Jak. 2:5 - BUKO SIPUNENAN

⁵ Arep kam sasarainangku kilibet baga! Ta aipilingan Taikamanua sia simageba ka polak nene ramakayo ka bagat tonem baga, samba bailiu sipasiikep purimataat sinibalaakenennia ka sia sipununtuki nia baga?

Jak. 2:5 Iomraidhean Croise

1Rim. 22:28

Kuanangan si Mikha, “Ke Tuan toili kabagat aban, katukolobatnia, ta amanibo si Tuhan katubukku! Sangamberi siooi sene ibailiu sipasimumuneng.”

Job 34:10

Kalulut nenda, kam sirimanua siagai patuat, arepake kam tiboietku, “Areuake kam ka Taikamanua bule nugalaiake kam pukakatai, samba ka Sipulugege bule nugalai kam patajuat.

Job 34:19

Ta mare'reNia katubutda tai rimata, samba ta iboikiake sirimanua siabeu tiboi bele pei sirimanua sitaiaddeakenen, kalulut sia sangamberitda iate sigalai kabeiNia?

Job 38:14

Polak nenda isisili kele polak simaottot sibara toggaiat, sangamberi apapa kele putubuat komak.

2Mos. 20:6

Tapoi katubutda sipununtuki aku baga teret muribu reddenanda.

Pangt. 13:7

Ai sirimanua sikau tubunia simakayo, tapoi ta anai sibabara katubunia, ai leu sirimanua sikau tubunia simageba, tapoi maigi pukayoatnia.

Pangt. 7:24

Kalulut nenda, ale tatoga, arepi kam aku, lelekake kam sikuakku.

Pangt. 8:32

Kalulut nenda, kam tatoga, arepmake kam aku, kalulut mauktuk te sia sisuru sangamberi enunganku.

Jes. 14:32

Aponia kaunen alegiat ka sapakoiniet laggai nenda? “Tuhan le amasigalakake bongen Sion, samba sedda te sangamberi sirimanua sipangongorik sibara ka paamianNia rasilo pukuneman.”

Jes. 29:19

Sangamberi sirimanua sipangongorik ituppai le geti angkat bagatda katubut Tuhan, samba sangamberi sirimanua simageba katalagat sirimanua mugora baga katubut Sipulugege, Taikamanuan Isarel!

Zep. 3:12

Sedda te kuoobaake mukuddu simariuriu bangsa simaepe patuat, sipasisiddoni paromanKu. Momoi rakuddu sedda.

Zakh. 11:11

Ka gogoi nenda leu palelengan nenda ta'an turiuriuake. Sia sipasisasakiake biribiri nenda masiitco'ake aku, samba raseseake si Tuhan ainia maninibo ka sangamberi si galaiakenenku.

Zakh. 11:7

Aku, si Zakharia, lepa geti sia sipasisakiake biribiri rapupaiji aku bule kupasijago biribiri jajaket. Tutura'ku ai rua; siboiki kuoniake “Aggai baga” samba sikarua “Aapra.” Lepa taddaakekungan masijago samba masipasikeli biribiri nenda.

Mat. 11:5

Amaitcoan matada simapeset, amuenungan simasakit, amalengan sia simabogbong, amaarepman piura simatakkep, atusurungan simamatei samba Katuareman Simaeru atusegeakean ka simageba.

Mat. 25:34

Lepa kuanangan Rimata ka matada isit kai kattoetnia, ‘Konan kam, kam sinukatnakenen Ukkuiku, ikepmake kam purimataat sinarekngakenen ka kam ka pasibaraat polak pei le.

Mat. 5:3

“Mauktuk te sia simageba ka puketsanan; sia poi masibabakkati Purimataat Sorga.

Mrk. 7:14

Lepa sogainangan minca sirimanua simigi Jesus, kuanangan ka matada, “Arep kam sangamberimui, lelekngake kam!

Luk. 12:21

Kisedda leu te galainia sirimanua siruruake kayo ka tubunia, ke ta makayo nia ka matat Taikamanua.”

Luk. 12:32

Ba maloloto mungkuat sigoiso! Obaket Ukkuimui poi masiake ka kam Purimataat.

Luk. 16:22

Ia geti matei imatei simageba, ambitrangan nia samalaika masikau nia ka kupkup Abraham.

Luk. 16:25

Kuana le si Abraham, ‘Repdep le sirou: ka teteret purimanuaiatnu anusiloan simaeru, kai Latsarus geti sikatai le. Kineneiget tupususuibingan le nia, ekeu geti masiorikngan le.

Luk. 22:29

Ai leu kusegeake ka kam purimataat kele isegeake nia kaku Ukkuiku.

Luk. 6:20

Ia geti mattainangan sipasiuluinia Jesus, kuanangan ka matada, “Mauktuk kam simageba, kam poi sibakkat Purimataat Taikamanua.

Joh. 7:48

Ai pa sara ka talagada saute, ele ka talagada tai Parise simatonem baga ka tubunia?

Pugap. 7:2

Aleginangan nia, “Ale sasaraina samba saukkui, arepmake kam! Ai pei le taikebbukatta si Abraham ka Mesopotamia, enan ta mulalaggai nia ka Haran, aipatoilaan tubunia Taikamanua simalatsat ka tubunia,

ROMA 8:17

Samba ke toga sita, sipasiikep leu sita, tibonannia: sipasiikep palelengan Taikamanua, tasilo nia pasamba Kristus, aipoi ke samba tapasiorik kam Kristus, tulalatsatnake leu sita pasamba nia.

