Jak. 4:3 - BUKO SIPUNENAN

³ Ele kenanen manindou leu kam, tapoi ta nusisilo kam apa pa, kalulut masele panindogatmui; aipoi sinindoumui nenda, ka pubotbonan tubumui le nusasappuruake kam nia.

Jak. 4:3 Iomraidhean Croise

1Rim. 3:11

samba kuanangan katubunia, “Kalulut anutiddou poi sikut patuat mupaneinei kabagat katuroipoat, ta burut puririmanua, pukayoatnu samba kamateiat sangamberit saggaknu,

Job 35:12

Kateteret rapukatci sirimanua, tapoi ta aialegi, kalulut pubuangan patuatda sirimanua sikatai.

PSALMEN 18:41

Nugalai le saggakku ratuitui ka tubukku, sangamberi sirimanua simalaga baga kaku kusubuake.

Pangt. 1:28

Kateteret nenda pusogamuian geti katubukku, tapoi ta akualegi besiakemuian geti nugaba aku tapoi ta anusesese aku.

Pangt. 15:8

Isilo le si Tuhan panindogatda sirimanua simatopit, tapoi malaga le bagaNia panguruatda sirimanua sikatai.

Pangt. 21:13

Kasei masipetpet talinga ka pangoringanda simagulai tubu, ta tupasisikelinia ke itiddou paroman.

Pangt. 21:27

Ta ioba si Tuhan panguruatda sirimanua sikatai, sarapei ke tupanguruatake kapinatu sikatai.

Jer. 11:11

Kalulut nenda kasenen le ngangan Tuhan: Bulatnia te', Kubabaraake le' katubutda pugejaat baga sitaioi tuta'ta'ake, samba ke'bai mugerei sia katubukKu, ta' Kuaarepi geti sia.

Jer. 11:14

Tapoi Ekeu, bui nupanindou ka bangsa nene samba ba' sesegeake paroman samba panindougat ka sia, aipoi ta'Kuaarepi geti kateteret rapusoga katubukKu kalulut pugejaat bagatda.

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Mik. 3:4

Ai leu teterenia nupugereikam masitiddou paroman kai Tuhan, tapoi ta aialegi kam. Taan iarepi panindogatmui, kalulut anugalaian kam sikatai.

Zakh. 7:13

Kalulut nenda, taakualegi panindogatdra, aipoi taraarepmake Kupanibo.

Mat. 20:22

Kuanangan ka matada Jesus, “Ta nuagai kam tiddogetmui. Momoi pa nulo kam ka pulokat pangoringan loketku?” Kuarangan ka matania, “Momoi.”

Mrk. 10:38

Kuanangan ka matada Jesus, “Ta nuagai kam tiddogetmui. Momoi pa nulo kam ka pulokat pangoringan loketku? Ele momoi pa turau kam pasiraukat rauakenen ka tubuku?”

Luk. 11:10

Aipoi senen sipaninindou, masisisilo samba sipasigagaba, masisesese samba sipasiluluuluu, tububukaake ka sia matatbaliu.

Luk. 15:13

Ta amauju, sakiakenangan sangamberi bibilet rubeiatnia sisule nenda, tui nia ka laggai ka sareunan. Sedda sappuruakenangan pukayoatnia muparaboat sikatai.

Luk. 15:30

Tapoi kele aitoili togam sisappuruake bibiletnu ka puoloman tubunia, jajanungan ka sia togat jaui simamomo.’

Jak. 4:1

Kaipa kabaraiatnia pasaggangan samba pagolukat ka talagamui? Ta pa sibara ka pubotbonan sipauukele ka bagat tubumui?

1Joh. 3:22

samba apa le tatiddou samba apa le tatiddou, tasisilo sibara ka tubunia, kalulut tareddet surukatnia samba tagalaiake obaket bagania.

1Joh. 5:14

Nene te emen bagata ka Taikamanua, iaarepi panindogatta ke tatiddou apa pa ka tubunia siripot teu bagania.