2Tim. 1:8 - BUKO SIPUNENAN

⁸ Oto bui numaila masimuneng pagalaiat Tuhanta, samba bui numaila kalulut aku situukum kalulut nia, tapoi tut le masiorik kalulut Katuareman Simaeru siripot ron Taikamanua.

2Tim. 1:8 Iomraidhean Croise

PSALMEN 119:46

Kuoba masitiboake pagalaiat sangamberi paasekatNu kamatatda tai rimata, samba taan mamaila aku.

PSALMEN 19:7

Riringinangan manua barania ka tutu aili ka tutu taanai sibebela ka oloinia.

Jes. 51:7

Arepake kam Aku, ale kam siagai aponia simaeru, ale bangsa sikoiriake nganturatKu kabagat patuatmui! Bui' numaloto kam ke rapakaila kam sirimanua samba bui' nutuge'ge kam ke rapaloloi kam.

Jes. 8:20

“Gaba le nganturat samba pasimunengan!” Kasei ta manibo kele tiboiet nenda, oto ta bebela pato katubunia.

Mrk. 8:38

Kasei simaila masimunengake aku samba tiboietku ka reddenan sipaeelet samba sijo nene, Togatsirimanua leu mamaila masimunengake nia ka teteret ioi ka pulatsanan Ukkuinia sambada samalaikania.”

Luk. 9:26

Kasei simaila masimunengake aku samba tiboietku, Togatsirimanua leu mamaila masimunengake nia ka teteret ioi geti ka pulatsanannia samba pulatsanan Ukkui samba samalaikania sipunenan.

Joh. 15:27

Tapoi kam leu buita numunengake kam, aipoi ka panandaatnia pei le anupaaleian kam aku.

Joh. 19:35

Tubut sipasiitco sibabara nene masimunengake nene samba sineseat le simunengakenenia, samba iagai sibulatnia sikuania, samba bule kam leu matonem bagamui.

Pugap. 5:41

Kaddiuakerangan purapanan ka angkat baga, mateu le poi raorik paloloiat kalulut onin Jesus.

ROMA 1:16

Bulat tonem le bagaku ka Katuareman Simaeru, nia le poi ron Taikamanua masiarauake senen simatonem baga, boiki tai Jahudi samba bangsa bagei leu.

ROMA 16:25

Pulatsanan le ka Taikamanua, simagege masironake kam siripot Katuareman Simaeru singantomanakenenku samba katuareman pagalaiat Jesus Kristus, siripot pasitoilakat pakeleat simengmengakenen piga ngotu ngarura pa ujunia;

ROMA 8:36

Kele sitususurat: “Kalulut ekeu ramateiake kai sanganantat gogoi; kean le biribiri jajaket le raaddeake kai.”

ROMA 9:33

kele sitususurat: “Bulatnia kugalakngake ka Sion sara bukku tuluiet samba sara bukku katusoksongan, samba kasei sikatonemi nia, ta tupakakaila.”

1Kor. 1:6

sedda te imatotoila pasimunengan pagalaiat Kristus bulat amaronan ka kam.

2Kor. 6:7

ka bagat masipaarep pubulanan samba geget Taikamanua; ka bagat masipakei pamatei puroipoat masisaggangi ele masijago tubu;

EPESUS 3:1

Ia te lulunia aku, Paulus tupenjaraake kalulut Kristus Jesus punu tubumui sipuarat sabulungan.

EPESUS 3:13

Kalulut nene kutiddou, bui imabele bagamui nuitco kam paoreat ka tubuku kalulut kam, aipoi katulatsananmui le.

EPESUS 4:1

Oto kutiddou ka kam – aku sipenjaraakenen kalulut Tuhan – bule nupuparaboat kam simateu siripot sirimanua sinogai Taikamanua.

EPESUS 4:17

Oto kukua samba kumunengake nene ka kam ka bagat Tuhan: Buian nupuparaboat kam kele sipuarat sabulungan, sipaatu si ta galai;

Plp. 1:7

Mateuan kupupaatuat kisedda ka tubumui sangamberimui, aipoi ai le kam ka bagat paatuatku, kalulut kam sangamberimui amurubeiatnan kam ka bagat kiliu baga sipanguruatnakenen kaku, ka teteret ai aku ka bagat penjara ele ka teteret pasialegiat samba masironake Katuareman Simaeru.

