Jak. 1:12 - BUKO SIPUNENAN

¹² Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

Jak. 1:12 Iomraidhean Croise

1Mos. 22:1

Piga pa' tetere tusabau sibonangan Taikamanua nuntut bagat Abraham. Pasogainangan Taikamanau, “Abraham!” Lepa aleginangan si Abraham, “Oi, Tuhan.”

Neh. 1:5

“Oi Tuhan Taikamanua sibakkat gege ka manua. Ekeu Taikamanua siabeu samba kuoi kai masialiake Ekeu ka bagat loto. Matopit le ekeu samba nuukkaake le palelenganNu ka tubut sirimanua sipununtuki Ekeu baga samba sireddet surukatNu.

Job 2:10

Aleginangan si Job, “Kele sitapatuat nupanibo! Sarat simaeru le pa tasisilo sibara ka Taikamanua, tapoi ta taoba masisilo sikatai” Oto, aisiloan sangamberi pangoringan nene si Job, tapoi ta aibelaake tiboietnia isaggangi Taikamanua.

Job 5:17

Mauktuk ekeu ke igolu ekeu Taikamanua! Bui' mabele bagam ke iseleake ekeu.

PSALMEN 11:5

Isibo le si Tuhan sirimanua simatopit samba sikatai ipulagaki le baga sirimanua sioba pugege.

PSALMEN 119:67

Kepei tuepeake aku, mapepe peile aku, tapoi kineneiget kuukaake le palelenganNu.

PSALMEN 119:71

Kirenangan maeru kaku, tuepeake aku, bule kugelai sangamberi siteuakenenNu.

PSALMEN 119:75

Kuagai, ale Tuhan, surukatNu simaroipo le, samba mateuan anuepeake aku.

PSALMEN 5:11

Ukum le sia, oi Taikamanua eddangannia rapumauju kalulut pinaatutda saratda Tuituiake sia kalulut iginia jo sigalaira kalulut katubuM araoppungan tubutda.

PSALMEN 94:12

Mauktuk te sirimanua sigelaiNu, ale Tuhan, samba sigelaiakenenNu ka surukatNu.

2Mos. 20:6

Tapoi katubutda sipununtuki aku baga teret muribu reddenanda.

Pangt. 17:3

Mas samba perak tusibo le nia ka obengan, tapoi patuat sirimanua geti Tuhan le masisisibo.

Jes. 64:4

Taanai piu sipasiarep, samba taanai mata sipasiitco ai sara taikamanua sigalaiake katubut sirimanua singenaakenia; sarat Ekeu le amasigalaiake kisedda.

Zakh. 13:9

Sarat sara pertelungan le tupaarau geti. Kupalina le sia geti kele perak silatcatnakenen obengan. Kusibo le geti sia kele sara sipasisibo mas. Lepa panindourangan geti katubukKu, samba alegikungan sia. Kuakungan katubudra, sia iate paamianKu samba sia leu et masimunengake, Aku te Tuhan Taikamanuandra.”

Mat. 10:22

Rapulalagaki te kam baga sirimanua kalulut oningku; tapoi sipasioomake teret kalepakatnia, maarau nia.

Mat. 25:34

Lepa kuanangan Rimata ka matada isit kai kattoetnia, ‘Konan kam, kam sinukatnakenen Ukkuiku, ikepmake kam purimataat sinarekngakenen ka kam ka pasibaraat polak pei le.

Luk. 6:22

Mauktuk kam ke rapulagaki kam baga sirimanua, samba rakekele kam samba rapaloloi kam samba rakua kam sikatai kalulut Togatsirimanua.

ROMA 5:4

samba om baga ibaraake soppi samba soppi ibaraake pukakaronan.

ROMA 8:28

Kineneiget taagai kam, ai le mugagalai Taikamanua ka bagat sangamberinia masibaraake katuerukat ka sia sipununtuki nia baga, ia te sia sinogei teu bagat Taikamanua.

1Kor. 2:9

Tapoi kele sitususurat ka Surat Sipunenan, “Apa sitaiitcoket mata, sitaiaaremen talinga samba sitaituoottou ka paatuat sirimanua, aitarekngakean Taikamanua ka sia sipununtuki nia baga.”

1Kor. 8:3

Tapoi kasei masipununtuki baga Taikamanua, iagai nia Taikamanua.

