2Tim. 2:2 - BUKO SIPUNENAN

² Apa siarepnu kaku ka matada maigi sipasimumuneng, ia te nusesegeake ka sia siooi tukatonemi, simaagai leu masipangantoman sabagei.

2Tim. 2:2 Iomraidhean Croise

Ezra 7:10

Aipoi Si Ezra ai saraakeat patuatnia ipuuku surukat Tuhan, bule igalaiakenia samba leu igelaiake sangamberi siteuakenen surukat nenda katubutda tai Israel.

Ezra 7:25

Ekeu Ezra, pakei le sikut patuat siaket Taikamanua ka tubum, samba uddetnake le saute samba sipasiukum addeat masiparenta sangamberi sirimanua ka provinsi Efrat kabelekat sulu rapurimanua siripot surukat Taikamanuam. Bui ta nugelaiake surukat nenda ka tubut sangamberi sirimanua si taiagainia peile.

Neh. 7:2

Pamarentaat laggai Jerusalem kukau le ka tubut sarainangku kai Hanani samba Hananya, Utera' saladdu sipasijajago irip, kalulut nia momoi tukatonemi samba maloto nia ka Taikamanua bele pei sabagei.

PSALMEN 101:6

Kuipoake matakku masiitco katubut sirimanua simariuriu topit ka laggai, bule sia mukuddu pasamba aku. Sirimanua sipuririmanua ka enungan sitakatuailaat, masipasikeli aku.

Pangt. 13:17

Punu tubu sirimanua sikatai masijunungake sirimanua kabagat kamateiat, tapoi punu tubu simatopit masibaraake kaaleat.

Jer. 23:28

Nabi sipangangamutet, eddangania ipungungunake pangamutetnia nenda, samba nabi sibakkati tiboietKu, eddangannia ipungunguake tiboietKu nenda simakolou! Aponia pa' patapinannia legei siperakat bera ka gandum? kise te' ngangan Tuhan.

3Mos. 14:42

Samba sirimanua buita raala bukku bagei, lepa ottotakerangannia sibailiu silit sangamberi bukku sisukkai nenda, samba buita raala lepo bagei samba lepoakerangannia ka lalep nenda.

Malk. 2:7

Kirenangan galaiakenendra tai Imam geti iate masigelaiake simaeru pagalaiat Aku, Tuhan Sipulugege. Ka tubudda te raparerere' sapaamian pagalaiat apa obaket bagaKu, kalulut sia nenda poi pakoinienKu.

4Mos. 12:7

Ta kisedda ka paguguletKu si Mose, simariuriu topit kabagat UmangKu.

Mat. 13:52

Kuanangan ka matada Jesus, “Kisedda te senen siagaisurat sipusisikola pagalaiat Purimataat Sorga, makere ka sirimanua sibakkat lalep sipabela bibilet sibau samba siburu ka pangoirikatnia.”

Mat. 24:25

Pasikeli kam, akukuangan tebai ka matamui!

Luk. 12:42

Aleginangan nia si Tuhan, “Kasei le pagugulet simatopit samba simasiku paatuat rioakenen tuannia masipaneinei sapaguguletnia samba masikau katda ka teterenia?

1Kor. 4:2

Ka kalepakatnia gabaet ka tubuda sipupapasikelat kele nene, ia te buita katoneman le sia.

2Kor. 2:14

Tapoi sura le ka Taikamanua, simariuriu masimanangake kai ka bagat Kristus, samba kalulut kai ipatoila singinnia pasiaagai nia ka senen kudduat.

2Kor. 3:5

Sibara ka tubumai ta anai apa pa siooi kuaddeake kai kele galajetmai saramai; sibara ka Taikamanua le aioi akugalai kai nia.

Kol. 1:7

Sangamberinia nene anugelaian kam kai Epapras, alei mugalai kilibet bagamai, pagugulet Kristus simatopit masipasikeli kam.

1Tim. 1:12

Sura le kukua ka tubut sipasiroronake aku, Kristus Jesus Tuhanta, kalulut aiaddeake aku mateu samba isegeake pasikelat nene ka tubuku.

1Tim. 1:18

Pasikelat nene kusegeake kekeu, togaku Timoteus, siripot sinibalaakenen siburu pagalaiat tubum, bule sibalat nenda ironake ekeu masipasaggakngake pasaggangan simaeru,

1Tim. 4:14

Bui nuoreake masipakei panguruat sikuddu ka tubum, sinegeakenen kekeu ka tiboiet sinibalaakenen ka teteret ratonemake kabeira tai baja gareja ka utenu.

1Tim. 4:6

Ke nenda bai nunganturuake ka sasarainanta, bailiunangan ekeu pagugulet Kristus Jesus sipulelelek, siparimanuaake tiboiet putoneman baga samba nganturat simaeru situtnakenennu.

1Tim. 5:22

Bui paolaola nurioake sipugagalai ka paamian, bui iaili ekeu joda sabagei. Suru tubum imalina.

1Tim. 6:12

Patakaiake patakaiat tonem baga simaeru, lalau purimanuaiat sitaitatata; ia poi lulunia aitusogai ekeu, anumunengakean pei bagei pasimunengan simaeru ka matat maigi sipasimumuneng.

2Tim. 3:10

Tapoi ekeu geti anututnakean ngantomanku, paraboatku, isiatku, tonem bagaku, om bagaku, nuntut bagaku samba ron paatuatku.

2Tim. 3:14

Ekeu geti kau le numariuriu ka bagat pubulanan sigelainu samba sikatonemim, nuagai poi kasei sigelaiake ekeu.

Ibr. 2:17

Ia te lulunia ka bagat sangamberinia buita ibailiu nia makere ka sasarainania, bule ibailiu nia Imam Sabeu simanuntu baga samba simatopit ka pasikelat ka matat Taikamanua, masitebui jot sangamberi bangsa.

1Sam. 2:35

Lepa pilikungan imam simatopit katubukKu samba sipasigagalaiake apa siparentakenenKu katubunia. Katubunia te geti Kukakau reddenan sipugagalai simariuriu sibailiu imam ka matat sangamberi rimata sipilikKu.