2Tim. 3:5 - BUKO SIPUNENAN

⁵ Ka uddut tuitco sia kele simasuru arat, tapoi pulelengannia geti, geget puaranan raputata le. Areuake tubum ka tubuda!

2Tim. 3:5 Iomraidhean Croise

Jes. 29:13

Aikuangan si Tuhan: “Kalulut raoi ramalegre sirimanua nene sarat ka ngungunia le samba sarat ka bibonia le raabeuake Aku, tapoi patuatda areu katubukKu, samba panindogatda katubukKu sarat tiboiet sirimanua sigelai le,

Mat. 7:15

“Suksuk kam tai nabi sipatataju, siooi masitaget kam sipubiribiri tubuna, oto arimau simasakbak le sia.

EPESUS 4:14

bule taan kele tatoga sita, pinauttai samba pinaambit sene ngamata rusat nganturat, patajuat sirimanua, ka bagat pajoatda masipapepe.

2Tes. 3:14

Ke ai kasei pa sitaireddet siniboimai ka surat nene, toggaiji kam nia, samba ba alei kam nia, bule imaila.

2Tes. 3:6

Tapoi kupatone kai kam ale sasaraina, ka onin Tuhan Jesus Kristus, bule nuareuake kam tubumui ka senen saraina sitaigalai galajetna samba sitaireddet nganturat sinilomui sibara ka kai.

1Tim. 4:7

Katsiliake pumumuan si ta galai, ta anai kauta nia. Ubui tubum musuru ka Taikamanua.

1Tim. 4:8

Olaraga putubuat goiso le uktuknia; tapoi olaraga puketsanan geti mauktuk ka sangamberinia, aipoi ai palelengannia, purimanuaiat kineneiget samba ka gogoi sialu.

1Tim. 5:8

Tapoi kasei pa sitaipuuku saeppunia, sara pei sikuddu ka lalepnia, aiputataan tonem bagania, saliu pei le kataira sitaimatonem baga.

1Tim. 6:5

pajoggolat ka sia sitaimaeru paatuat samba si ta anai pubulanan, ka bagada poi masibaraake puuktungan le puaarat.

2Tim. 2:16

Tapoi tiboiet si ta baga samba simalolit, katsiliake le, aipoi sikau sirimanua memei makatai le.

2Tim. 2:23

Katsiliake paukelatda taiagai paatuat samba sitaimateu, nuagai poi sibaraake pajoggolat le nenda.

Tit. 1:16

Rakua raagai Taikamanua, tapoi ka galai tubuda ai le raputatata nia. Kasitsitnakenen le sia samba sitaimareddet samba sitaioi masigalai apa pa galajet simaeru.

Tit. 3:10

Sirimanua sibaraake pasaraat, lepa nupanganturu nia sangaminca ele rua ngaminca, katsiliake nia.