2Tim. 1:7 - BUKO SIPUNENAN

⁷ Aipoi ta ketsat sikau sita muloto aiake Taikamanua ka sita, ketsat sikau muron, nuntut baga samba lelek tubu le.

2Tim. 1:7 Iomraidhean Croise

PSALMEN 119:80

Bule patuatku masitut sangamberi siteuakenenNu kabagat linat patuat, bule bui' kusilo katuailaat.

Pangt. 2:7

Tarekakenangan paroman ka sirimanua simatopit, ibailiu korabbi ka sirimanua simeru paraboat,

Pangt. 8:14

Katubukku ai nganturat samba pupaatuanan simakeru, aku te puaagai kolou, katubukku te puronan.

Jes. 11:2

Ketsat Tuhan babara geti katubunia, ketsat pusikuat patuat samba puaagai, ketsat mupanganturat samba pubebeunan, ketsat puaagai samba loto katubut Tuhan;

Mik. 3:8

Tapoi pagalaiat putubuatku nene, aiuruake'an ketsat samba gegeNia si Tuhan. Katubukku iake' puaagai pagalaiat katuroipoat samba leu et gege masipoiliat jo katubutdra tai Israel.

Zakh. 4:6

Malaika nenda masikoiniake aku bule kusegeake patonekat Tuhan nene ka tubut Zerubabel, “Ta kalulut gegetdra saladdu samba ron tubum aibara puuktungannu, tapoi sibara ka paroman ka ketsatKu le.

Luk. 10:19

Repdep kam! Akuakean ka kam gege masipera ulou samba telenganga samba leu masikalaake gegeda taisaggak, samba beri sara siooi masipakatai kam.

Luk. 15:17

Ia pei seseakenangan galai tubunia, kuanangan, ‘Magulai bai sapagugulet ukkuiku, simalilimai le kan ka sia, aku geti mamateian le aku laje!

Luk. 24:49

Ai leu kukoiniake ka kam sinibalaakenen Ukkuiku. Tapoi buita nungena kam se ka Jerusalem, teret tusegeake ka kam gege sibara ka pata.”

Luk. 8:35

Belarangan sangamberida masiitco sibabara. Oi sia ka Jesus, itcorangan sirimanua sikaddiuakenen sanitu ai nia mututukku ka bebet reret Jesus; amuleppeian nia, aiagaian simaeru. Malotorangan sangamberida.

Joh. 14:27

Kugalak ka kam aban. Aban sibara kaku kuake ka kam. Ta kele siakera taikapolak akenenku ka kam. Bui imasedde bagamui, bui numaloto kam.

Pugap. 1:8

Tapoi nusisilo le kam ron, ke amoian Ketsat Sipunenan isopsop ka tubumui, bailiunangan kam simunengake aku ka Jerusalem samba ka sangalio Judea samba Samaria pat aili ka tutut polak.”

Pugap. 10:38

ia te pagalaiat Jesus tai Natsaret, kipa aitulaji nia Taikamanua Ketsat Sipunenan samba gege. Mugejek nia masigalai simaeru samba masialeake sangamberi pinasaileu Sanitu, ipaalei poi nia Taikamanua.

Pugap. 20:24

Tapoi beri goiso ta kupuletsei purimanuaiatku; itukappulu le eijatku samba kulepaake galajet siniloku kai Tuhan Jesus, masimunengake Katuareman Simaeru pukatekat bagat Taikamanua.

Pugap. 21:13

Alegina le nia si Paulus, “Aponia nupusosou kam kele nene, nureureuake kam bagaku? Aipoi ta sarat tukabe, tapoi samba matei leu ka Jerusalem matarek le aku kalulut onin Tuhan Jesus.”

Pugap. 26:11

Mareirei kupaoreji sia ka uma parurukat, kutubbui sia bule rapakele tonem bagada, samba kopet oloi paatuatku ka tubuda, pat aili ka laggai bagei kukukuru sia.”

Pugap. 26:25

Kuanangan si Paulus, “Ta airoro aku ale Festus, tuan sabeu! Sibulatnia le akutiboi sibara ka paatuat simakolou!

Pugap. 6:8

Stefanus geti simasun tonem baga samba gege, igalai le kerek samba kiseiet sabeu ka talagat sirimanua simigi.

Pugap. 9:22

Tapoi memei le itutuppai ronnia si Saulus, pat puinengnangan sia tai Jahudi sikuddu ka Damaskus, kalulut ipatoila ka matada Jesus nene ia te Kristus.

ROMA 5:5

Samba pukakaronan ta ipabubuji baga, aipoi nuntut bagat Taikamanua atuurungan ka paatuatta kalulut Ketsat Sipunenan sipanguruatnakenen ka sita.

ROMA 8:15

Aipoi ta Ketsat pupagugulenan sikau kam minca muloto anusilo kam, Ketsat sikau kam ibailiu tatogat Taikamanua le. Ka bagat Ketsat nenda tapusoga: “Abba, Ukkuiku!”

1Kor. 2:4

Tiboietku samba ngantomanku leu ta ka sikut paatuat paalakat baga kusegeake nia, tapoi masikatonemi ron Ketsat le,

Gal. 5:22

Buat Ketsat geti ia te: nuntut baga, angkat baga, aban, om baga, anggai baga, erut baga, topit,

Kol. 1:8

Nia leu amasinunuake ka matamai nuntut bagamui ka bagat Ketsat.

Ibr. 2:15

samba ibelaake sia ka pupagugulenan sanganantat purimanuaiatda lulut puloloto ka kamateiat.

1Ptr. 1:22

Anulinaakean poi kam ketsatmui ka purereddet ka pubulanan ioi nugalaiake kam nuntut baga simalina ka sasaraina, kauan sibulatnia nupanuntu kam baga pasasambamui sibara ka muinet paatuat.

1Joh. 4:18

Ka bagat nuntut baga ta anai loto; aipoi nuntut baga simasun masi tataake loto. Aipoi loto ai pei le ka bagat ukuman, samba kasei simaloto ta masun ka bagat nuntut baga.