Plp. 3:10

Kiddiet bagaku ia te masiagai nia samba geget katusuruatnia samba musara ka pangoringannia, bailiu makere aku ka bagat kamateiatnia,

Plp. 4:13

Sangamberinia momoi kubairat, kalulut Kristus siparon aku.

Kol. 1:11

bailiu maronmuian simakope siripot gegenia simalatsat masibairat sangamberinia ka bagat om baga,

Kol. 1:24

Kineneiget maangka le bagaku ka bagat pangoringanku kalulut kam, samba masisutnake ka bagat akkulaku simagulai pei le ka pangoringan Kristus, punu tubunia, ia te paamian.

1Tes. 3:4

Ai pei le kai ka talagamui, akukuangan kai ka kam pagalaiat oorikta gejat baga. Samba nene kele siagaimui amuailingan.

1Tim. 2:6

sibuluake tubunia panebuira sangamberi sirimanua, ia te munengakenen ka tetere sinetereakenen.

2Tim. 1:10

samba kineneiget atutoilaakean kalulut kaooi Sipaarau sita Kristus Jesus, sipasitatataake geget kamateiat samba siottouake purimanuaiat sitaimasusuet kalulut Katuareman Simaeru.

2Tim. 1:12

Ia te lulunia akuorik sangamberinia nene, tapoi ta mamaila aku; aipoi kuagai nia katonemietku samba matonem bagaku sangamberi sinegeakenennia kaku momoi ipasikeli nia teret ka gogoi sialu.

2Tim. 1:16

Bule ipanguruatnake si Tuhan katet baga ka lalep Onesiporus, aipoi mareirei ikulaake bagaku samba ta ikailaake masibalou aku ka penjara.

2Tim. 2:3

Tutnake masiorik gejat baga siripot saladdut Kristus Jesus simatopit.

2Tim. 2:8

Repdep Jesus Kristus, sitususuru ka simamatei, sibara ka punuteteu David, ia te sipaarepku ka Katuareman Simaeru.

2Tim. 2:9

Kalulut pasipaarep Katuareman Simaeru nene te akupasiorik, pat tukabe, kele sirimanua sipananae; tapoi tiboiet Taikamanua ta tukakabe.

2Tim. 4:17

Tapoi aipaaleian aku si Tuhan samba aiparonan aku, bule ioi kupaarep simasun Katuareman Simaeru samba sangamberi sipuarat sabulungan masiarep. Ia te akubela ka ngungun singa.

2Tim. 4:5

Kekeu geti kau numasikeli ka bagat sangamberinia, omake masiorik, galaiake galajet masipaarep Katuareman Simaeru, lettuake galajet pasikelatnu.

1Ptr. 1:5

Ia te kam pinasikeli ka geget Taikamanua kalulut tonem baga ujumui masingena puaragat simatatarek patoilaket ka gogoi sialu.

1Joh. 4:14

Akuitcoan kai samba kumunengake kai kokoiniakena Ukkui Togania bailiu Sipaarau taikapolak.

Jud. 1:24

Oto ka tubunia, simagege masipasikeli bui nubele kam samba siambit kam si ta loloiet samba sut gorat baga ka matat pulatsanannia,

Pamoil. 1:2

Munengakenangan nia si Johannes sangamberi siitconia pagalaiat tiboiet Taikamanua samba pasimunengan Jesus Kristus.

Pamoil. 1:9

Aku, Johannes, saraina samba aleimui ka bagat pugejaat baga, ka bagat Purimataat samba puoom baga masingenaake Jesus, ai aku ka nusa sipuoni Patmos kalulut tiboiet Taikamanua samba pasimunengan siaket Jesus.

Pamoil. 12:11

Arakalaakean nia kalulut logau Togat Biribiri, samba tiboiet pasimunenganda. Samba ta arakiliu enganda teret matei.

Pamoil. 19:10

Purappokungan ka matat malaika masipanindogi nia; tapoi kuanangan ka mataku, “Ba gagalai kise! Aku leu pagugulet le kele ekeu samba sasarainam, sipasisisilo pasimunengan Jesus. Taikamanua le panindogi! Aipoi pasimunengan Jesus ia te ketsat pamoiliananda tai nabi.”