Jak. 4:2 - BUKO SIPUNENAN

² Ainubebesiake kam, tapoi ta babara, lepa pasimateimuian. Mututu kam baga, tapoi ta sesege kam ka besiakenenmui, lepa pajoggolomuian samba pagolumuian. Ta babara apa pa ka kam, kalulut ta maninindou kam.

Jak. 4:2 Iomraidhean Croise

1Rim. 21:6

Aleginangannia si Ahab, “Ta' mangka bagakku katubut Nabot, tai Jizreel. Akutiddou katubunia bule isakiake monen anggurnia katubukku, ele kusailinia pasamba monen anggur bagei, ke nenda le simakiddi ka bagania, tapoi ta ioba!”

Pangt. 1:19

Kisedda te kalepakat purimanuaiatda simaalau baga sibara kapuuktungan sitaimaroipo, sipasiala engan sirimanua ka enungan sikatai.

Sip. 4:8

ai sirimanua sipusasara, taanai tatogania taimanteu ele sarainania taimanteu, samba ta muaari isaggoiji tubunia, matania leu ta sesege ka pukaioat; – kasei uktuk kusasaggoiji tubukku samba kukera pusanangan? – Nene leu siboboi samba pubesikat tubuM.

Jes. 7:12

Tapoi aleginangannia si Ahas, “Ta koba masitiddou, ta koba masisibo si Tuhan.”

Hab. 2:5

Pukayoat nenda mareirei ipajo sirimanua. Sirimanua simaalau baga nenda mabuak patuat samba ta'masege bagadra. Kele kamateiat sitaisesege baga, bailiunangan sene-senen bangsa pakominangannia.

Joh. 16:24

Teret kise tapei anutiddou kam apa pa ka oningku. Tiddou kam, nusilo kam nia, bule isun angkat bagamui.”

Joh. 4:10

Aleginangan nia Jesus, “Ke nuagai bai panguruat Taikamanua, samba kasei sikua ka matam, ake kaku loku, ta isosoppi nupanindogi nia, akenangan kekeu oinan sipuririmanua.”

Jak. 1:5

Ke ai ka talagamui simagulai sikut paatuat, kau itiddou nia ka Taikamanua, – sipasikakau ka sangamberi sirimanua ka anggai bagania samba ta iaatsiake –, ta isosoppi ikau nia ka tubunia.

Jak. 5:6

Nuukum kam samba numateiake kam sirimanua simaroipo; ta ralawan kam.

1Joh. 3:15

Senen simalaga baga ka sarainania, simateiake sirimanua le nia. Samba nuagai kam, senen simateiake sirimanua, ta anai ka tubunia purimanuaiat sitaitatata.