2Tim. 3:2 - BUKO SIPUNENAN

² Aipoi sirimanua sarat mununtu baga ka tubudangan le, maalau baga ka bulagat, musosot titiboat samba mubuak paatuat, bailiu simaasa, ta masireddet eppu, taiagai musura baga, taipuuku arat,

2Tim. 3:2 Iomraidhean Croise

PSALMEN 10:3

Sirimanua sikatai raatciake le siobakat paatuatnia sirmanua simapepe paatuat masitelei samba masitataake si Tuhan.

PSALMEN 49:6

Angoi kumaloto ka gogoi pugejaat baga kateteret igoilik aku sipasikukkukru aku sirimanua sikatai,

PSALMEN 52:1

Ka sipasiuteake urai. Urai gelaiakenen David,

Pangt. 6:17

mata pubuangan patuat, jalai simapajoat, kabei simateiake sirimanua sitaimasele,

Jes. 10:15

Ai pa baliok siumunake tubunia ka sirimanua sipakeinia, ele iumunake tubunia gagaji ka sirimanua sipakeinia? kele liligeian le itubbui sirimanua masiakkatnia. Ta tutura masiakkatake sirimanua, tapoi sirimanua le masiakkatake tutura.

Dan. 11:36

Rimata laggai ka bare' igalai le geti siobat bagania. Ibuakngake samba iabeuake le tubunia ka senen sabulungan. Kisedda leu et ka Taikamanua sisaliu senengamata sabulungan samba tiboakenangan le geti titiboat sitaimateu tutiboake. Mauktek te nia teret itukapplu golu sabeu nenda; aipoi aponia siteuakenen Taikamanua buita muaili.

Dan. 7:25

Itiboake le geti tiboiet masisaggangi Taikamanua Sipulubeunan samba ipaoreiji le geti paamian Taikamanua. Ibesiake le geti isili tetere, surukat samba enungan puaranan paamian Taikamanua, samba ikupkupmake le geti sia sangarura, rua ngarura samba sitengarura ujunia.

Mat. 15:6

taan leu isusuru ukkui ele inania. Oto anuputataan kam tiboiet Taikamanua kalulut aratmui.

Luk. 12:15

Kuanangan minca ka matada, “Pagaba samba jago kam tubumui ka alau baga, aipoi purimanuaiat sirimanua ta kalulut igit bibilet, kenanen kipa kayonia.”

Luk. 16:14

Kele araarep sangamberinia nene tai Parise simaereu bulagat, asarangan Jesus.

Luk. 6:35

Kam geti, pukateki le kam baga saggakmui samba galai kam simaeru ka tubuda. Baleake kam ka sitaioi masitoiliake silinia, abeunangan upamui samba bailiunangan kam tatogat Taikamanua Sipulubeunan. Aipoi maeru le bagania ka tubuda sitaiagai musura baga samba leu ka tubuda sijo.

Pugap. 5:36

Aipoi siburu amurio si Teudas, sikau tubunia sabeu tiboi tubu, ai pa epat ngotu sirimanua sipasitututnia; tapoi aramateiake le nia, samba sipasitututnia sabu sia sangamberida tata.

ROMA 11:18

bui nuumunake kam tubumui nupabele kam ran nenda! Ke nuumunake kam tubumui, repdep kam, ta kam masibabairat ungat nenda, ungat le sibairat kam.

2Kor. 5:15

Samba Kristus amateian punu tubut sangamberi, bule sia sipuririmanua taan murimanua ka tubuda, tapoi ka tubut simamatei samba sisuruakenen punu tubudangan le.

Plp. 2:21

Aipoi sangamberida sarat uktuk tubuda le ragagaba, ta ka Kristus Jesus.

Kol. 3:5

Oto mateiake kam sangamberi siobat polak ka bagat tubumui, ia te puumunan, pulolinan, pubotbonan, botbot ka sikatai samba leu alau baga (aipoi alau baga makere ka pasibubuluji buluat).

2Tes. 2:4

ia te lawan sibuakngake tubuna ka sangamberi oniakenen Taikamanua samba panindogiet. Pukuddunangan pei ka Uman Taikamanua, iputaikamanua tubunia.

1Tim. 1:20

ka talagada ia te si Himeneus samba si Aleksander, sinegeakenenku kai Sanitu, bule ramakiro masiasa.

