2Tim. 4:8 - BUKO SIPUNENAN

⁸ Kineneiget, amatarekngan kaku kirit puroipoat akenen Tuhan Sipasiukum simaroipo kaku ka gogoi sialu; ta sarat kaku, tapoi samba leu ka sangamberi sipungeleiji katutoilakatnia.

2Tim. 4:8 Iomraidhean Croise

1Mos. 18:25

Buian tumateiake sangamberi sirimanua sitaanai sele pasamba simasele. Taa, Tuhan! Aipoi ke Nugalaiake, sirimanua sita'anaisele tuukum le geti pasamba simasele. Tamateu sipasiukun sangalio polak masigalaiake sitaimaroipo!”

PSALMEN 31:19

Eddangan bibo simapatajuat ibailiunia attinang, sipasitetelei sangamberi sirimanua simaroipo kabagat pukelakat paatuat samba paloloiat.

PSALMEN 7:11

Korabbiku iate Taikamanua, sipaarau sirimanua sipulelek.

Pangt. 4:9

Akenangan te geti kirit ogo simalainge ka utenu samba panguruatakenangan pulatsanan simalainge katubum.”

Malk. 3:17

Kuanangan Tuhan Sipulugege, “Ibailiu le geti sia paamianKu. Ka gogoi sitarekngakenenKu, bailiunangan sia bakkat pununtukietKu baga. Pununtukikungan sia baga, kele sara ukkui ipununtuki baga toga simareddet ka tubunia.

Mat. 24:36

“Pagalaiat gogoi samba jamnia geti ta anai siagai nia, beri samalaika ka sorga beri Toga leu, sarat Ukkui le siagai nia.

Mat. 7:22

Ka gogoi sialu maigi te sia sipasikukua ka mataku, ‘Tuhan, Tuhan, ta amungantomanan kai ka onim, samba akuusiake kai sanitu ka onim, samba akugalai kai maigi pukerengan ka onim?’

Luk. 10:12

Kukua nia ka matamui, ka gogoi pasiukuman, ukuman laggai Sodom pei le makalabbei ka laggai nenda.”

ROMA 2:5

Tapoi kalulut kelat paatuatnu samba taiobanu masibau paatuat, anururuakean te ka tubum golu, ka gogoi pasitoilakat golu samba ukuman Taikamanua simaroipo.

ROMA 8:23

Ta sarat sia, sita leu sipasisilo bua pusisikebbukat sibara ka Ketsat, muhoihoi leu sita ka paatuatta ka bagat pangenaatta ibailiu sita toga, ia te pasiarau tubuta.

1Kor. 2:9

Tapoi kele sitususurat ka Surat Sipunenan, “Apa sitaiitcoket mata, sitaiaaremen talinga samba sitaituoottou ka paatuat sirimanua, aitarekngakean Taikamanua ka sia sipununtuki nia baga.”

1Kor. 3:13

matotoila le geti galajetda senenda. Gogoi Tuhan poi masipatotoila, aipoi api le ipatotoila nia samba kipa erunia galajet senen sirimanua, api le isisibo nia.

1Kor. 9:25

Senen situtnake panangkakat, bulat rapasikeli tubuda ka bagat sangamberinia. Ragalai kele nene bule ioi rasilo kirit sitaimatom; ka sita geti bule ioi tasilo kirit simatom.

2Kor. 5:2

Ujuta ka sapou nene poi, sarat muhoihoi le sita, lulut turepdep simakope masipakei kudduat ka sorga.

Plp. 3:11

bule ka kalepakatnia aku leu tusuru ka simamatei.

Kol. 1:5

kalulut masikaroni sinarekngakenen ka kam ka sorga. Pagalaiat nenda anuarepman kam panandaatnia ka bagat tiboiet pubulanan, ia te Katuareman Simaeru,

1Tes. 1:10

samba masingenaake kaoijanan Togania sibara ka sorga, sisuruakenennia ka simamatei, ia te siarauake sita ka golu sibabara geti.

