2Tim. 3:8 - BUKO SIPUNENAN

⁸ Makere kele si Jannes samba si Jambres masilawan si Mose, kisedda te sia masilawan pubulanan. Sirimanua nene amakataian paatuatda, ta matom tonem bagada.

2Tim. 3:8 Iomraidhean Croise

2Mos. 7:11

Kalulut nenda rimata leu masisogai sangamberi sirimanua sibara puagaijat samba simatawa, lepa galaiakenangan kisedda leu et ka puagaijatda masitawa.

2Mos. 7:22

Tapoi simatawa tai Misir masigalai kisedda leu et pasamba puagaijatda simatawa, bailiu rimata Parao mariuriu imakela patuatnia. Kele sikuat Tuhan, ta ioba rimata Parao masiarepi si Mose samba si Aron.

2Mos. 8:18

Sia simatawa masibesiake masipakei puagaijatda simatawa masibaraake legu leu et, tapoi ta amoi rabaraakenia. Ka senen kudduat ai legu,

2Mos. 8:7

Tapoi simatawa masipakei puagaijatda simatawa, samba masigalai ituottou sangamberi kuret ka tobbou laggai nenda.

Pugap. 15:24

Akuarepman kai, ai piga pa sibara ka kai masigejaake bagamui samba masipageugeu paatuatmui kalulut nganturatda; nene ta sibara ka ngangamai.

ROMA 1:28

Kalulut ta rabesiake masiagai Taikamanua, segeakenangan sia Taikamanua ka pupaatuanan sikatai, bailiu ragalaiake sitaimateu tugalaiake.

ROMA 16:18

Aipoi sirimanua kele nene ta Kristus Tuhanta rapuuku, balugura le. Samba kalulut tiboietda simananam samba paalakat baga rapataju sirimanua simalina paatuat.

EPESUS 4:14

bule taan kele tatoga sita, pinauttai samba pinaambit sene ngamata rusat nganturat, patajuat sirimanua, ka bagat pajoatda masipapepe.

1Tim. 1:19

ka bagat tonem baga samba agai baga simalina. Ai piga pa sia sitaipuletsei bagai bagania simalina, oto lukke tonem bagada;

1Tim. 4:2

sibara ka patajuatda sipaboboko, aipoi bagai bagada aian toggaiat sanitu.

1Tim. 6:5

pajoggolat ka sia sitaimaeru paatuat samba si ta anai pubulanan, ka bagada poi masibaraake puuktungan le puaarat.

2Tim. 4:15

Jago leu tubum ka tubunia, aipoi makope ilawan nganturatta.

Tit. 1:10

Aipoi amaigingan sia simakela paatuat, sitiboi tiboiet si ta galai samba sipatataju, sara pei sia sibara ka arat Jahudi.

Tit. 1:16

Rakua raagai Taikamanua, tapoi ka galai tubuda ai le raputatata nia. Kasitsitnakenen le sia samba sitaimareddet samba sitaioi masigalai apa pa galajet simaeru.

2Ptr. 2:14

Matada sun paelenan samba ta sesege bagada mujo. Ragalai paalakat baga ka simagulai paatuat. Paatuatda araubuian mualau baga. Sirimanua teleiet le sia!

1Joh. 2:18

Ale tatogaku, tetere kineneiget, ia te tetere sikateitei. Samba kele siarepmui, momoi te saggak Kristus; samba kineneiget amaigingan saggak Kristus. Sedda te ituaagai, tetere nene bulat tetere sikateiteian.

1Joh. 4:1

Sasaraina kilibet baga, bui nukaonemi kam senen ketsat, tapoi sibo le kam paketsatketsat, ele sibara ka Taikamanua pa; aipoi amaigingan nabi sipatataju muottou mei ka sangalio polak.

Pamoil. 2:20

Tapoi ai sitaipasesese ka bagaku galai tubum kalulut nuobaake sinanalep si Isebel, sipunabi tubuna, masigelaiake samba masipepeake sapaguguletku muumun samba mukom sibuluakenen ka buluat.

Pamoil. 2:6

Tapoi ai leu simaeru kekeu, ia te malaga bagam ka sigalaiakenenda sipasitutut si Nikolaus, lagakiet bagaku leu.