2Tim. 2:3 - BUKO SIPUNENAN

³ Tutnake masiorik gejat baga siripot saladdut Kristus Jesus simatopit.

2Tim. 2:3 Iomraidhean Croise

Pugap. 23:31

Alarangan si Paulus tai saladdu siripot siparentaakenen ka matada, ambitrangan nia soibo nenda leu et ka Antipatris.

1Kor. 13:7

Nuntut baga masilabbu sangamberi, masikatonemi sangamberi, masikaroni sangamberi, maom baga masiorik sangamberi.

1Kor. 9:7

Kasei te saladdu sieei pasaggak sigaji tubuna? Kasei te sigalai monen anggur ta ikokom buania? Ele kasei sipasijajago biribiri ta ilolo susut biribirinia?

2Kor. 1:6

Ke masiorik kai, sibailiu pusuibiat samba puaragatmui le; ke tupusuibi kai, pusuibiatmui le, sibaraake ron ka kam masiorik ka bagat om baga pangoringan kele siorikmai.

1Tim. 1:18

Pasikelat nene kusegeake kekeu, togaku Timoteus, siripot sinibalaakenen siburu pagalaiat tubum, bule sibalat nenda ironake ekeu masipasaggakngake pasaggangan simaeru,

2Tim. 1:1

Sibara kai Paulus, apostel Kristus Jesus kalulut teu bagat Taikamanua masipaarep palelengan pagalaiat purimanuaiat ka bagat Kristus Jesus,

2Tim. 1:8

Oto bui numaila masimuneng pagalaiat Tuhanta, samba bui numaila kalulut aku situukum kalulut nia, tapoi tut le masiorik kalulut Katuareman Simaeru siripot ron Taikamanua.

2Tim. 2:10

Ia te kuoomake masiorik sangamberinia puuktunganda sia sipilit Taikamanua, bule rasilo leu puaragat ka bagat Kristus Jesus samba pulatsanan sitaitatata.

2Tim. 2:9

Kalulut pasipaarep Katuareman Simaeru nene te akupasiorik, pat tukabe, kele sirimanua sipananae; tapoi tiboiet Taikamanua ta tukakabe.

2Tim. 3:11

Anututnakean masiorik pangukurat samba paoreat kele siorikku ka Antiokia, ka Ikonium samba Listra. Sangamberi pangukurat akuorikngan, tapoi aibelaakean aku si Tuhan ka sangamberinia.

2Tim. 4:5

Kekeu geti kau numasikeli ka bagat sangamberinia, omake masiorik, galaiake galajet masipaarep Katuareman Simaeru, lettuake galajet pasikelatnu.

Plm. 1:2

samba kai Appia maniuta samba kai Arkhipus, aleita ka bagat pasaggangan samba ka sapaamian ka lalepnu:

Ibr. 10:32

Repdep kam ka tetere situsasabau. Lepa aitutoroiji kam, maigi anuorik kam, kalulut nuomake kam pasaggangan simaron.

Ibr. 11:27

Kalulut tonem baga, kaddiuakenangan Misir, ta aikalotoake golut rimata; iriuriuake le, aipoi Taikamanua sitaimaiitco kele aiitcoan le.

Ibr. 6:15

Kele aingenaake nia si Abraham ka om baga, silonangan leu siripot palelengan ka tubunia.

Jak. 1:12

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

Pas. 3:2

Aigalai si Tuhan nenda bule senen reddenan Israel ragelai pasaggak, simakokoinia sia sitaipasasaggak.