1Tes. 5:4

Tapoi kam sasaraina, ta anai kam ka bagat gepgep, bui itulut kam gogoi kele ke sipananangkou;

2Tes. 2:8

seddangan te teterenia ipatoila tubunia Sirimanua Sikatai; tapoi imamateiake le nia Tuhan Jesus ka engan ngungunia, samba isubuake nia ka kaoijanannia minca.

1Tim. 6:19

kisedda te raruruake pukayoat sibailiu bongen simaeru ka sia ka gogoi sibabara, rasilo purimanuaiat sipulelelek.

2Tim. 1:10

samba kineneiget atutoilaakean kalulut kaooi Sipaarau sita Kristus Jesus, sipasitatataake geget kamateiat samba siottouake purimanuaiat sitaimasusuet kalulut Katuareman Simaeru.

2Tim. 1:12

Ia te lulunia akuorik sangamberinia nene, tapoi ta mamaila aku; aipoi kuagai nia katonemietku samba matonem bagaku sangamberi sinegeakenennia kaku momoi ipasikeli nia teret ka gogoi sialu.

2Tim. 1:18

Bule ipangurutanake si Tuhan katet bagania ka tubunia ka gogoi sialu. Kipa igit sigalainia ka tubuku ka Epesus, ekeu pei le iagai nia.

2Tim. 2:5

Sipatatakai, kenanen apatakaian nia, ta te tukikirini nia, ke ta siripot aturan patatakainia.

2Tim. 4:1

Ka matat Taikamanua samba Kristus Jesus sipasiuukumake geti sipuririmanua samba simamatei, samba kalulut momoi nia masipatoila Puririmatania, kupatone simaron kekeu:

Tit. 2:13

ka tetere kineneiget ka bagat ai sita masingengena karonietta simasun puuktungan samba katutoilakat pulatsanan Taikamanua Sipulubeunan samba Sipaarau sita Jesus Kristus,

Ibr. 12:11

Kirenangan sangamberi pakiroat ka teteret ibara, taitco nia ta angkat baga, reureu baga le. Tapoi kalepakatnia buaakenangan puroipoat sibaraake aban ka sia siubui ka bagat nenda.

Ibr. 9:28

kisedda leu te Kristus, sangaminca le aibuluake tubunia masibairat jot sangamberi sirimanua. Lepa nenda patoilanangan tubunia minca, taan masibairat jo, masipanguruatnake puaragatnan le ka sia sipasingengenaake nia.

Jak. 1:12

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

1Ptr. 1:4

tasilo ikepmakenen sitaimasusuet, sitaimalololit samba sitaimalalaju, situkokoiri ka sorga ka kam.

1Ptr. 5:4

Amoian geti Sipasijajago Sabeu, silomuian kirit pulatsanan sitaimalalaju.

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.

Pamoil. 19:11

Lepa itcokungan tubuka sorga, makoinongnangan sara kuro simabulau; samba sikuddu ka uddutnia muoni: “Simatopit samba Sineseat”, samba maroipo ipasiukum samba ipasaggak.

Pamoil. 2:10

Ba kakalotoake gejat baga siooi geti ka tubum. Ibubulukngake te piga pa ka talagamui Sanitu ka bagat penjara bule isibo kam, magejanangan bagamui pulu ngagogoi burunia. Kau numatopit teret matei ai leu kuake kekeu kirit purimanuaiat.

Pamoil. 22:20

Nia sipasimumunengake sangamberinia nene masikua, “Oo, maruei le kuoi!” Amen, konanan Tuhan Jesus!

Pamoil. 4:10

purapporangan sirua pulu epat tai baja ka matat sikuddu ka uddenan purimataat nenda, masipanindogi nia, sipuririmanua teret buruburu. Lepa galakngakerangan kiritda ka matat uddenan purimataat, kuarangan,

Pamoil. 4:4

Samba sibokko uddenan purimataat nenda ai rua pulu epat uddenan, ka uddenan nenda muuddet rua pulu epat tai baja sipuleleppei simabulau samba kirit mas ka utera.