagakKu sabeu alakungan ekeu minca.

Jes. 57:15

Kalulut kise te tiboiet Sipulugege samba Sipululatsat, sikuddu teret buruburu samba Sipululatsat oniNia: “Mukuddu le Aku ka kudduat simabuak samba ka kudduat sipunenan tapoi sambamai leu sirimanua sipangongorik simaepe patuat, samba masirimanuaake ron patuatda simaepe patuat samba masirimanua patuatda sipangongorik.

Dan. 4:37

Oto kineneiget aku, Nebukadnezar, masiumun, masiabeuake samba masilatsatnake Rimata ka Manua. Sangamberi sigalaiNia sineseat samba maroipo, samba Nia momoi iepeake sirimanua sigalaiake pubuangan patuat.

Mat. 13:12

Ka kasei poi ai, tukakau pei le ka sia ipulegei; ka si ta anai geti, tuaala pei le sibabara ka tubunia isappuru.

Mat. 23:12

Kasei siabeuake tubuna tupagogoiso le nia, samba kasei sipagoiso tubuna tuaabeuake le nia.”

Luk. 1:52

Tai rimata simagege itukkuluake ka uddenanda, sirimanua sigoiso tiboi tubu iabeuake.

Luk. 14:11

Aipoi kasei siabeuake tubuna tupagogoiso le nia, samba kasei sipagoiso tubuna tuaabeuake le nia.”

Luk. 18:14

Kukua nia ka matamui: Sipuuku cukai le aiparoipo Taikamanua aitoili ka lalepnia, ta si Parisena. Aipoi siabeuake tubuna tupagogoiso le nia, samba sipagoiso tubuna tuaabeuake le nia.”

Jak. 4:10

Paepe kam tubumui ka matat Tuhan, buakngakenangan kam geti.

1Ptr. 5:5

Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”

1Sam. 2:3

Ariake le putitiboatnu sita'paluluat! Lepaake mubuak titiboat! Kalulut Tuhan nenda Taikamanua siagai sangamberinia sipasiukum sangamberi sirimanua siripot sigalaiakenennia.