1Tim. 1:9

Samba buita turepdep, Surukat ta ioorak sirimanua simaroipo, ka sirimanua sipasabau Surukat le samba sirimanua sikatai, sitaikalotoake Taikamanua samba sirimanua sijo; sitaimalina samba si ta arat, simateiake ukkui samba inania, samba sia sipasimamatei sirimanua,

1Tim. 3:3

bui simasosot mulo simapuinengen, sitaimaoddoi, simaleppe baga le, simaaban, bui simaereu bulagat,

1Tim. 6:10

Alau baga ka bulagat poi ungat sangamberi pukataikat. Piga pa sia sialau bulagat, amapepengan sia rakaddiuake tonem bagada, oraknangan sia sene ngamata gejat baga masibesiki tubuda.

1Tim. 6:4

ia te siabeuake tubu, sitaiagai apa pa. Oringenda ia te sarat masigaba paisekat samba paukele tiboiet, sibaraake sisit baga, pagolukat, pakataikat nganga, pasuksungan sikatai,

2Tim. 3:4

raoba masipajo, ta mananta rapaatu, masipaumun siagai, masitutnake pubotbonan tubu pei le raoba bele pei masitutnake Taikamanua.

Jak. 2:8

Ke bulatnia nugalaiake kam surukat purimataat sitususurat ka Surat Sipunenan, “Pununtuki baga aleinu sirimanua kele tubum,” anugalaian kam simaeru.

Jak. 4:16

Kise nuumunake le kam tubumui ka buak paatuatmui. Pasiuumunmui tubu kele nene, katai le.

Jak. 4:6

Tapoi abeu pei le kiliu baga sipanguruatnakenennia ka sita. Ia te lulunia aikua Surat Sipunenan, “Isasaggangi Taikamanua le simabuak paatuat, simaepe paatuat geti ikikiliu le.”

1Ptr. 5:5

Kisedda leu kam sibau tubu, pusum kam ka simabaja. Samba kam sangamberimui paepe kam tubumui pasasambamui, aipoi aikua Surat Sipunenan, “Isasaggangi le poi simabuak paatuat Taikamanua, simaepe paatuat geti ikikiliu le.”

2Ptr. 2:10

sara pei sia situtnake pubotbonan akkula sipalolit tubuda sipuarak paneineiat Taikamanua. Kopet emenda samba buak paatuatda tai guru sipatataju nene pat ta magila sia masipaloloi siputubu simalatsat ka sorga.

2Ptr. 2:12

Sia geti, samba le kele tarimeu si ta paatuat, kele tarimeu labaket samba mateiakenen le arabara; rapaloloi sitaiaagaietda, bailiu sia ilango kele tarimeu simasakbak kalulut katai sigalaira,

2Ptr. 2:18

Kalulut ratiboake tiboiet pubuangan tubu samba si ta baga, samba rapakei pubotbonanda sikatai masikau paalakat bagada sirimanua simaruei pei le arabela ka mungkuatda simapepepe.

2Ptr. 2:3

Samba kalulut alau bagada tai guru sipatataju tiboirangan pumumuan pinabara ka kam masigaba uktukda. Tapoi ukuman ka tubuda amaujungan aimatarek samba kasubuatda taan tupabuburu.

Jud. 1:16

Sarat mungungu le sia samba muhoihoi pagalaiat tubuda; ngungunda masitiboake si ta paraboat samba raumunake sirimanua bule ibara uktukda.

Pamoil. 13:1

Lepa itcokungan sara tarimeu muottou ka koat, sipulu ban samba pitu ute; ka ngungun bannia ai pulu kirit purimataat samba ka utenia tusurat oni paasakat.

Pamoil. 16:11

samba raasa Taikamanua ka sorga kalulut besira samba kalulut appuda; tapoi ta rababauake paatuatda ka sigalaira.

Pamoil. 16:21

Bele ibele urat es sabeu sibara ka manua, lima pulu kilogram sanenia isaksak sirimanua; asarangan Taikamanua sirimanua kalulut paoreat urat es nenda, bulat abeu poi paoreat nenda.

Pamoil. 16:9

Malaborangan sirimanua kalulut kopet oloi api, bailiu raasa onin Taikamanua simagege masibaraake paoreat nenda samba ta rababauake paatuatda masilatsatnake onin Taikamanua.