Jak. 4:4 - BUKO SIPUNENAN

⁴ Kam sipaeelet! Ta nuagai kam, pasuruangan ka taikapolak nene, pasaggangan ka Taikamanua le? Oto kasei sibailiuake tubunia suruak taikapolak nene, aibailiuakean tubunia saggak Taikamanua.

Jak. 4:4 Iomraidhean Croise

1Mos. 3:15

Ekeu samba sinanalep nenda palaga baga le geti kam. Punuteteunia samba punuteteunu pasasaggak le geti. Punuteteunia masipeperak geti utenu samba nusoson le geti bukkutrerenia.”

PSALMEN 21:8

Aipoi rimata matonem bagania kai Tuhan, kalulut pukatekat baga sabau maronnangan.

PSALMEN 50:18

Ke nuitco sipananangkou, paaleinungannia, samba masipaalei sipaeelet.

PSALMEN 73:27

Aipoi sibulatnia, kasei situaareu geti ka tubuM subu'; Nusubuake le sangamberi sirimanua, sitaimatopit katubuM.

Jes. 57:3

Tapoi kam, legreake kam sene, ale tatoga sibara ka tainanalep simatawa ale muntogat sirimanua sipaelet samba sinanalep simaolop tubu!

Jer. 2:2

“Kenan masipaagai ka sipulalaggai ka Jerusalem samba kua: Kise le tiboiet Tuhan: Kurepdep le' nuntut bagam kateteret mabau pei le tubum, kapunununtut bagam kateteret ai bailiu ekeu siputatalimou, kipa nutut Aku kasimatangeu, ka laggai sita'anai siuremannia.

Jer. 9:2

Ke'bai kasimatangeu ai kudduat pugogoiat addeat sangamberi sirimanua kabagat puenungan, Iageti kaddiuakekungan leu bangsaku, samba tuareu katubutda! Aipoi sia sangamberitda iate sirimanua sipaelet le', sara parurukatda sangamberi sirimanua sitaimatopit,

Jehz. 16:32

Ale sikalalep sipaelet, silakkaiake sirimanua sabagei sailit simanteunia.

Hos. 3:1

Kuanangan si Tuhan katubukku, “Kenan minca pununtuki baga sara sinanalep sioba paelet. Pununtukinia baga kele Kupununtuki baga tai-Isrsel kenanen rakakaddiuake Aku samba rapanindogi taikamanua bagei samba leu raoba masipanguruatake kue kismis katubutda sabulungan.”

Mat. 12:39

Alegina le nia Jesus, “Reddenan sikatai samba sipaeelet nene masitiddou kerek; ta tukakau kerek ka sia, katuaggaiat nabi Jona le tukakau ka sia.

Mat. 16:4

Reddenan sikatai samba sipaeelet nene masitiddou kerek. Ta tukakau kerek ka sia, toggaiat nabi Jona le tukakau.” Lepa kaddiuakenangan sia Jesus tui nia.

Mat. 6:24

“Ta anai beri sara sirimanua momoi ipuuku rua tuan. Ta isosoppi ipulagaki baga sisara, ipununtuki baga sisara. Ele marere nia ka sisara, maasa bagania ka sisara. Ta momoi nupuuku kam Taikamanua samba pukayoat.”

Luk. 19:27

Oto sangamberi saggakku sitaioba masipurimata aku ambit kam sia sene, mateiake kam sia ka mataku!’ ”

Joh. 15:19

Ke ka polak bai anubara kam, makate bagada ka kam taikapolak, aleira poi kam. Tapoi kalulut taan sibara ka polak kam, akupilingan poi kam ka taikapolak, ia te imalalaga bagada ka tubumui taikapolak.

Joh. 17:14

Akukauan ka sia tiboietnu; malaga le bagada taikapolak ka tubuda, ta poi sibara ka polak sia, keleu aku ta sibara ka polak.

Joh. 7:7

Ta malaga bagada ka tubumui taikapolak, ka tubuku geti malaga bagada, aipoi kumunengake le galai tubuda, sikatai le poi galajetda.

ROMA 5:10

Aipoi ke ka teteret saggak pei le sita apaabanan sita ka Taikamanua kalulut kamateiat Togania, sara pei kineneiget sita siabanakenennia, bulat iaarauake kalulut purimanuaiat Kristus.

ROMA 8:7

Oto pupaatuanan akkula, ia te pasaggangan ka Taikamanua, aipoi ta mususum nia ka Surukat Taikamanua; ta poi momoi igalaiake nia.

1Kor. 1:20

Kaipa sia simasiku paatuat? Kaipa sia siagaisurat? Kaipa sia sioba pajoggolo ka polak nene? Ta aibailiuakean Taikamanua pusikuat polak nene bailiu putaiagaiat paatuat?

1Kor. 1:21

Kalulut sikut paatuat Taikamanua, ta momoi raagai Taikamanua taikapolak ka sikut paatuatda, obanangan Taikamanua iarauake simatonem baga kalulut ngantoman Katuareman Simaeru addeakenenda taikapolak putaiagaiat paatuat.

Gal. 1:10

Siobat bagat sirimanua pa kugagaba kineneiget, ele siobat bagat Taikamanua? Ele masiala bagat sirimanua pa kugagaba? Ke masiala bagat sirimanua bai kugaba, oto ta pagugulet Kristus aku.

Jak. 1:27

Puaarat simalina samba si ta loloiet ka matat Taikamanua Ukkuita, ia te: masibalou sipululusai siputataina samba sipululumang ka bagat gejat bagada, samba masijago tubu bui ilolitnake nia polak nene.