Jak. 4:5 - BUKO SIPUNENAN

⁵ Ele ka bagamui siboboi le sikuat Surat Sipunenan, “Ketsat sikudduakenen Taikamanua ka bagata, maron puoobania.”

Jak. 4:5 Iomraidhean Croise

1Mos. 26:14

Tai Filistin matutu baga le katubunia kalulut maigi paguguletnia, mungkuat biribiri samba jaui.

1Mos. 30:1

Tapoi si Rahel ta'pei leu abara togania. Lulut nenda bailiu matu'tu bagania katubut kebbunia, iageti kuanangan kai Jakob, “Akean kaku toga, ke'taa, matei te geti aku.”

1Mos. 37:11

Sangamberi sakebbu Josep musisibaga katubunia, tapoi ukkuinia riuriu le ipaatu pangamutet nenda.

1Mos. 38:9

Tapoi si Onan iagai, tatogania lepa geti ta'ibailiu bakkatnia. Oto, senen iamiake iperemi palumangakenen kebbunia nenda, iobaake le imalimai suat tubunia, bule bui ibara tuppai tubut kebbunia.

1Mos. 6:5

Si Tuhan masitco kopet katainia sirimanua ka polak; sangamberi patuatra sarat makatai.

1Mos. 8:21

Singin tubut panguruatnakenen buluakenen nenda masiangkaake bagat Tuhan, samba Ikua kapaatuat, “Taan Kutetelei geti polak nene kalulut galaitubut sirimanua; Akuagaian, kateteret bau tubunia, paatuat sirimanua nenda makatai. Taan Kususubuake geti minca sangamberi sipungongoingoi kele sigalaiKu simaruei nene.

PSALMEN 106:16

Matutu le bagatda kai Mose ka pusapougat, samba kai Aron, sirimanua sipunenan Tuhan.

PSALMEN 37:1

Sibara kai David. Bui nupugolu ka sirimanua sikatai, bui numasi'si baga ka sirimanua sigalai patajuat;

Pangt. 21:10

Patuatda sirimanua sikatai sarat masikiddi sikatai, taanai katet bagania katubut saaleinia.

Sip. 4:4

Samba itcokungan senengamata besit tubu samba senengamata puaagai kabagat galajet iate si'sit baga ka sabagei. Nene leu siboboi samba galajet masijarik rusa.

Jes. 11:13

Pututuat bagat Efraim tusabau le geti samba siokkip Jehuda sappru le geti. Efraim geti taan mutututu baga minca ka tai Jehuda samba tai Jehuda geti taan raokkip minca tai Efraim.

4Mos. 11:29

Tapoi kuanangan si Mose katubunia: “Bulatnia leu pa' maron patuatnu masisopo aku? Ke' sangamberi paamian Tuhan ibailiu nabi, kalulut akena si Tuhan ketsatNia tuleu katubutda!”

4Mos. 23:19

Taikamanua ta kele sirimanua simalabbei iolei baga samba ioba paboko. Ke Taikamanua masigalai palelengan, bulat igagalaiake le! Ke maniboNia, bulatnia muririuriu! le!

Joh. 10:35

Ke muoni sia ‘taikamanua’ sipaninilo tiboiet Taikamanua – aipoi Surat Sipunenan ta momoi tupakatai –,

Joh. 19:37

Ai leu ruang bagei sipasikukua, “Raiitco leu gati nia sipununda.”

Joh. 7:42

Ta aikuangan Surat Sipunenan, ka punuteteu David, ka laggai Betlehem, laggai David le kabaraiat Kristus?”

Pugap. 7:9

Kalulut sisit bagada taikebbukatta kai Josep, sakiakerangan nia ka Misir. Tapoi aipaalei le nia Taikamanua,

ROMA 1:29

Sun le ka paatuatda sangamberi pukoilunan, pukakatai, alau baga samba katai baga; sun sisit baga, pamamatei, pajoggolat, patajuat, lagat baga. Raoba masitiboi

ROMA 9:17

Aipoi aikua Surat Sipunenan kai Parao: “Ia te lulunia akurioake ekeu, bule kupatoila gegeku ka tubum, samba bule itupaarep oningku ka sangalio polak.”

1Kor. 6:19

Ele ta pa nuagai kam, tubumui ia te uman Ketsat Sipunenan sikuddu ka bagamui, Ketsat Sipunenan sinilomui ka Taikamanua, – samba kam, ta kam sibakkat tubumui?

2Kor. 6:16

Apa patabbarat Uman Taikamanua ka buluat? Aipoi sita te uman Taikamanua sipuririmanua, siripot sikuat Taikamanua nene, “Ka talagada le geti kukukuddu samba murimanua, samba bailiu aku Taikamanuanda, samba sia bailiu bangsaku.

Gal. 3:8

Samba Surat Sipunenan sipasiaagai kirenangan paroroipona bangsa bagei Taikamanua kalulut tonem baga, amuboikian aisegeake Katuareman Simaeru kai Abraham, “Kalulut ekeu tupanukani sangamberi bangsa.”

Tit. 3:3

Aipoi sita leu siburu sitaiagai paatuat le, sitaimareddet, simapepepe, bailiu pagugulet ka sene ngamata pubotbonan samba siobat tubu, murimanua ka bagat pukataikat samba sisit baga, kasitsitnakenen, palaga baga pasasamba.