1Kor. 9:25

Senen situtnake panangkakat, bulat rapasikeli tubuda ka bagat sangamberinia. Ragalai kele nene bule ioi rasilo kirit sitaimatom; ka sita geti bule ioi tasilo kirit simatom.

5Mos. 13:3

bui' nupuuku kam nia. Aipakei le sirimanua nenda Tuhan Taikamanuamui isibo kam, bule iitco bulatnia leu pa manuntu bagamui kai Tuhan ele ta.

5Mos. 7:9

Repdem kam sarat sarania le Tuhan Taikamanuamui, samba Nia te Taikamanua simatopit. Sutnakenangan si Tuhan sipalelekNia samba ipakoinong nuntut bagaNia simariuriu teret aili sangaribu reddenan ka sirimanua simanununtu baga ka tubuNia samba simareddet ka sangamberi parentaNia.

5Mos. 8:2

Repdem kam! Epat pulu ngarura burunia aiuteake kam si Tuhan Taikamanuamui ka pusilaijat simareunan sisaliu simatangeu. Puenunganan nenda pinaatut Tuhan masisibo kam, bule ioi iitco aponia sibabara ka patuatmui samba ai leu pa reddetmui ka sangamberi parentaNia.

2Tim. 2:15

Besiake numateu ka matat Taikamanua, kele sara sipugagalai sitaimaila ka pagalaiat galajetnia, simakolou masipaarep tiboiet pubulanan.

2Tim. 4:8

Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

Ibr. 10:32

Repdep kam ka tetere situsasabau. Lepa aitutoroiji kam, maigi anuorik kam, kalulut nuomake kam pasaggangan simaron.

Ibr. 11:17

Kalulut tonem baga, buluakenangan si Isak si Abraham ka teteret aisibo nia Taikamanua. Aisiloan tebai palelengan, matarek nia masibuluake togania sisasara,

Ibr. 12:5

Anukalipogingan pa kam nganturat sipasikukua ka matamui kele tatoga, “Ale togaku, bui nupuarak nganturat Tuhan, samba bui nupusala ke ikiroi ekeu;

Ibr. 6:15

Kele aingenaake nia si Abraham ka om baga, silonangan leu siripot palelengan ka tubunia.

Jak. 2:5

Arep kam sasarainangku kilibet baga! Ta aipilingan Taikamanua sia simageba ka polak nene ramakayo ka bagat tonem baga, samba bailiu sipasiikep purimataat sinibalaakenennia ka sia sipununtuki nia baga?

Jak. 5:11

Bulatnia takua sia simauktuk sipuoom baga. Anuarepman kam pagalaiat om bagat Job samba anuagaian kam apa pinatarek Tuhan ka tubunia ka kalepakatnia, aipoi sipulukatet baga le si Tuhan samba simasun nuntut baga.

1Ptr. 3:14

Tapoi ke bai masiorik kam kalulut puroipoat, mauktuk le kam. Oto bui nukalotoake kam kalotoakenenda samba bui imakarat bagamui.

1Ptr. 4:13

Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

1Ptr. 4:14

Mauktuk te kam ke rapaloloi kam kalulut onin Kristus, aipoi Ketsat pulatsanan, ia te Ketsat Taikamanua ai ka tubumui.

1Ptr. 5:10

Tapoi Taikamanua bakkat sangamberi kiliu baga, sipasisosogai kam ka pulatsanannia sitaitatata ka bagat Kristus, nia le masipamumuine kam, masipangetnget, masiparon samba masipatonem kukuddumui, lepa nupasiorik kam goiso.

1Ptr. 5:4

Amoian geti Sipasijajago Sabeu, silomuian kirit pulatsanan sitaimalalaju.

1Joh. 4:19

Tapunununtu baga, kalulut Taikamanua le boiki amasipununtuki sita baga.

Pamoil. 2:10

Ba kakalotoake gejat baga siooi geti ka tubum. Ibubulukngake te piga pa ka talagamui Sanitu ka bagat penjara bule isibo kam, magejanangan bagamui pulu ngagogoi burunia. Kau numatopit teret matei ai leu kuake kekeu kirit purimanuaiat.

Pamoil. 3:19

Kasei kupununtuki baga, ia te kuaase samba kunganganturu; oto besiake samba bauake paatuatnu!

Pamoil. 3:21

Simamanang, kukakau nia mukuddu ka bebeku ka uddenan purimataatku, keleu aku simamanang samba mukuddu ka bebet Ukkuiku ka uddenan purimataatnia.