1Kor. 2:9

Tapoi kele sitususurat ka Surat Sipunenan, “Apa sitaiitcoket mata, sitaiaaremen talinga samba sitaituoottou ka paatuat sirimanua, aitarekngakean Taikamanua ka sia sipununtuki nia baga.”

2Kor. 4:15

Sangamberinia nene kalulut kam le, bule uurauna kiliu baga kalulut tutuppaina igit simatonem baga, memei maiigi leu ngangan pusurakat katulatsanan Taikamanua.

2Kor. 6:10

kele sipurereureu baga, tapoi sarat muangka baga le; kele simageba, tapoi masipakayo maigi sirimanua; kele si ta anai apa pa, tapoi sangamberinia le kubakkati kai.

2Kor. 8:9

Aipoi anuagaian kam kiliu bagat Tuhanta Jesus Kristus, kenanen simakayo nia, ipageba le tubunia kalulut kam, bule numakayo kam kalulut gebania.

EPESUS 1:18

Samba bule ipatoake matat paatuatmui, ioi nuagai kam aponia karoniet ka bagat pasogaiatnia, kipa kayot pulatsanan kaunennia ikepmakenenda sia sipunenan,

EPESUS 3:8

Oto kaku, bulat simakope goiso ka talagada sangamberi sipunenan, aipanguruatnakean kiliu baga nene Taikamanua masipaarep ka sabangsa ta Jahudi pukayoat Kristus sitaioi tukireki,

1Tes. 2:12

samba kunana kai kam, bule nupurimanua kam simateu ka siobat Taikamanua, sipasisosogai kam ka Purimataat samba pulatsanannia.

2Tes. 1:5

Ia te toggaiat roiponia ukuman Taikamanua, masipatoila mateuan kam bailiu tatogat Purimataat Taikamanua, kalulunia poi anupasiorik kam.

1Tim. 6:18

Kau ragalai simaeru, bule ramakayo ka galajet simaeru, bailiu simaanggai samba sioba masiparubei,

2Tim. 4:18

Samba ibebelaake aku si Tuhan ka senen galajet sikatai, iaarauake aku tuguru ka Purimataatnia ka sorga. Ka tubunia le pulatsanan teret buruburu. Amen.

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Ibr. 11:26

Aipoi katuloloiat kalulut Kristus le iaddeake pukayoat sabeu bele pei le sangamberi bibiletda tai Misir; upa ka gogoi sibabara le poi imamattai.

Jak. 1:12

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

Jak. 1:16

Sasaraina kilibet bagaku, bui numapepe kam!

Jak. 1:19

Repdep kam sasaraina kilibet bagaku! Senen sirimanua kau maruei masiarep, tapoi bui maruei manibo samba bui maruei mugolu.

Jak. 1:9

Saraina simageba kau imaangka bagania ke ibuakngake nia Taikamanua,

1Ptr. 1:4

tasilo ikepmakenen sitaimasusuet, sitaimalololit samba sitaimalalaju, situkokoiri ka sorga ka kam.

2Ptr. 1:11

Kisedda te ipanguruatnake ka kam gege simasun masiguruki Purimataat simatom, ia te Purimataat Tuhan samba Sipaarau sita, Jesus Kristus.

Pamoil. 2:9

Kuagai gejat bagam samba pugebakatnu – siripokatnia makayo le ekeu – samba paloloiatda sioniake tubuna Jahudi, tapoi ta Jahudi; paamian Sanitu le sia.

Pamoil. 21:7

Simamanang, nia te masiikep sangamberinia nene, bailiu aku Taikamanuania samba nia bailiu togaku.

Pamoil. 3:18

Oto kunganturu ekeu bule nusaki ka tubuku mas silinaakenen ka api, bule numakayo, samba leppei simabulau, pakeietnu, bui imatoila pububulututnu katuailaatnu; samba leu et tula, masitulaji matam, bule imaitco matam.

Pas. 9:7

Kele aiarepnia si Jotam pagalaiat nenda, ei nia murio ka uddut leleu Gerizim, iageti pugereinangan ka ipora sirimanua nenda, “Arepmake kam aku, ale tai Sikhem, bule Taikamanua leu et masiarepi kam!

1Sam. 2:30

Aku, Tuhan Taikamanuan Israel, siburu Akugalaian palelengan, saeppum samba samuntogatnu te geti masipuuku Aku sibailiu imam teret buruburu. Tapoi kineneiget ta'an kubebesiake pagalaiat nenda! Aipoi sisuru Aku, Kususuru te geti sia, tapoi sipaloloi Aku, Kupaloloi te geti sia.

1Sam. 2:8

Sibara ka pugebakat akkatnakenangan sia pangoringanda, sibara ka besit puririmanua belaakenangan sia ka paloloiatda. Bailiuakenangan sia aleira sia siabeu tiboi tubu, samba kaunangan pupasikelanan sibaraake katuumunan tubu. Saisai polak si Tuhan le sibakkatnia, galainangan polak ka uddutnia.